1 Jɑ̂ŋ 4:8 - Kɑɑ Fí

⁸ Ŋu lɑɑ ḿbɔɔ ŋumɛsɔŋ kɔŋ, mbɔ ɑ pɛ́t kɛ́ jí Sɛ́, mbíꞋŋɡɔ Sɛ́ ɡẅɛɛ pɔ ŋkɔŋɛ.

1 Jɑ̂ŋ 4:8 Кръстосани препратки

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́bɛlʉʉ 12:29

MbíꞋŋɡɔ Sɛ́ wɛkŋɛ, ɛ́ múk ẅi ɛ́ tɔɔnɛ yúu tsʉʉ yi ɛ́ mbɔ̌ wɛ́ ḿbɔ́ yɛ kɛpɔŋ.

1 Jɑ̂ŋ 1:5

Nu yi Yɛ́su Kɛlístɔ kɑ sẅíinɛ wɛ́k, ɛ́ yɔ yi pɛk ɡʉ ɛ́sẅíinɛ wʉ́ʉ lɑɑ. A kɑ cú ŋɡɔ: «Sɛ́ pɔ́ pɔ kyɛꞌ, mbɑ mɔ́zʉꞋ nzɛ́nzʉ́ʉ kɑ́ pɔ́ nǔu ŋɡɛnɛ mɛnu mɛ́ pɔ́.»

1 Jɑ̂ŋ 2:4

Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 2:9

Ŋu ẅí ɑ cúnɛ ŋɡɔ ŋɡɛnɛ mɛnu mɛ́ ɛ́ mɛ́ zʉꞋ fúknɛ, ḿbɛn ḿbɔ́ ḿbɑɑ mɔ́ɔmɑ́ wɛ, ŋɡɑŋ lɔk ḿbɛ́t ḿbɔ́ pɔ tsɛt nzɛ́nzʉ́ʉ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

1 Jɑ̂ŋ 3:6

Ɛ́ yɛ́tɛ́, mbɑ wɔ̌ lɑ́ ẅí ɑ lɑtnɛ mbʉʉ yɛ nǔu wɛ́, ɑ kɑ́ pɛn ɛ́fɑɑnɛ nu pɔ́, mbɑ wɔ̌ lɑ́ ẅi ɑ nɑ́ŋ ɛ́fɑɑnɛ pɔ nu, ɑ ŋkɑɑ mɔ́ Yɛ́su jʉ́ɔ, ŋ́kɛ́ mbɔɔ wɛ́ jí.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.