2 Kɔlɛ̂ŋtɛ 13:5 - Kɑɑ Fí

⁵ Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

2 Kɔlɛ̂ŋtɛ 13:5 Кръстосани препратки

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 15:4

«Pʉʉ lɑtnɛ nǔu mɔ, pɑ́Ꞌ n dɑtnɛ́nɛ yɑ́ɑ nǔu pʉʉ! Pɔ́tʉ́ lɑɑ mbɔɔ lɑtnɛ nǔu nɛtsɛ́n-tʉ́ pɔ́, mbɔ ɛ́ kɛ́ kuꞋ nɛzɛ́m mɛntɑ́ɑ pɔ́. Ɛ́ ndʉ́ŋndʉŋ pɑ́Ꞌ pʉʉ lɑɑ mbɔɔ tɛmtɛ nǔu mɔ pɔ́, pʉʉ pɔɔ kuꞋ nɛɡɛ yɛcɔ́ yúu tɛ ɛ́ pɔŋ pɔ́.»

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 6:56

Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

Jɑ̂ŋ 6:6

A kɑ pɔ́ ńcú pɔ́Ꞌɔ, ńdɔk ŋ́kwɑꞋlɛ wɛ́ kwɑꞋnɛ́nɛ. KwɑꞋ jʉ́ Yɛ́su pɔ́ ńjí yúu mi ɑ ɡʉ ḿbɛn ŋ́ɡɛ.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 8:10

Lɑ́ Kɛlístɔ lɑɑ ŋ́kɛ́ ḿbɔ́ nǔu pʉʉ, mbɔ Zẅikŋɛ yɛ́ ɡʉ ŋ́ɡɛ pʉʉ pɔ́ ɡú. Ɛ́ mbíꞋŋɡɔ Sɛ́ ɡɛ pʉʉ pɔ́ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pʉʉ ɡʉ ńdɑ́Ꞌ ḿbɔ́ ɡú, tɛ mbɑ pɑ́Ꞌ mbɑp-mbʉʉ yʉʉ ɡʉ ńdɑ́Ꞌ ḿpfú pfúnɛ mbíꞋ mɛnu kɛpɔŋ.

1 Kɔlɛ̂ŋtɛ 11:28

Pɔ́Ꞌɔ lɑ́, mbɑ wɔ̌ lɑ́ tsɑꞋ mbʉʉ yɛ́. Lɑ́ mbɔɔ ŋ́kɛ́ ŋ́kwɛ́t yɔ mbɛlɛ̂ɛt ḿbɛn ńnɔ́ yɔ ntúꞋ,

1 Kɔlɛ̂ŋtɛ 11:31

Pɛkŋɛ kɑ pɔ́ pɛ́Ꞌnɛ ḿbiitɛ ńtsɑꞋ mbʉʉ yɛkŋɛ, mbɔ ɛ́ lɑɑ ḿbɔ́ pɛkŋɛ lʉ́ɔꞋlɛ tɛ mbɔɔ vu ntsɑŋ mbi Sɛ́ pɔ́.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

1 Kɔlɛ̂ŋtɛ 6:15

Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

1 Kɔlɛ̂ŋtɛ 6:2

Pʉʉ kɑ́ pɔ́ ńjí ŋɡɔ pʉɔ Ndɛ́ɛnɛ Lɛ́ɛnɛ́nɛ ɡʉ ńdɑ́Ꞌ lɛ́Ꞌ ŋ́ŋɑk pʉɔ-ndǔmbí pɔ́ kɛ? Ɛ́ lɑɑ ḿbɔ́ yi pʉʉ ɡʉ ńdɑ́Ꞌ ŋ́ŋɑk pʉɔ-ndǔmbí, mbɔ kʉ̈ɔ́ ḿbɛn ŋ́ɡɛ pʉʉ pɔɔ kuꞋ nɛŋɑk mɛnu mi ɛ́ zɛɛ mbɔɔ yɛcɔ́ yúu kuꞋ?

1 Kɔlɛ̂ŋtɛ 9:24

Pʉʉ sɛ́ ńjí yʉ́ʉ ŋɡɔ ɛ́ ɡʉ zʉꞋ yi pɛ́ kʉɔnɛ ndʉ́ɔlɛ́ zúꞋu, pɑkʉɔ ndʉ́ɔlɛ́ kʉ̈ɔ́ pɔ pɛtsʉʉ, lɑ́ tɑ́Ꞌ ŋu wɛ́mɔ́Ꞌ nǔu pɔ́p tíinɛ yúu mi pɛ́ zɑ́pnɛ. Mbɑ wɔ̌ lɑ́ nǔu pʉʉ kʉ̈ɔ́ nǔu ntɛ́ yi ɑ ɡʉ ńtíi yúu mi pɛ́ zɑ́pnɛ.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

