2 Kɔlɛ̂ŋtɛ 10:3 - Kɑɑ Fí

³ Pɛk zɛɛ ḿbɔ́ pɔ pʉɔmɛsɔŋ pɑ́Ꞌ pɛcɔ́ lɑ́, yɛk ntɛ́ nɛmɑꞋ ntsɔ kɑ́ ɡɔ́ɔ ḿbɔ́ pɔ yɛ́ pʉɔmɛsɔŋ pɔ́.

2 Kɔlɛ̂ŋtɛ 10:3 Кръстосани препратки

Pʉɔ-Lɔ́mɑ 7:5

Ɛ́ kɑ zɛɛ ḿbɔ́ ŋkɑ́ yi mbʉʉ yɛkŋɛ kɑ pɛ́tnɛ ɛ́sɑ́Ꞌ wɛkŋɛ, nɛtsɑ́ɑ nɛɡɛ nu yi ɛ́ kɑ́ pɔŋ pʉ́Ꞌtɛ mbʉʉ yɛkŋɛ, mbíꞋŋɡɔ nɛpʉ́ʉ tɔꞋ, ḿbɛn ŋ́kẅiꞋ ḿbʉ́Ꞌtɛ wɛkŋɛ, pɛkŋɛ fɑꞋ pɔ mɛfɑꞋ mi ɛ́ ɡʉ ɛ́fúŋ pɔ nɛvú ńníꞋ nǔu pɛkŋɛ.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Pʉɔ-Lɔ́mɑ 8:4

A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ŋ́kuꞋ nɛnɑ́ŋ nǔu ntɛ́ yi nɛpʉ́ʉ sɛ́ ḿbíkŋɛ, n dɑꞋ pɛkŋɛ pi pɛkŋɛ kɑ́ pɛ́t ńnɛn pɑ́Ꞌ mbʉʉ yɛkŋɛ tsʉ́ʉnɛ wɛkŋɛ pɔ́, pɛkŋɛ tsʉ́Ꞌ ńnɛn pɔ pɑ́Ꞌ Zẅikŋɛ Lɛ́ɛnɛ́nɛ sɛ́ ɛ́sẅíi wɛkŋɛ.

2 Kɔlɛ̂ŋtɛ 1:17

ńjí ŋɡɔ ŋ kɑ pɔ́ ŋ́kɔŋ nɛɡɛ pɔ́Ꞌɔ, ńdɔk ḿmɑꞋ pɔ kwɑŋɛ kíi? Kɛ pʉʉ kwɑŋɛ ŋɡɔ n tsʉ́Ꞌ nɛcú nu yi ŋ ɡʉ ŋ́ɡɛ, ńdɔk pɔ jínu-ŋumɛsɔŋ ńcú, tɛ ɛ́ pɔ́ ŋɡɔ m bɔ́ n cú nu, ḿbɛn ŋ́kúpmɛ?

2 Kɔlɛ̂ŋtɛ 10:4

Yúu mi pɛk lɔknɛ ḿmɑꞋ ntsɔ kɑ́ pɔ́ pɔ yɛ pʉɔmɛsɔŋ pɔ́, mɛtʉʉ mi ɛ́ nǔu fú mbɔ̌ Sɛ́, nɛpɔ́ yi pɛk ɡʉ ńdɔk ɛ́sɑt kʉ̈ɔ́ lɑ́ yi ɛ́ tʉʉnɛ tú. Pɛk sɛ́ ńjɔ́Ꞌ mɛkwɑŋɛ mi ɛ́ pɔ́ pɔ mɛ́ cɔtnu.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

1 Timɔtɛ́ɛ 1:18

Timɔtɛ̂ɛ, ɡu mɔ́ɔ wɑ́ɑ, ŋ ɡɑ́ yɔ sẅiŋɛ mbɔ̌ ɡu, ɛ́ pɔ́ pɑ́Ꞌ pɑcẅiŋkʉʉ-Sɛ́ kɑ zɑ́Ꞌnɛ njí ńcú nǔu ɡu. Nɑ́ŋ ḿbɔ́ ŋ́kẅíitɛ mɛnu mi pɔ́p kɑ cúnɛ lɑ́, ńjí ŋɡɔ ɛ́ ɡʉ ḿbɔ́ yú yúu nɛlɔk ńdʉɔ́Ꞌ ntsɔ sʉ́Ꞌnɛ nǔu lík-Sɛ́.

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.