1 Jɑ̂ŋ 5:1 - Kɑɑ Fí

¹ Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 5:1 Кръстосани препратки

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Lúkɑ́shi 7:5

A kɔŋ lɑ́Ꞌ yɛkŋɛ kɔŋnɛ tɛ mbɔ ɑ kɑ kút ndɑ́-cúꞋlɛ mbɔ̌ pɛk.»

Jɑ̂ŋ 1:3

Kʉ̈ɔ́ lɑ́ ɡɔ́ ḿbɔ́ ɡú, ńdɛɛ pɔ nǔu wɛ́. Yɛcɔ́ yúu pɔɔ pɔ́ ɡú kɛ́ pɔ́ yi ɛ́ lɛɛ pɔ nǔu wɛ́ pɔ́.

Jɑ̂ŋ 15:23

«Ŋu lɑɑ ḿbɑɑ wɑ́ɑ, mbɔ ɑ lɔk ḿbɑɑ Tɑ̌ɑ mɔ.»

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Jɑ̂ŋ 6:69

Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

ŊwɑꞋnɛ-Gɑŋntúu Yɛ́su Kɛlístɔ 8:37

[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

1 Jɑ̂ŋ 2:10

Ŋu ẅí ɑ kɔŋnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ mɛ́ zʉꞋ-fúknɛ. Mbɔ ɑ pɔɔ kɔɔtɛ nǔu yɛcɔ́ yúu ḿvu sɛ́ pɔ́.

1 Jɑ̂ŋ 2:29

Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?

1 Jɑ̂ŋ 3:9

Mbɑ wɔ̌ lɑ́ ẅi ɑ piitɛ́nɛ tɛ ńtsʉ́Ꞌ mɔ́ɔ Sɛ́, ɑ kɑ́ pɛn ńnɑ́ŋ ŋ́ɡɛ nu kɛpɔŋ pɔ́, mbíꞋŋɡɔ luk yi ɛ́ fúnɛ nǔu Sɛ́ ɛ́ nǔu wɛ́ ḿbɔ́ pɑ́Ꞌ mbiyúu lɑ́. A kɑ́ pɛn ŋ́kuꞋ nɛɡɛ nu kɛpɔŋ pɔ́, mbíꞋŋɡɔ ɑ mɔ́ɔ-Sɛ́.

1 Jɑ̂ŋ 4:2

Yúu mi pʉʉ ɡʉ ńdɔk ńjí Zẅikŋɛ yi ɛ́ fúnɛ mbɔ̌ Sɛ́ pʉ́ɔlɑɑ. Ŋu lɑɑ ḿbɛ́m ŋɡɔ Yɛ́su Kɛlístɔ kɑ shɔtnɛ ńtsʉ́Ꞌ kwɑꞋ ŋumɛsɔŋ, mbɔ ŋɡɑŋ ɡẅɛɛ Zẅikŋɛ yi ɛ́ fúnɛ mbɔ̌ Sɛ́.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 5:4

MbíꞋŋɡɔ mbɑ wɔ̌ lɑ́ ẅí ɑ mɔ́ɔ-Sɛ́, tɛn ńdɛɛ mbɑ kʉ̈ɔ́ lɑ́ yi ɛ́ tɑɑtɛnɛ wɛ́ ndǔmbí. Yúu mi ɛ́ ɡɛnɛ pɛkŋɛ tɛn ńdɛɛ ndǔmbí, ɛ́ pɑ́Ꞌ pɛkŋɛ zɑ́pnɛ tʉ́m nǔu Yɛ́su Kɛlístɔ.

1 Jɑ̂ŋ 5:5

Mbɔ wɔ̌ zɛɛ ńtɛn ńdɛɛ ndǔmbí? A pɔ́ pɔ ndɑꞋ ŋu ẅí ɑ pɛ́mnɛ ŋɡɔ Yɛ́su ɑ mɔ́ɔ-Sɛ́?