2 Kɔlɛ̂ŋtɛ 6:16

Mbɔ pɛ́ lɔk ndɑ́-nɔŋpɔꞋ-Sɛ́ pɔ́p yúu mi pɛ́ ɡúꞋlɛ ŋɡɔ ɛ́ mɛsɛ́ ńdɔk ɛ́fúŋ tɑ́Ꞌ yúu ŋɡɔ́ku? Pɛkŋɛ zɛɛ ḿbɔ́ ndɑ́-nɔŋpɔꞋ-Sɛ́ ẅi ɑ ḿbɔ́ ńcú mbɔ̌ pɔ́p, pɑ́Ꞌ kwɑꞋ jʉ́ kɑ cúnɛ ŋɡɔ: Mɔ, ŋ ɡʉ ŋ́ɡɛ ńtsʉ́Ꞌ ńnɑ́ŋ pɔ tsɛtsɛt pɔ́p, ḿbɔ́ nɛn tsɛtsɛt pɔ́p. Mɔ ŋ́ɡɛ ḿbɔ́ Sɛ́ wɔp, pɔ́p pɔ́ pʉɔ pɑ́ɑ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

Ŋɡɑlɑ̂t 6:4

Mbɑ wɔ̌ lɑ́ tsuŋ ńtsɑꞋ kwɑꞋ mɛ́ mɛfɑꞋ. A lɑɑ ńtsɑꞋ, ńjʉ́ɔ ŋɡɔ ḿbɔ́ nu pɔŋ wɛ́ nǔu, mbɔ ɛ́ píkŋɛ ŋɡɔ nu ɡɔ́ ḿbɔŋ wɛ́ mbíꞋ pɔ ŋɡɔ ɛ́ kwɑꞋ mɛfɑꞋ mɛ́. Tɛ ɛ́ pɔɔ pɔ́ ŋ́ɡɔ́ ḿbɔŋ wɛ́ mbíꞋ pɔ pɑ́Ꞌ ɑ lʉŋtɛ mîmɑ́ mɛfɑꞋ nǔu mɛ́ pɛcɔ́ pʉɔ pɔ́,

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

1 Timɔtɛ́ɛ 2:15

Lɑ́, n cú pɑ́Ꞌnɛ, mɑŋɡɛ́ ɡʉ ńdɔk pɔ pɑ́Ꞌ ɑ ɡẅɛɛnɛ mbɔ́ŋkʉ̈ɔ́ lɑ ńduk. Lɑ́, ɛ́ píkŋɛ ŋɡɔ ɑ kɛ́ ńzɑ́p pɔ tʉ́m nǔu Sɛ́, ŋ́kɔŋ pʉɔmɛsɔŋ, ŋ́ɡẅɛɛ mbʉʉ yɛ́ nɛ́ mɛkuꞋ, ŋ́ɡɛ yúu mi ɛ́ pɔŋnɛ Sɛ́.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.

Tîtɛ 1:13

Nu yi ɑ kɑ cúnɛ lɑɑ, ɛ́ nu nɛ́nẅín. Ɛ́ yɛ́tɛ́ lɑ́ ɛ́ sɛ́ ḿbíkŋɛ ŋɡɔ ɔ lɔk cʉ́ɔk ńcú nu mbɔ̌ pɔ́p, ńjí ŋɡɔ pɔ́p ɡʉ ńtsuŋ ńzɑ́p tʉ́m yɔ́p nǔu Sɛ́,

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Tîtɛ 2:2

ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Ɛ́bɛlʉʉ 6:8

Lɑ́ ḿbɔ́ yi cẅɛ́ɛnɑŋndɔ́ŋ pɔ́p mɛsɔpnzɔ́ŋ lɑɑnɛ ŋ́kɔ́Ꞌ nǔu yîyɑ́ zʉꞋ-tsɛ́tsɑ́Ꞌ, mbɔ ɛ́ kɛ́ cẅɛ́lɛ́ nǔu yɛcɔ́ yúu pɔ́, mbɔ Sɛ́ ɡʉ ńníꞋ ndɔɔ nǔu pɛ́ mɛꞋ, ŋ́ɡɛ ńtsʉ́Ꞌ ńtɔɔ tɔɔnɛ.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Pyɛ̂ 5:9

Pɔ́Ꞌɔ lɑ́, pʉʉ zɑ́p tʉ́m yʉ́ʉ nǔu Sɛ́, ŋ́kẅiꞋ ńtɛntɛ, ńdʉꞋ Sɑ́ttɑ, ḿbɔ́ ńjí ŋɡɔ pɔ́ɔpɛ́mɑ́ pʉʉ ndǔmbí ḿbɔ́ ńjʉ́ɔ pɔ ntɛ́ ŋɡʉ̈ɔ́Ꞌ yi pʉʉ jʉ́ɔnɛ.

Mɛnu ɛ́ ńdɑ́Ꞌ ńcẅɛt 2:5

Pʉʉ kɛ́ ŋ́kẅíitɛ zʉꞋ yí pʉʉ kɑ tʉ́ʉnɛ zúꞋu lɑ ḿvu sɛ́, ŋ́kúpmɛ mɑt wʉʉ ḿbɛn ɛ́fɑꞋ mɛfɑꞋ mí pʉʉ kɑ pɔ́ ɛ́fɑꞋ. Tɛ ɛ́ pɔɔ pɔ́Ꞌɔ pɔ́, mbɔ n dɑɑ ŋ́ɡɔ ńtɔ́, pʉʉ pɛ́t pɔ kɛ́ kúpmɛ mɑt, mbɔ ŋ ɡʉ ńtíi yʉʉ kyɛꞌ, ŋ́kúpmɛ zʉꞋ yɛ́.