2 Kɔlɛ̂ŋtɛ 11:6 - Kɑɑ Fí

⁶ Líkcɔ́ ɛ́ nɛ́nẅín ŋɡɔ ḿmʉꞋ mʉꞋnɛ lɑ́, ŋ́ɡʉ nǔu nɛjí nu-Sɛ́, yɛcɔ́ lɔ́Ꞌ kɑ́ cẅɛt. Pɛk kɑ nyɛt mɔ́ yîyɑ́ luk mbɔ̌ pʉʉ nǔu mɛntɛ́ tɛ ńzɑ́ɑ, ŋɡɔŋ ŋkɑ́ tsʉʉ yi ɛ́ kɑ ɡɑ́nɛ shʉ́.

2 Kɔlɛ̂ŋtɛ 11:6 Кръстосани препратки

1 Kɔlɛ̂ŋtɛ 1:17

Kɛlístɔ ŋkɑɑ zɛɛ ńtúu wɑ́ɑ ŋɡɔ ŋ ɡʉ ŋ́ɡɛ pʉɔ cẅɛ́ɛ ŋki mbɔ̌ mɔ pɔ́. A kɑ túu wɑ́ɑ pɔ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ. Lɑ́ ŋ́kɛ́ mbɔɔ lɔk pɔ́ jínu-ŋumɛsɔŋ ńcẅi pɔ́, ḿbɔ́k nɛɡɛ mɛtʉʉ mi ɛ́ fúnɛ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ḿmɛ.»

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 12:8

Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

1 Kɔlɛ̂ŋtɛ 2:13

Pɛkŋɛ kɑ́ pɔ́ ŋ́ɡɔ́ ńcú nu nǔu mîmɑ́ mɛyúu mi Sɛ́ kɑ ɡɑ́nɛ mbɔ̌ pɛkŋɛ ńdɔk pɔ sẅiŋɛ yi pʉɔmɛsɔŋ kɑ lɔknɛ jínu yɔ́p ńzíꞋ wɛkŋɛ pɔ́. Pɛkŋɛ lɔk pɔ sẅiŋɛ yi Zẅikŋɛ-Sɛ́ zíꞋnɛ wɛkŋɛ lɑ ńcú nu nǔu. Ɛ́ lɛɛ pɔ́Ꞌɔ, pɛkŋɛ tsʉ́Ꞌ nɛɡɔ́ ŋ́kyɛ́Ꞌtɛ nu nǔu yúu mi ɛ́ fúnɛ mbɔ̌ Zẅikŋɛ-Sɛ́, ńdɔk pɔ sẅiŋɛ yi ɛ́ fú mbɔ̌ Zẅikŋɛ-Sɛ́ lɑ ŋ́kyɛ́Ꞌtɛ.

2 Kɔlɛ̂ŋtɛ 10:10

Mɔ sɛ́ ńjí ŋɡɔ pɛcɔ́ pʉɔ sɛ́ ńcú ŋɡɔ pɔ̂l túu ŋwɑꞋnɛ ńcʉ̈ɔ́k tsɛtú tɛꞋ, ńcú nu ɛ́ tɛn, ḿbɛn ńtɔ́ tɛ ńtʉ́ʉ sɛ́ ḿbɔ́t, nu yí ɑ cúnɛ pɔɔ pɛn ńcʉ́ʉnɛ pɔ́.

2 Kɔlɛ̂ŋtɛ 12:12

Ɛ́ kɑ pɔ́ ŋkɑ́ yi ŋ kɑ pɔ́nɛ tsɛtsɛt pʉʉ, pʉʉ tsuŋ ńjʉ́ɔ mɛlii mi ɛ́ lɛꞋlɛ́nɛ ŋɡɔ mɔ kwɑꞋ ŋɡɑŋntúu-Yɛ́su Kɛlístɔ. Ɛ́ pɔ́ pɑ́Ꞌ yîyɑ́ ŋɡʉ̈ɔ́Ꞌ pɔ́ ḿbɔ́ ŋ́kúu wɑ́ɑ ɛ sʉk sʉknɛ, ɛ́ pɔ́ pɑ́Ꞌ pʉʉ jʉ́ɔnɛ mɛlii-mɛnu mɑ̌ɑmɑɑnɛ, ḿbɛn ńjʉ́ɔ ndɑɑkɑ́jʉ́ɔ mɛnu.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

2 Kɔlɛ̂ŋtɛ 5:11

Pɑ́Ꞌ pɛk sɛ́ ńjí yúu mi pɛ́ fúŋnɛ ŋɡɔ nɛpɔ́k Tsɑpʉɔ lɑ́, pɛk nɑ́ŋ ńdɔɔ pɔ shʉ́, ŋ́ɡɛ pʉɔ tsuŋ ńjí pʉɔ pi pɛk pɛ́tɛ. Sɛ́ sɛ́ ńtsuŋ ńjí pʉɔ pi pɛk pɛ́tɛ, mɔ sɛ́ ŋ́kwɑŋɛ ŋɡɔ pʉʉ tsɛt tʉ́m pʉ́ʉ ḿbɔ́ ńtsuŋ ńjí ŋu wi mɔ wɛ́tɛ́.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

2 Kɔlɛ̂ŋtɛ 7:2

Ɛ́ pɛn ḿbɔ́ ḿbíkŋɛ ŋɡɔ pʉʉ ɡɛ tɛ pɛk jí ŋɡɔ nu yɛ́k ɛ́ tsɛt tʉ́m pʉʉ, pɛk kɑ́ fɑɑnɛ nu mbɔ̌ wɛcɔ́ ŋu pɔ́, pɛk ŋkɑɑ ɡɛ ŋu ɛ́fɑɑnɛ sɛ̂ndúŋ-Sɛ́ pɔ́, pɛk kɛ́ mbɔɔ fʉ́klɛ wɛcɔ́ ŋu ńjʉ́ yúu yɛ́ pɔ́.

Ɛ́fɛ̂zɛ 3:4

Pʉʉ ɡʉ fúŋ yɔ ŋwɑꞋnɛ ńzúꞋ ntɛ́ yi n dɔknɛ ńjí ntsɛm yi ɛ́ nǔu nu-Kɛlístɔ.