1 Jɑ̂ŋ 4:4 - Kɑɑ Fí

⁴ Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

1 Jɑ̂ŋ 4:4 Кръстосани препратки

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 16:11

Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu nɛŋɑk, mbíꞋŋɡɔ fɔɔ ẅí ɑ sɑ́Ꞌnɛ yɔ njí kɑ vu ntsɑŋ.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Pʉɔ-Lɔ́mɑ 8:31

Mbɔ pɛkŋɛ pɛn ŋ́kẅiꞋ kʉ̈ɔ́ nǔu nu yi pɛkŋɛ cúnɛ lɑɑ? Pɑ́Ꞌ Sɛ́ lɑɑ ḿbɔ́ nǔu yɛkŋɛ ɡúŋ, mbɔ wɔ̌ pɛn ŋ́kuꞋ nǔu pɛkŋɛ?

Pʉɔ-Lɔ́mɑ 8:37

Lɑ́ ɛ́ kɛ́ ŋ́ɡʉ nǔu yúu ɛ̂pɑ́ tsʉʉ, pɛkŋɛ pɔ́ pɛtɑ́mɛtʉʉ, pɑlɛɛ nǔu mîmɑ́ mɛyúu ńdúꞋnɛ pɔ́ pʉɔ pi pɔ́p kɑ kɔŋnɛ wɛkŋɛ.

1 Kɔlɛ̂ŋtɛ 2:12

Ɛ́ ɡʉ nǔu pɛkŋɛ, mbɔ pɛ́ ŋkɑɑ ɡɑ́ zẅikŋɛ-ndǔmbí mbɔ̌ pɛkŋɛ pɔ́. Pɛ́ kɑ ɡɑ́ pɔ Zẅikŋɛ yi ɛ́ fúnɛ mbɔ̌ Sɛ́ mbɔ̌ pɛkŋɛ pɑ́Ꞌ ɛ́ ɡʉ ŋ́ɡɛ pɛkŋɛ jí pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛkŋɛ.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 6:16

Mbɔ pɛ́ lɔk ndɑ́-nɔŋpɔꞋ-Sɛ́ pɔ́p yúu mi pɛ́ ɡúꞋlɛ ŋɡɔ ɛ́ mɛsɛ́ ńdɔk ɛ́fúŋ tɑ́Ꞌ yúu ŋɡɔ́ku? Pɛkŋɛ zɛɛ ḿbɔ́ ndɑ́-nɔŋpɔꞋ-Sɛ́ ẅi ɑ ḿbɔ́ ńcú mbɔ̌ pɔ́p, pɑ́Ꞌ kwɑꞋ jʉ́ kɑ cúnɛ ŋɡɔ: Mɔ, ŋ ɡʉ ŋ́ɡɛ ńtsʉ́Ꞌ ńnɑ́ŋ pɔ tsɛtsɛt pɔ́p, ḿbɔ́ nɛn tsɛtsɛt pɔ́p. Mɔ ŋ́ɡɛ ḿbɔ́ Sɛ́ wɔp, pɔ́p pɔ́ pʉɔ pɑ́ɑ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Ɛ́fɛ̂zɛ 6:10

Ndẅiknzʉʉ nu yi mɔ ɛ́sẅíi wʉ́ʉ, ɛ́ pɔ́ pɔ ŋɡɔ: Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ cẅɛ́ɛ mɛtʉʉ mbɔ̌ wɛ́. A ŋɡɑŋ mɛtʉʉ tsʉʉ. Pʉʉ cẅɛ́ɛ mɛtʉʉ mbɔ̌ wɛ́.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

1 Jɑ̂ŋ 2:13

Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

1 Jɑ̂ŋ 3:20

Tʉ́m yɛkŋɛ lɑɑ ńzɛɛ ɛ́sɑ́Ꞌ wɛkŋɛ, mbɔ pɛkŋɛ sɛ́ ńjí ŋɡɔ Sɛ́ ɡúꞋ ńdɛɛ tʉ́m yɛkŋɛ ḿbɛn ḿbɔ́ ńjí nu tsʉʉ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

1 Jɑ̂ŋ 4:13

Yúu mi ɛ́ ɡɛnɛ pɛkŋɛ jí ŋɡɔ pɛkŋɛ lɑt mbʉʉ yɛkŋɛ nǔu Sɛ́, Sɛ́ lɑt yɛ nǔu pɛkŋɛ ɛ́ pɑ́Ꞌ ɑ kɑ ɡɑ́nɛ Zẅikŋɛ yɛ́ mbɔ̌ pɛkŋɛ.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:6

Ɛ́ ɡʉ nǔu pɛkŋɛ, mbɔ pɛkŋɛ nǔu ɡúŋ-Sɛ́. Ŋu ẅí ɑ sɛ́ ńjí Sɛ́ ɑ sɛ́ ńzẅíꞋlɛ nu yi pɛkŋɛ cúnɛ. Ŋu ẅí ɑ kɑ́ pɔ́ nǔu ɡúŋ-Sɛ́ pɔ́, ɑ pɔɔ yɛkŋɛ nu zẅíꞋlɛ. Pɛkŋɛ fú pɔ pɔ́Ꞌɔ, lɑ́ ńjí nu nɛ́nẅín, ńjí cɔtnu.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

1 Jɑ̂ŋ 5:4

MbíꞋŋɡɔ mbɑ wɔ̌ lɑ́ ẅí ɑ mɔ́ɔ-Sɛ́, tɛn ńdɛɛ mbɑ kʉ̈ɔ́ lɑ́ yi ɛ́ tɑɑtɛnɛ wɛ́ ndǔmbí. Yúu mi ɛ́ ɡɛnɛ pɛkŋɛ tɛn ńdɛɛ ndǔmbí, ɛ́ pɑ́Ꞌ pɛkŋɛ zɑ́pnɛ tʉ́m nǔu Yɛ́su Kɛlístɔ.

Mɛnu ɛ́ ńdɑ́Ꞌ ńcẅɛt 12:11

Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.