1 Jɑ̂ŋ 2:3 - Kɑɑ Fí

³ Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.

1 Jɑ̂ŋ 2:3 Кръстосани препратки

Lúkɑ́shi 6:46

Yɛ́su pɛn ńcú ŋɡɔ: «Mɛlɑ́Ꞌkʉ̈ɔ́ pʉʉ sɛ́ ɛ́fúŋ wɑ́ɑ nɛ́ “Tsɑpʉɔ! Tsɑpʉɔ!” Ḿbɛn ḿbɔɔ kɛ́ ŋ́ɡɛ yúu mi n cúnɛ pɔ́ ɔɔ?»

Jɑ̂ŋ 14:15

Pʉʉ lɑɑ ŋ́kɔŋ wɑ́ɑ, mbɔ pʉʉ ɡʉ ŋ́ɡɛ ŋ́ɡẅɛɛ nɛpʉ́ʉ nɑ́ɑ.

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

Jɑ̂ŋ 15:14

«Pʉʉ lɑɑ ŋ́ɡɛ yúu mi m bíkŋɛ́nɛ wʉ́ʉ, mbɔ pʉʉ tsʉ́Ꞌ ḿbɔ́ pɔ pɛsúu pɑ́ɑ.»

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

1 Jɑ̂ŋ 2:13

Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

1 Jɑ̂ŋ 3:19

Pɛkŋɛ ɡʉ ŋ́ɡɛ pɔ́Ꞌɔ, lɑ́ ńjí ŋɡɔ pɛkŋɛ nǔu ɡúŋ nu nɛ́nẅín, tʉ́ʉ mbi Sɛ́ tʉ́m yɛkŋɛ pɔɔ ɡwɛt.

1 Jɑ̂ŋ 3:6

Ɛ́ yɛ́tɛ́, mbɑ wɔ̌ lɑ́ ẅí ɑ lɑtnɛ mbʉʉ yɛ nǔu wɛ́, ɑ kɑ́ pɛn ɛ́fɑɑnɛ nu pɔ́, mbɑ wɔ̌ lɑ́ ẅi ɑ nɑ́ŋ ɛ́fɑɑnɛ pɔ nu, ɑ ŋkɑɑ mɔ́ Yɛ́su jʉ́ɔ, ŋ́kɛ́ mbɔɔ wɛ́ jí.

1 Jɑ̂ŋ 4:13

Yúu mi ɛ́ ɡɛnɛ pɛkