1 Jɑ̂ŋ 5:8 - Kɑɑ Fí

⁸ Yɔ Zẅikŋɛ-Sɛ́, yɔ pɔ́ ŋki, ŋ́ɡɛ mɛci, pɔ́p pɛtɑ́t sɛ́ ńdɛꞋlɛ tɑ́Ꞌ nu wɛ́mɔ́Ꞌ.

1 Jɑ̂ŋ 5:8 Кръстосани препратки

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑ́lɛ́kúshi 14:56

Pʉɔ tɛ ńzɑ́ɑ tík mɛnu tú yɛ́ tɛꞋ. Pɛ́ pɛ́ɛtɛ tɛꞋ, ɛ́ kɛ́ mbɔɔ puutɛ.

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

Jɑ̂ŋ 19:34

Lɑ́ wɛcɔ́ tɑ́Ꞌ nǔu pɑlʉ̈ɔ́Ꞌntsɔ lɔk nɛkɔŋ, ɛ́sɔp ɡúŋ-ŋɡíi-Yɛ́su. Mɛci pɔ́p ŋki ɡɔ́ɔ ńcẅɛt zúꞋu.

ŊwɑꞋnɛ-Gɑŋntúu Yɛ́su Kɛlístɔ 15:15

Yúu ɛ́ lɛɛnɛ lɔk ńcẅɛ́Ꞌnɛ nɛ́ nu yí Tsɑpʉɔ kɑ lɑ́Ꞌnɛ ńdɔk ntsu-pɛŋɡɛ́mndʉ̈ɔ́Ꞌ pɛ́ ńcú. Pɛ́ kɑ ŋwɑꞋnɛ ŋɡɔ:

Pʉɔ-Lɔ́mɑ 8:16

KwɑꞋ jʉ́ Zẅikŋɛ ɛ̂yɑ́ pɔ́ ŋ́ɡɛ pɛkŋɛ tsuŋ ńjí tsɛt tʉ́m pɛkŋɛ ŋɡɔ pɛkŋɛ pɔ́ɔ-Sɛ́.

2 Kɔlɛ̂ŋtɛ 1:22

ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

Ɛ́bɛlʉʉ 13:12

Ɛ́ yúu mi ɛ́ kɑ ɡɛnɛ, mbɑ Yɛ́su ɡúu lɔk mɛci mɛ́ ŋ́ɡɛ pʉɔmɛsɔŋ tsʉ́Ꞌ pʉɔ-Sɛ́, ɑ pfú pɔ nzɛmpíi, tɛ ɑ pɔɔ pfú tʉ́sɔŋ pɔ́. ZʉꞋ yi ɑ kɑ jʉ́ɔnɛ ŋɡʉ̈ɔ́Ꞌ zúꞋu pɔ́.

Ɛ́bɛlʉʉ 6:4

Pɛ́ ɡẅɛɛ nɛnɑ́ mbíꞋŋɡɔ pʉɔ pi Sɛ́ ɡɛnɛ, pɔ́p jʉ́ɔ zʉꞋ fúk, ŋ́ɡɛ ńtɛ́m ŋkwɛn mbɔ̌ Sɛ́, ɛ́ tɛn pɑ́Ꞌ ɛ́ lɑɑ ḿbɔ́ ŋu ɛ́sẅíi wɔ́p nɛ́ nu tɛ pɔ́p pɛn ḿbɛn mbɔ̌ Sɛ́. Pɛ́ cú pʉɔ pɑ́Ꞌ pi pɔ́p kɑ zẅíꞋnɛ yúu mi Sɛ́ fúnɛ tʉ́nɛ́pú ŋ́ɡɑ́ pɔ níinɛ. Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pɔ́p, pɔ́p zẅíꞋ sẅiŋɛ-sɛ́ tɛ ńzúꞋ pɑ́Ꞌ ɛ́ pɔŋnɛ, ḿbɛn ńjí mbɑ pɑ́Ꞌ mɛtʉʉ mi ɛ́ ɡʉ ńdɑ́Ꞌ lɑ ńtɔ́ pɔ́nɛ. Pɔ́p lɑɑ ŋ́kʉɔ Sɛ́, mbɔ ɛ́ tɛn pɑ́Ꞌ ḿbɔ́ pɛ́ ɡɛ tɛ pɔ́p pɛn ḿbɛn mbɔ̌ Sɛ́, mbíꞋŋɡɔ pɔ́p lɔk nɛɡɛ pɔ́Ꞌɔ, ḿbɛn ŋ́kẅíi mɔ́ɔ-Sɛ́ nǔu tʉ́ mbɑ́ŋtɛ pɑ́ŋtɛ́nɛ, ńtsɔ́Ꞌ wɛ́ ńtík pɛ́ zɔɔtɛ wɛ́.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

1 Jɑ̂ŋ 5:9

Pʉɔmɛ́sɔŋ cú yúu mi pɔ́p jínɛ nǔu nu, pɛkŋɛ zúꞋ ḿbɛ́m ŋɡɔ ɛ́ nu nɛ́nẅín. Yúu mi Sɛ́ cúnɛ nǔu nu ɛ́ pɛn ńdɛɛ yi pʉɔmɛsɔŋ cúnɛ. A lɔk mɛnu mɛ́ntɑ́t mîmɑ́, ńcú nu nǔu nu-Mɔ́ɔ nɛ.