2 Kɔlɛ̂ŋtɛ 11:7 - Kɑɑ Fí

⁷ Ŋ kɑ ɡɔ́ ńcẅi Ŋkʉʉ Sʉ́Ꞌnɛ-Sɛ́ mbɔ̌ pʉʉ, ńcẅi pɔ níinɛ. Ŋ́kɔk mbʉʉ yɑɑ ŋ́ɡɑ́ sɛ́, nɛlɔk ŋ́kɑꞋ pɔ́ yʉ́ʉ ŋ́ɡɑ́ tʉ́ pɛ́Ꞌnɛ ɛ́ lɔk ḿbɔ́ pɔ yɛcɔ́ lɔ́Ꞌ kɛkʉ̈ɔ́?

2 Kɔlɛ̂ŋtɛ 11:7 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 20:33

«Mɔ ŋkɑɑ ŋkɑ́p-ŋu tsɑ́ɑ. Ḿbɔɔ tʉ́n-ŋɡɔ̂l tsɑ́ɑ. Ḿbɔɔ mɛndẅí-ŋu tsɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:34

Pʉʉ sɛ́ ńjí yʉ́ʉ ŋɡɔ ŋ kɑ lɔk pɔ mbɔ́ mɑ́ɑ mɔ, ɛ́fɑꞋ fɑꞋ tɛ ŋ́ɡẅɛɛ yɑ́ɑ yúu tɛ mbɑ pʉɔ pinɛ pɛk pɛpɔ́p nɛnnɛ ɡẅɛɛ yɔ́p yúu ɡúu.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 10:16

Pɛk ɡɔ́ɔ ŋ́kɛ́ fú pɔ́Ꞌɔ, ŋ́ɡʉ ńcẅi Ŋkʉʉ Sʉ́Ꞌnɛ nǔu mɛcɔ́ mɛlɑ́Ꞌ mi pɛ́ lɛɛnɛ lɑ́Ꞌ pʉʉ lɑ́ ŋ́kúu zúꞋu, pɛk pɔɔ lɔk fɑꞋ yi pɛcɔ́ pʉɔ kɑ fɑꞋnɛ nǔu yɔ́p ɡúŋ fɑꞋ ńdɔk ŋ́kɑꞋmɛ pɔ́.

2 Kɔlɛ̂ŋtɛ 12:13

Pii yɑ́ɑ yi mɛcɔ́ mɛcúꞋlɛ pʉɔ-Kɛlístɔ kɑ jʉ́nɛ ńdɛɛ wʉ́ʉ ɛ́ kʉ̈ɔ́? Kɛ ɛ́ zɛɛ ḿbɔ́ pɔ pɑ́Ꞌ mɔ ŋkɑɑ ŋkɑ́p yʉ́ʉ cẅɛ́ɛ ɔɔ? Pʉʉ lɑɑ ńjʉ́ɔ ŋɡɔ ẅîwɑ́ nɛpɔ́ kɑ́ pɔ́ ńnɛn pɔ́. Pʉʉ likŋɛ ŋ́ɡɑ́ mbɔ̌ mɔ lɑ́.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

2 Tɛsɑlɔník 3:8

Pɛk ŋ́kɑɑ ńjʉ́ yúupɛjʉ́-ŋu níinɛ pɔ́, pɛk kɑ fɑꞋ tɛ ŋ́kíɛ ziꞋnɛ lɑ ńjʉ́ yúu, ɛ́fɑꞋ nɛtúꞋ mbɑ nɛnɛm ḿbɔ́k nɛtsʉ́Ꞌ pʉɔ pi pʉʉ ɡʉ ńjúk ńzẅík wɔ́p zẅíknɛ.