1 Jɑ̂ŋ 3:4 - Kɑɑ Fí

⁴ Ŋu lɑɑ ńnɑ́ŋ ŋ́ɡɛ nu kɛpɔŋ, mbɔ ŋɡɑŋ lʉꞋ nɛnɛn nǔu nɛpʉ́ʉ-Sɛ́, mbíꞋŋɡɔ nɛɡɛ nu kɛpɔŋ ɛ́ nɛlʉꞋ nɛnɛn nǔu nɛpʉ́ʉ-Sɛ́.

1 Jɑ̂ŋ 3:4 Кръстосани препратки

Mɑtʉ̈ɔ 5:19

Pɔ́Ꞌɔ lɑ́, ŋu ẅí ɑ ɡʉnɛ nǔu nɛpʉ́ʉ, ɛ́fɑɑnɛ pɔ yɛcɔ́ mɔ́ɔ mɔncɛꞋ ḿbɛn ńzíꞋ pɛcɔ́ pʉɔ nɛɡɛ yɔ́p pɑ́Ꞌ jʉ́, pɛ́ ɡʉ ńdɑ́Ꞌ ŋ́ɡɑ́ wɛ́ tɛ nzʉʉ tsɛt nu-nɛfɔɔ-Sɛ́. Ɛ́ pɛn ŋ́ɡʉ nǔu ŋu ẅí ɑ tíknɛ ku nǔu, ḿbɛn ńzíꞋ pɛcɔ́ pʉɔ nɛɡɛ pɔ́Ꞌɔ, pɛ́ ńdɑ́Ꞌ ŋ́ɡɑ́ wɛ́ tɛ mbi tsɛt nu-nɛfɔɔ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 23:3

Pɔ̂l ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Sɛ́ ɡʉ tswɑ́ɑ pɔ wú ŋɡɑŋ-mɛfʉklɛ. Ɔ pʉ́ɔlɑ́ ńnɑ́ŋ sɛ́ ḿbɔ́ ńdɔk nɛpʉ́ʉ ŋ́ŋɑk wɑ́ɑ. Ɔ pɛn ńcú ŋɡɔ pɛ́ tswɑ́ɑ wɑ́ɑ. Ɛ́ yúu mi nɛpʉ́ʉ sɛ́ ḿbíkŋɛ.»

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

2 Kɔlɛ̂ŋtɛ 12:21

Mɔ sɛ́ ḿbɛn ḿbɔ́ ḿbɔ́k nɛɡɛ ḿbɛn ńtɔ́ tɛ ŋ́kúu lɑ́Ꞌ pʉʉ, Sɛ́ wɑɑ pɛn ŋ́kɔk ndɛn wɑ́ɑ mbi pʉʉ tɛ líkcɔ́ ŋ ɡẅɛɛ nɛlɑɑ mbíꞋ pʉɔ tɛ ńzɑ́ɑ pi pɔ́p tsɛtsɛt pʉʉ, mbɔ pɔ́p kɑ pɔ́ ŋ́ɡɛ mɛnu kɛpɔŋ, pɔ́p ŋkɑɑ mɔ́ mɑt wɔ́p kúpmɛ, pɔ́p ŋkɑɑ mɔ́ cẅɛt nǔu mɛnu-ndǔmbí mɔ́p pɔ́, ŋ́kɛ́ mbɔɔ nu mpfuꞋ yɔ́p mɛꞋ, ŋ́kɛ́ ḿbɔ́ ŋ́kẅiꞋ ŋ́ɡɛ pɔ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛtɛ mbʉʉ yɔp.

Jɑ̂k 5:15

CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

1 Jɑ̂ŋ 5:17

Mbɑ kʉ̈ɔ́ lɑ́ yi ŋu ɡɛnɛ, tɛ ɛ́ pɔ́ yi Sɛ́ kɑ́ pɔ́ ŋ́kɔŋ pɔ́, ɛ́ nu kɛpɔŋ, lɑ́ ŋu kɑ́ pɔ́ ŋ́ɡɛ pɔ mɛnu kɛpɔŋ tsʉʉ, lɑ ɛ́fú nǔu ḿpfú pfúnɛ pɔ́.