2 Kɔlɛ̂ŋtɛ 11:1 - Kɑɑ Fí

¹ Ŋ kwɑŋɛ ŋɡɔ n dɑɑ ńcú yɑ́ɑ nu mbɔ̌ pʉʉ pɑ́Ꞌ ŋu ẅí ɑ pɑ́lɛ́ lɑ́, mbɔ pʉʉ ɡʉ ḿbɛ́m, pʉʉ kɛ́ ńzẅíꞋlɛ n cú nu nǔu yîyɑ́ ntɛ́.

2 Kɔlɛ̂ŋtɛ 11:1 Кръстосани препратки

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

ŊwɑꞋnɛ-Gɑŋntúu Yɛ́su Kɛlístɔ 18:14

Pɔ̂l zúꞋ tɛ ḿbɔ́ ńdɔɔ nɛpʉ̈ɔt, Ŋɡɑlíyɔn ɡɔ́ɔ ńzɑ́Ꞌ, ńcú mbɔ̌ pɑyúdɑ ŋɡɔ: «Pɑyúdɑ ɛ́ ḿbɔ́ pɛ́Ꞌɛ ḿbɔ́ nu nɛjẅí ŋu kɛ pɔ yɛcɔ́ mɑ́mɑ́ nu kɛpɔŋ yi ŋu ɡɛnɛ ɔɔ, mbɔ ŋ ŋɑk nu yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 26:29

Pɔ̂l tsɔ́Ꞌ mbɔ̌ wɛ́ ŋɡɔ: «Kɛ pɛ́ ɡʉ ńdɔk pɔ nu yi ɛ́ sɑk sɑknɛ ɔɔ, kɛ pɔ mi ɛ́ túꞌ tuꞋnɛ ɔɔ, mbɔ yɑ́ɑ yúu mi n dɑ́Ꞌ ńdɔ́ɔ mbɔ̌ Sɛ́ pɔ́ pɔ ŋɡɔ: Nɑɑ kɛ́mɑꞋ tɛ mbɑ pʉʉ pɛ́tsʉʉ pi pʉʉ sɛ́ ńzúꞋ nu yí n cúnɛ lɔ́Ꞌnɛ, pʉʉ tsʉ́Ꞌ pɑ́Ꞌ mɔ. Tɛ mɛcɛ̂n mɔnɛ, pɔɔ nǔu pʉʉ pɔ́.»

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Kɔlɛ̂ŋtɛ 4:10

Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

1 Kɔlɛ̂ŋtɛ 4:8

Pʉʉ tsʉ́Ꞌ ńjúk ńcú ŋɡɔ pʉʉ kɑ kɛ́mɔ́ ndɑ́Ꞌ ŋ́ɡẅɛɛ yúu tsʉʉ yi ɛ́ kɑ pɔ́ ńjɑ́k mbɔ̌ pʉʉ. Pʉʉ kɑ tsʉ́Ꞌ mɔ́ ɡɑŋyúu pʉ́ɔ? Pʉʉ tsʉ́Ꞌ mɔ́ pɛfɔɔ ńdɛɛ wɛ́k ɔ́ɔ? Lɑ́ ɛ́ lɑ́Ꞌ ḿbɔ́ pɛ́Ꞌnɛ pʉʉ pɔ́ pɛfɔɔ kwɑꞋ nɛ́nẅín, mbɔ ɛ́ pɔŋ wɑ́ɑ tɛꞋ, mbɔ ɑ pɛkŋɛ.

2 Kɔlɛ̂ŋtɛ 11:19

Pʉʉ sɛ́ ŋ́kwɑŋɛ ŋɡɔ jínu yʉ́ʉ ɡú, lɑ́ pʉʉ pɛ́mnɛ lɑ́ nu pɛpɑ́lɛ́!

2 Kɔlɛ̂ŋtɛ 11:21

Sʉ́ʉ tsuŋ ḿbɔ́ ŋ́kɔ́ wɑ́ɑ pɑ́Ꞌ mɔ ŋkɑɑ ɡẅɛɛ sʉk tʉ́m nɛnyɛt wʉ́ʉ nɛ́ nu pɑ́Ꞌ pɔ́p pɔ́. Lɑ́, ŋu lɑɑ ńnɑ́Ꞌ ɛ́fʉꞋ fʉꞋnɛ ńdɔk yɛcɔ́ yúu ŋ́kɑꞋmɛ, mbɔ ŋ ɡʉ kɑꞋmɛ ńdɛɛ wɛ́, ńcú nu pɑ́Ꞌ pɑ́lɛ́ lɑ́.

2 Kɔlɛ̂ŋtɛ 11:4

N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.

2 Kɔlɛ̂ŋtɛ 5:13

Pɛ́ lɑɑ ḿbɔ́ ńjʉ́ɔ ŋɡɔ pɛk sɛ́ ŋ́ɡɛ pɑ́Ꞌ pɛpɑ́lɛ́ lɑ́, mbɔ pɛk pɛ́tɛ, pɔ pɑ́Ꞌ nu-Sɛ́ ɡʉ ńnɛn, ŋ́kɛ́ ḿbɔ́ yi jínu yɛ́k ɡú, mbɔ pʉʉ ɡʉnɛ ńdúꞋnɛ.

Ɛ́bɛlʉʉ 5:2

Pɑ́Ꞌ jʉ́ NɔŋpɔꞋ pɛn ŋ́kɑ́ɑ yɛ́ kɑ́ɑnɛ nǔu mɛshʉ́ tsʉʉ lɑ́, ḿbɔ́ ɑ zúꞋ yúu mi ɛ́ ɡɛnɛ lɑ pʉɔ pi pɔ́p kɑ́ pɔ́ ńjí yúu mi pɔ́p ɡɛnɛ pɔ́, mbɑ pʉɔ pi pɔ́p fɑɑnɛ sɛ̂ndúŋ, fɑɑnɛ nu mbɔ̌ Sɛ́.