2 Kɔlɛ̂ŋtɛ 1:11 - Kɑɑ Fí

¹¹ ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.

2 Kɔlɛ̂ŋtɛ 1:11 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 12:5

Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 9:14

Nu yʉ́ʉ ɡʉ ŋ́kúu tʉ́m pɔ́p, pɔ́p nɑ́ŋ ḿbɔ́ ńcɛꞋlɛ Sɛ́ nǔu tú yʉ́ʉ, mbíꞋŋɡɔ pɔ́p jʉ́ɔ ŋɡɔ ɑ ɡɑ́ fuꞋ níinɛ yʉ́ʉ, pʉʉ ɡẅɛɛ tʉ́m sʉ́Ꞌnɛ tɛꞋ, lɑ́ mbɔ́ ńcẅɛ́lɛ pʉɔ pɑ́Ꞌɑ.

Filipɛ 1:19

N zɛɛ ḿbɔ́ ńjí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ ɡʉ ńtɔ́ ńtsʉ́Ꞌ ŋ́ɡɛ n duk luknɛ. N duk pɔ́Ꞌɔ, ńdúꞋnɛ ntɛ́ yi pʉʉ sɛ́ ńdɔk ḿbúꞋ mbɔ́ mbɔ̌ Sɛ́, ḿbɛn ńdúꞋnɛ Zẅikŋɛ-Yɛ́su Kɛlístɔ yi ɛ́ sɛ́ ńtɔ́ɔtɛ wɑ́ɑ.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

1 Tɛsɑlɔník 5:25

Pɔ́ɔpɛ́mɑ́, pʉʉ púꞋ mbɔ́ mbɔ̌ Sɛ́ mbɑ nǔu yɛ́k tú.

2 Tɛsɑlɔník 3:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ, ɛ́ pɔ́ pɔ ŋɡɔ pʉʉ cɛꞋlɛ Sɛ́ nǔu tú yɛ́k, lɑ sẅiŋɛ-tsɑpʉɔ kẅiꞋ ɛ́sɑt zʉꞋ, ḿbɔ́ yúu-mɛkuꞋ pɑ́Ꞌ ɛ́ njɛ́Ꞌ pʉʉ ḿbɔ́ lɑ́.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.