2 Kɔlɛ̂ŋtɛ 11:2 - Kɑɑ Fí

² Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

2 Kɔlɛ̂ŋtɛ 11:2 Кръстосани препратки

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

1 Kɔlɛ̂ŋtɛ 4:15

Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

2 Kɔlɛ̂ŋtɛ 4:14

ḿbɔ́ ńjí ŋɡɔ Sɛ́ ẅi ɑ kɑ ɡɛnɛ Tsɑpʉɔ Yɛ́su zẅíimɛ nǔu nɛvú, ɡʉ ŋ́ɡɛ ḿbɛn ŋ́ɡɛ pɛkŋɛ zẅíimɛ yɛkŋɛ, mbíꞋŋɡɔ pɛkŋɛ lɑt mbʉʉ nǔu Yɛ́su, Sɛ́ ɡɛ pɛkŋɛ pɛ́tsʉʉ cẅɛt, pɛkŋɛ pɛ Yɛ́su cúꞋlɛ.

Ŋɡɑlɑ̂t 4:11

M bɔ́k yúu mi pʉʉ sɛ́ ŋ́ɡɛ lɑ́, ḿbɔ́ mɛfɑꞋ mi ŋ kɑ fɑꞋnɛ tsɛtsɛt pʉʉ lɛɛ níinɛ.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

1 Tɛsɑlɔník 2:11

Pʉʉ pɛn ḿbɔ́ ńjí ŋɡɔ pɛk ḿbɔ́ nɛjɔ́ŋ mbɑ wɔ̌ lɑ́ nǔu pʉʉ, ŋ́ɡɛ pɔ pɑ́Ꞌ tɑ́mɔ́ɔ ɡɛ nɛjɔ́ŋ mbɔ́ŋkʉ̈ɔ́ pɛ́ lɑ́.

Mɛnu ɛ́ ńdɑ́Ꞌ ńcẅɛt 14:4

pʉɔ pí pɔ́p pɑŋɡɛ́ ŋkɑɑ ɡɛ mɛnu ndǔmbí pɔ́, pɔ́p pɔ́ pɔ pʉɔ pi pɔ́p ŋkɑɑ mɑŋɡɛ́ jí. Mɔ́ɔ-Njinjɔ ɡʉ ɡɔ́ lɑ́, pɔ́p cʉ́ɔ pɔ nzʉʉ yɛ́. Pʉɔ pi pɛ́ kɑ ɡʉnɛ tsɛtsɛt pʉɔmɛsɔŋ ńtsuꞋ wɔ́p, pɔ́p ḿbɔ́ mbi Sɛ́ mbɑ mbi Mɔ́ɔ-Njinjɔ, ḿbɔ́ pɔ pɑ́Ꞌ ntú-yúu mi ɛ́ fúnɛ ŋkɑ́Ꞌ lɑ́,