1 Jɑ̂ŋ 4:7 - Kɑɑ Fí

⁷ Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

1 Jɑ̂ŋ 4:7 Кръстосани препратки

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

1 Kɔlɛ̂ŋtɛ 8:3

Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

2 Timɔtɛ́ɛ 1:7

N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Jɑ̂ŋ 2:10

Ŋu ẅí ɑ kɔŋnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ mɛ́ zʉꞋ-fúknɛ. Mbɔ ɑ pɔɔ kɔɔtɛ nǔu yɛcɔ́ yúu ḿvu sɛ́ pɔ́.

1 Jɑ̂ŋ 2:29

Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

1 Jɑ̂ŋ 2:3

Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.

1 Jɑ̂ŋ 2:4

Ŋu ẅí ɑ cúnɛ ŋɡɔ: «N jí wɛ́» Lɑ́ ŋ́kɛ́ ḿbɔɔ mbʉ́ʉ mɛ́ kúꞋlɛ, mbɔ ŋɡɑŋ ncɔtnu, nu nɛ́nẅín yi ɛ́ fúnɛ mbɔ̌ Sɛ́ lɔk ḿbɔɔ ḿbɔ́ tsɛt tʉ́m-ŋɡɑŋ pɔ́.

1 Jɑ̂ŋ 2:7

Pɛsúu pɑ́ɑ pɛ́ tʉʉndɛn, yɔ kɑ́ pɔ́ pɔ nɛpʉ́ʉ fí ni ŋ ŋwɑꞋnɛ́nɛ ŋkɔ̂ɔnɛ ŋ́ɡɑ́ mbɔ̌ pʉʉ pɔ́, ɛ́ pɔ́ pɔ ndwɛn nɛpʉ́ʉ ni pʉʉ sɛ́ ńjí tɛ ɛ́fú nzɛnɛ, nînɑ́ ndwɛn nɛpʉ́ʉ pɔ́ pɔ sẅiŋɛ yi pʉʉ kɑ zúꞋnɛ.

1 Jɑ̂ŋ 3:9

Mbɑ wɔ̌ lɑ́ ẅi ɑ piitɛ́nɛ tɛ ńtsʉ́Ꞌ mɔ́ɔ Sɛ́, ɑ kɑ́ pɛn ńnɑ́ŋ ŋ́ɡɛ nu kɛpɔŋ pɔ́, mbíꞋŋɡɔ luk yi ɛ́ fúnɛ nǔu Sɛ́ ɛ́ nǔu wɛ́ ḿbɔ́ pɑ́Ꞌ mbiyúu lɑ́. A kɑ́ pɛn ŋ́kuꞋ nɛɡɛ nu kɛpɔŋ pɔ́, mbíꞋŋɡɔ ɑ mɔ́ɔ-Sɛ́.

1 Jɑ̂ŋ 4:11

Pɛsúu pɑ́ɑ pɛ́ tʉʉndɛn, ɛ́ lɑɑ ḿbɔ́ yi Sɛ́ kɑ kɔŋ wɛkŋɛ pɑ́Ꞌnɛ, mbɔ ɛ́ sɛ́ ḿbíkŋɛ ŋɡɔ pɛkŋɛ ɡúu ɡẅɛɛ ŋkɔŋɛ tsɛtsɛt pɛkŋɛ.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.

1 Jɑ̂ŋ 4:8

Ŋu lɑɑ ḿbɔɔ ŋumɛsɔŋ kɔŋ, mbɔ ɑ pɛ́t kɛ́ jí Sɛ́, mbíꞋŋɡɔ Sɛ́ ɡẅɛɛ pɔ ŋkɔŋɛ.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

2 Jɑ̂ŋ 1:5

Tʉʉndɛn Mɑ́ pɛ mbɔ́ŋkʉ̈ɔ́, yúu mi mɔ sɛ́ ḿbíkŋɛ mbɔ̌ ɡu ŋkɔ̂ɔnɛ ɛ́ pɔ́ ŋɡɔ pɛkŋɛ ɡẅɛɛ ŋkɔŋɛ tsɛtsɛt pɛkŋɛ, yɔ kɛ mbɔɔ pɔ́ pɔ nɛcɔ́ nɛpʉ́ʉ nɛ fí ni ŋ ŋwɑꞋnɛ́nɛ ŋ́ɡɑ́ mbɔ̌ ɡu pɔ́, ɛ́ nɛpʉ́ʉ ni pɛkŋɛ ɡẅɛɛnɛ tɛ ɛ́fú nzɛnɛ.