2 Kɔlɛ̂ŋtɛ 1:1 - Kɑɑ Fí

¹ Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 1:1 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

Pʉɔ-Lɔ́mɑ 15:26

MbíꞋŋɡɔ pʉɔ-Kɛlístɔ pi pɔ́p Mɑsɛndwɑn mbɑ pɛ́ Akɑ̂y kɑ jʉ́ɔnɛ ŋɡɔ pɔ́p ɡʉ ḿmɑꞋ ŋkɑ́p ńdɔk cẅɛ́lɛ́ pʉɔ-Kɛlístɔ pi pɔ́p Yɛlúsɑlɛm, ḿbɔ́ pɛpúŋ.

Pʉɔ-Lɔ́mɑ 16:21

Timɔtɛ̂ɛ ẅí pɛknɛ fɑꞋnɛ, cɛꞋlɛ wʉ́ʉ. Lusius mbɑ Jɑsɔn mbɑ Sɔsipɑtɛɛ, pi pɛk pɛpɔ́p tɛmtɛ ḿbɔ́ pɑyúdɑ pɔ́p cɛꞋlɛ wʉ́ʉ ɡúu.

Pʉɔ-Lɔ́mɑ 16:5

Pʉʉ pɛn ḿbúꞋ mbɔ́ mbɔ̌ cúꞋlɛ-pʉɔ-Kɛlístɔ yi ɛ́ ndɑ́ pɔ́p. Pʉʉ cɛꞋlɛ Ɛpɛ́nɛt, mɔ́ɔmɑ́ wɑ́ɑ wɛ tʉʉndɛn. A nduŋmbi ŋu nɛzɑ́p tʉ́m nǔu Kɛlístɔ tsɛt pɑk-ŋɡɔŋ-Azîi.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 16:10

Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

1 Kɔlɛ̂ŋtɛ 16:24

N dɔk pɑ́Ꞌ pɛkŋɛ tɛmtɛ́nɛ ḿbɔ́ nzʉʉ Kɛlístɔ ŋ́kɔŋ wʉ́ʉ pɛ́tsʉʉ.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

2 Kɔlɛ̂ŋtɛ 1:19

N cú pɑ́Ꞌɑ mbíꞋŋɡɔ Yɛ́su Kɛlístɔ, mɔ́ɔ-Sɛ́ ẅi pɛk Sílɑs, ŋ́ɡɛ Timɔtɛ̂ɛ kɑ cúnɛ nu yɛ́ mbɔ̌ pʉʉ, ɑ ŋ́kɑɑ ḿbɔ́ ńtɔ́ ḿbɔ́ ŋu ẅi mbɔ ɑ cú nu, ḿbɛn ŋ́kúpmɛ pɔ́. A kɑ tɔ́ ḿbɔ́ pɔ ŋu ẅí ɑ cúnɛ nu, mbɔɔ kúpmɛ.

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 11:10

Mɔ ɛ́fú nǔu nu nɛ́nẅín-Kɛlístɔ yi ɛ́ tsɛt tʉ́m mɔ, ńcú mbɔ̌ pʉʉ ŋɡɔ, n dɑɑ ŋ́ɡʉ pɔ ɡɔ́ tsɛt Akɑ̂y, m bɔɔ mɛꞋ yîyɑ́ luk yi n dɔknɛ ŋ́kɑꞋmɛ pɔ́. M bɔɔ lɑ́Ꞌ yɛcɔ́ lɛ́Ꞌ ńcẅɛ́ɛ yúu mbɔ̌ ŋu wʉʉ pɔ́.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Ŋɡɑlɑ̂t 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ pʉɔmɛsɔŋ ŋ́kɑɑnɛ wɑ́ɑ tsɔ́Ꞌ, wɛcɔ́ ŋumɛsɔŋ kɛ́ mbɔɔ wɑ́ɑ túu. Yɛ́su Kɛlístɔ pɔ́p Sɛ́ tɑ́t kɑ túunɛ wɑ́ɑ. Jʉ́ tɑ́t kɑ ɡɛnɛ lɑ Yɛ́su zẅíimɛ nǔu nɛvú.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

1 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ. Sɛ́ pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ ḿbɛn ḿbɔ́ ńníꞋ mɔ́fíitɛ tʉ́m pʉʉ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

2 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ.

1 Timɔtɛ́ɛ 1:1

Yɔ ŋwɑꞋnɛ ɛ́ ŋwɑꞋnɛ mɔ Pɔ̂l, ŋɡɑŋntúu-Yɛ́su Kɛlístɔ. Mɔ ŋɡɑŋntúu-Yɛ́su mbíꞋŋɡɔ Sɛ́ pɔ́p Yɛ́su kɑ zɑ́pnɛ ŋɡɔ m bɔ́ wɛ́tɛ́. Jʉ́ Sɛ́ ɡɛnɛ pɛkŋɛ luk, Yɛ́su Kɛlístɔ sɛ́ ŋ́ɡɛ yɛ́ ŋɡɔ mbɑ kʉ̈ɔ́ lɑ́ yi pɛkŋɛ sɛ́ ńzẅíꞋlɛ mbɔ̌ Sɛ́ puutɛ.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

Filɛmɔ̂ŋ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋtsɑ́ŋ mbíꞋ nu-Yɛ́su Kɛlístɔ. Pɛk Timɔtɛ̂ɛ ẅí ɑ mɔ́ɔmɑ́ mɔ nzʉʉ Yɛ́su Kɛlístɔ ɡɑ́nɛ yɔ ŋwɑꞋnɛ mbɔ̌ ɡu Filɛmɔ̂ŋ. Ɔ mɔ́ɔmɑ́ wɛk wɛ tʉʉndɛn, pɛkŋɛ pɛtsʉʉ tɛmtɛ ɛ́fɑꞋ nǔu nu-Yɛ́su Kɛlístɔ.

Ɛ́bɛlʉʉ 13:23

Pʉʉ jí ŋɡɔ pɛ́ tsɔ́Ꞌ mbɔ́ nǔu mɔ́ɔmɑ́ wɛkŋɛ Timɔtɛ̂ɛ. A lɑɑ fɛ́Ꞌnɛ ńtɔ́, mbɔ mɔ ŋ́ɡɛ ŋ́ɡɔ ńtɔ́ jʉ́ɔ wʉ́ʉ pɛknɛ́ pɔ́nɛ.