2 Kɔlɛ̂ŋtɛ 13:4 - Kɑɑ Fí

⁴ Ɛ́ nɛ́nẅín ŋɡɔ ɑ kɑ pɔ́ yɛcɔ́ ŋkɑ́, ḿbɔ́t pɑ́Ꞌ ŋumɛsɔŋ, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. Lɑ́ ɑ kɛ́ ḿbɔ́ ŋkɔ̂ɔnɛ ḿbɔ́ ntʉʉ, ɛ́ pɔ́ mɛtʉʉ-Sɛ́. Pɛk yɛ́k, pɛk fú nǔu pɑ́Ꞌ pɛk lɑtnɛ mbʉʉ nǔu wɛ́, ḿbɔ́t pɑ́Ꞌ ɑ kɑ pɔ́nɛ. Lɑ́ ŋ́kɛ́ ŋ́ɡɛ ńdɔk yɛk ntɛ́ nɛɡẅɛɛ wʉ́ʉ, ńnyɛt wʉ́ʉ ŋɡɔ pɛkŋɛ pɛ́ Kɛlístɔ ntʉʉ, ɛ́ pɔ́ mɛtʉʉ-Sɛ́.

2 Kɔlɛ̂ŋtɛ 13:4 Кръстосани препратки

Jɑ̂ŋ 10:18

Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 3:16

Ɛ́ nǔu ŋkɔ̂ɔnɛ, pʉʉ sɛ́ ńjʉ́ɔ ŋɡɑŋ-kẅíꞋlɛ wɔ, ḿbɛn ḿbɔ́ ńjí wɛ́. Ɛ́ lɛɛ pɔ nǔu wɛk nɛzɑ́p tʉ́m nǔu Yɛ́su ɛ̂wɑ́ lɑ lík yɛ́ ɡɑ́ mɛtʉʉ mbɔ̌ wɛ́, ɑ lɔk ńdɔ sɛ́ ńtʉ́ʉ mbi pʉʉ. Ɛ́ lɛɛ pɔ nǔu nɛzɑ́p tʉ́m nǔu Yɛ́su lɑ ɑ fíitɛ pɑ́Ꞌ pʉʉ sɛ́ ńjʉ́ɔ lɑɑ.

Pʉɔ-Lɔ́mɑ 1:4

Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.

Pʉɔ-Lɔ́mɑ 14:9

Kɛlístɔ kɑ zɛɛ ḿpfú ḿbɛn ńzẅíimɛ nɛpɔ́ yi ɑ ɡʉ ḿbɔ́ Tsɑpʉɔ pɛpfú mbɑ wɛ pʉɔ pi pɔ́p ntʉʉ.

Pʉɔ-Lɔ́mɑ 6:4

Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.

1 Kɔlɛ̂ŋtɛ 1:25

MbíꞋŋɡɔ yúu mi Sɛ́ ɡɛnɛ ŋumɛsɔŋ jʉ́ɔ ŋɡɔ ɛ́ nu-pɑ́lɛ, jínu nǔu ńdɛɛ yi ɛ́ nǔu yúu mi ŋumɛsɔŋ ɡɛnɛ. Yúu mi Sɛ́ pɛnnɛ ŋ́ɡɛ ŋumɛsɔŋ jʉ́ɔ ŋɡɔ ɛ́ pɔ́t pɔ́tnɛ, yîyɑ́ ɡẅɛɛ tʉʉ ńdɛɛ yi yúu mi ŋumɛsɔŋ ɡɛnɛ.

1 Kɔlɛ̂ŋtɛ 15:43

Pɛ́ ɡɔ́ ńníꞋ yɔ mbɑp-mbʉʉ sɛ́, ɛ́ pɔɔ kuꞋ nǔu yɛcɔ́ nu pɔ́, ŋ́ɡɛ ḿbɔ́ tɛ ńzẅíimɛ nǔu nɛvú, ŋ́ɡẅɛɛ nɛɡúꞋ. Pɛ́ ɡɔ́ ńníꞋ sɛ́ ɛ́ pɔ́ pɔ yɛpɔ́t, ŋ́ɡɛ ḿbɔ́ tɛ ńzẅíimɛ nǔu nɛvú ŋ́ɡẅɛɛ mɛtʉʉ tɛꞋ.

1 Kɔlɛ̂ŋtɛ 2:3

Ŋ kɑ tʉ́ʉ tsɛtsɛt pʉʉ, ńzúꞋ ḿbɔ́t pɔ́tnɛ, ńzúꞋ ḿbɔ́k pɔ́knɛ tɛ ḿbɔ́ ŋ́ɡwɛt.

1 Kɔlɛ̂ŋtɛ 6:14

Líkcɔ́ pʉʉ likŋɛ ŋɡɔ Sɛ́ ẅi ɑ kɑ zẅíimɛ́nɛ Tsɑpʉɔ nǔu nɛvú, ɑ ɡʉ ŋ́ɡɛ ńdɔk mɛtʉʉ mɛ́ ḿbɛn zẅíimɛ wɛkŋɛ ɡúu nǔu nɛvú.

2 Kɔlɛ̂ŋtɛ 10:10

Mɔ sɛ́ ńjí ŋɡɔ pɛcɔ́ pʉɔ sɛ́ ńcú ŋɡɔ pɔ̂l túu ŋwɑꞋnɛ ńcʉ̈ɔ́k tsɛtú tɛꞋ, ńcú nu ɛ́ tɛn, ḿbɛn ńtɔ́ tɛ ńtʉ́ʉ sɛ́ ḿbɔ́t, nu yí ɑ cúnɛ pɔɔ pɛn ńcʉ́ʉnɛ pɔ́.

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

Filipɛ 3:10

Mɔ sɛ́ ńtsɑ́ɑ pɔ tɑ́Ꞌ nu wɛ́mɔ́Ꞌ. Ɛ́ pɔ́ ŋɡɔ n jí Kɛlístɔ, ńjí mɛtʉʉ mi ɛ́ kɑ ɡɛnɛ ɑ zẅíimɛ nǔu nɛvú, ńjʉ́ɔ ŋɡʉ̈ɔ́Ꞌ pɑ́Ꞌ ɑ kɑ jʉ́ɔnɛ yɛ́, ḿbɛ́m nɛɡɑ́ tú yɑ́ɑ ḿpfú pɑ́Ꞌ ɑ kɑ ɡɑ́nɛ yɛ́,

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.