1 Jɑ̂ŋ 3:8 - Kɑɑ Fí

⁸ Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

1 Jɑ̂ŋ 3:8 Кръстосани препратки

Mɑtʉ̈ɔ 12:28

Lɑ́ ŋ́ɡʉ nǔu mɔ, mbɔ n dɔk pɔ mɛtʉʉ-Zẅikŋɛ-Sɛ́ lɑ ńzuŋ. Ɛ́ lɔk ńnyɛt ŋɡɔ Sɛ́ ńdɑ́Ꞌmɔ́ ńtɔ́, tɛ ḿbɔ́ fɔɔ ndǔ yɔ mbí.

Mɑtʉ̈ɔ 13:38

Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 4:3

Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Lúkɑ́shi 10:18

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ sẅíi nu, n dɑ́Ꞌ ḿbɔ́ ńdíŋɛ, ńjʉ́ɔ pɑꞋ Sɑ́ttɑ ŋwɑŋɛ́nɛ pɑꞋ mɛnɛ́ɛ-mbʉŋ lɑ́, ɛ́fú tʉ́nɛ́pú ńtsɔ́Ꞌnɛ ḿvu sɛ́.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 16:11

Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu nɛŋɑk, mbíꞋŋɡɔ fɔɔ ẅí ɑ sɑ́Ꞌnɛ yɔ njí kɑ vu ntsɑŋ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Pʉɔ-Lɔ́mɑ 16:20

Pʉʉ lɑɑ ŋ́ɡɛ pɑ́Ꞌɑ, mbɔ Sɛ́ ẅí ɑ ɡɑ́nɛ mɔ́fíitɛ, ɡʉ ḿmɑꞋ Sɑ́ttɑ sɛ́, pʉʉ lɔk mɛku ńnʉŋtɛ wɛ́. Tsɑpʉɔ wɛkŋɛ Yɛ́su Kɛlístɔ pɔ́ ḿbɔ́ nɛ́ pʉʉ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Kɔlɔsíyɛ̂ŋ 2:15

Sɛ́ kɑ pɔ́ ńdɔk pɔ́Ꞌɔ, ŋ́ɡẅɛɛ mɛzẅikŋɛ kɛpɔŋ, mi ɛ́ ɡẅɛɛnɛ tʉʉ, ḿbɔ́ ɛ́sɑ́Ꞌ ndǔmbí yɔ, ńcẅɛɛtɛ mɛtʉʉ mɔ́p ḿmɛꞋ, ńtɛ́m sʉ́ʉ tú pɔ́p mbi lɑ́Ꞌ. Ɛ́ pɔ́ pɑ́Ꞌ ɑ kɑ lɔknɛ wɔ́p ŋ́ɡɛ puꞋ-ntsɔ, Kɛlístɔ lɔk wɔ́p ŋ́kɑ́t ńnɛn ńdɔk ńdɛꞋlɛ ŋɡɔ ɑ jʉ́ ntsɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 9:26

MbíꞋŋɡɔ ɛ́ kɑ pɔ́ pɛ́Ꞌnɛ ḿbɔ́ pɔ́Ꞌɔ, mbɔ tɛ fú pɑ́Ꞌ Sɛ́ kɑ niitɛ́nɛ ndǔmbí, Kɛlístɔ kɑ ɡẅɛɛ nɛnɑ́ŋ ńjʉ́ɔ ŋɡʉ̈ɔ́Ꞌ, ḿpfú ḿbɛn ḿpfú. Lɑ́ pɛkŋɛ jí ŋɡɔ ŋkɑ́ kɑ pɔ́ tɛ ŋ́kuꞋ, ɑ cẅɛt pɔ tɑ́Ꞌ ŋkɑ́, ɛ́ kuꞋ pɔ́Ꞌɔ, ɑ lɔk túmbʉʉ yɛ́ ńnɔŋ pɔꞋ nɛlɔk ḿbík nu kɛpɔŋ.

2 Pyɛ̂ 2:4

Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.

1 Jɑ̂ŋ 1:2

Sɛ́ kɑ pɔ́ tɛ ńtɔ́ ŋ́ɡɑ́ mbɔ̌ pɛk, pɛk jʉ́ɔ wɛ́, tɛ pɛk pɑ́Ꞌɑ ḿbɔ́ pɑjʉ́njʉ́ɔ, ḿbɔ́ ɛ́sẅíi wʉ́ʉ nɛ́ nu nǔu luk kɛ́mɛ yí ɛ́ kɑ fúnɛ nɛjɔ́ŋ Tɑ̌ɑ ńtɔ́ ńnyɛt mbʉʉ yɛ́ mbɔ̌ pɛk.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 20:15

Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.