1 Jɑ̂ŋ 2:5 - Kɑɑ Fí

⁵ Lɑ́ ŋu ẅí ɑ kúꞋlɛ́nɛ sẅiŋɛ-Sɛ́, ɑ ŋu ẅí ɑ tsuŋ ŋ́kɔŋ Sɛ́ tɛ ɛ́sẅíi nu. Yɔ pɑ́Ꞌ pɛkŋɛ lɔknɛ ńjí ŋɡɔ pɛkŋɛ pɛ Sɛ́ kɑ tɛmtɛ.

1 Jɑ̂ŋ 2:5 Кръстосани препратки

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

Jɑ̂ŋ 14:21

Ŋu lɑɑ ŋ́ɡẅɛɛ nɛpʉ́ʉ nɑ́ɑ, ḿbɔ́ ńnɛn nǔu, mbɔ ŋɡɑŋ ŋu ẅí ɑ sɛ́ ŋ́kɔŋ wɑ́ɑ. Tɑ̌ɑ mɔ ɡʉ ŋ́kɔŋ ŋu ẅí ɑ kɔŋnɛ wɑ́ɑ, mbɑ mɔ yɑ́ɑ m bɛn ŋ́kɔŋ ẅîwɑ́ ŋu, ŋ́ɡɛ ɑ jí wɑ́ɑ.

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 15:5

Nɛtsɛ́n-tʉ́ ɑ mɔ, mbɔ́tʉ́ pɔ́ pʉʉ. Ŋu ẅí ɑ lɑtnɛ́nɛ mbʉʉ yɛ nǔu mɔ, n dɑtnɛ mbʉʉ yɑɑ nǔu yɛ ɡúu, ɑ ŋu ẅí ɑ ɡɛnɛ yúu sʉ́Ꞌnɛ tɛꞋ. Ɛ́ mbíꞋŋɡɔ pɛkŋɛ lɑɑnɛ mbɔɔ pɔ́, pʉʉ pɔɔ yɛcɔ́ yúu ɡɛ.

Jɑ̂ŋ 6:56

Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Jɑ̂k 2:22

Ɔ lɔk ńjʉ́ɔ ŋɡɔ wɛ nɛzɑ́p tʉ́m nǔu Sɛ́ pɔ́p mɛfɑꞋ mɛ́ kɑ tɛmtɛ ńnɛn tɑ́Ꞌ ku. Ɛ́ kɑ fú nǔu mɛfɑꞋ mɛ́ wɛ nɛzɑ́p tʉ́m nǔu Sɛ́ pɔ́ ɡú tɛ ŋ́kuꞋ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

1 Jɑ̂ŋ 4:17

Pɛkŋɛ lɑɑ ŋ́ɡẅɛɛ ŋkɔŋɛ tʉ́m pɛkŋɛ tɛ yɛcɔ́ yúu pɔɔ jɑ́k nǔu pɔ́, pɛkŋɛ pɔɔ kwɑŋɛ lɛ́Ꞌ nɛŋɑk mɛtsɑŋ tʉ́m yɛkŋɛ ɡwɛt pɔ́. Pɔ́Ꞌɔ, mbíꞋŋɡɔ wɛkŋɛ nɛnɑ́ŋ ndǔmbí yɔ ɛ́ pɑ́Ꞌ nɛnɑ́ŋ-Yɛ́su Kɛlístɔ.

1 Jɑ̂ŋ 4:18

Ŋkɔŋɛ piitɛ tɛ ḿbɔ́ sɛ́, cʉɔꞌ mɛ. Ŋkɔŋɛ lɑɑ ḿbɔ́ tɛ yɛcɔ́ yúu pɔɔ jɑ́k nǔu pɔ́, ɛ́ pík cʉɔꞌ, ŋu ɡɔ́ ńcʉ̈ɔꞋ, mbɔ ɑ fɑɑnɛ nu lɑ ḿbɔ́ ḿbɔ́k. Pɔ́Ꞌɔ lɑ́, ŋu lɑɑ ńcʉ̈ɔꞋ, mbɔ ɛ́ lɔk ḿbɔ́ ŋɡɔ yúu pɛ́t ńjɑ́k nǔu ŋkɔŋɛ yi ɑ ɡẅɛɛnɛ.

1 Jɑ̂ŋ 5:2

Yúu mi pɛkŋɛ ɡʉ ɛ́fú nǔu ńjí ŋɡɔ pɛkŋɛ sɛ́ ŋ́kɔŋ pɔ́ɔ-Sɛ́, ɛ́ pɑ́Ꞌ pɛkŋɛ kɔŋnɛ Sɛ́, ḿbɛn ńtík ku nǔu mbʉ́ʉ mɛ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

2 Jɑ̂ŋ 1:6

Nɛɡẅɛɛ ŋkɔŋɛ ɛ́ pɔ́ pɔ nɛkúꞋlɛ mbʉ́ʉ-Sɛ́. Nɛpʉ́ʉ ni pʉʉ kɑ zúꞋnɛ tɛ ɛ́fú nzɛnɛ ɛ́ pɔ́ pɔ ŋɡɔ pʉʉ nɑ́ŋ nɛ́ ŋkɔŋɛ.

Mɛnu ɛ́ ńdɑ́Ꞌ ńcẅɛt 12:17

Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.

Mɛnu ɛ́ ńdɑ́Ꞌ ńcẅɛt 14:12

Yɔ nu lɔk ńcú ŋɡɔ pʉɔ-Sɛ́, pʉɔ pí pɔ́p ɡẅɛɛnɛ nɛpʉ́ʉ-Sɛ́, ńzɑ́p tʉ́m nǔu Yɛ́su sʉk.