2 Kɔlɛ̂ŋtɛ 11:4 - Kɑɑ Fí

⁴ N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.

2 Kɔlɛ̂ŋtɛ 11:4 Кръстосани препратки

Mɑ́lɛ́kúshi 7:9

Pʉʉ jí nɛmɛꞋ nɛpʉ́ʉ-Sɛ́, ńtsuŋ ŋ́ɡẅɛɛ pɔ nɔŋ-lɑ́Ꞌ wʉʉ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 4:12

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

1 Kɔlɛ̂ŋtɛ 3:11

Ɛ́ ɡʉ nǔu cʉ́ndɑ́, mbɔ ɛ́ ndɑ́Ꞌ mɔ́ ḿbɔ́ sɛ́. Mbɔ ŋu pɔɔ pɛn ńnɔŋ yɛcɔ́ yɛ ndɛꞋ pɔ́.

2 Kɔlɛ̂ŋtɛ 11:1

Ŋ kwɑŋɛ ŋɡɔ n dɑɑ ńcú yɑ́ɑ nu mbɔ̌ pʉʉ pɑ́Ꞌ ŋu ẅí ɑ pɑ́lɛ́ lɑ́, mbɔ pʉʉ ɡʉ ḿbɛ́m, pʉʉ kɛ́ ńzẅíꞋlɛ n cú nu nǔu yîyɑ́ ntɛ́.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

Ŋɡɑlɑ̂t 3:2

Ŋ ɡʉ ḿbíkŋɛ wʉ́ʉ nɛ́ tɑ́Ꞌ nu, pʉʉ kɑ lɔk pɑ́Ꞌ pʉʉ kɑ pɔ́ ŋ́ɡɛ yúu mi nɛpʉ́ʉ-Sɛ́ píkŋɛ́nɛ lɑ Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ kɛkʉ̈ɔ́? Kɛ pʉʉ kɑ lɔk pɔ pɑ́Ꞌ pʉʉ zúꞋnɛ Ŋkʉʉ Sʉ́Ꞌnɛ ńzɑ́p tʉ́m nǔu lɑ Sɛ́ ɡɑ́ mbɔ̌ pʉʉ?

1 Timɔtɛ́ɛ 1:3

Mɔ sɛ́ ŋ́kɔŋ ŋɡɔ ɔ nɑ́ŋ Ɛ́fɛ̂zɛ, pɑ́Ꞌ ŋ kɑ pɔ́ ŋ́ɡʉ nɛ́ Mɑsɛndwɑn ńcú mbɔ̌ ɡu lɑ́, nɑ́ŋ zúꞋu, ńjí ŋɡɔ ɔ ɡʉ ńdʉꞋ mbɔ̌ pɛcɔ́ pʉɔ pi pɔ́p zúꞋu ŋɡɔ kɔɔ pɔ́p pɛn ńzíꞋ pʉɔ nɛ́ mɛnu mi ɛ́ nǔu nu-Yɛ́su Kɛlístɔ mbɔɔ nǔu sɛ̂ndúŋ pɔ́.

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.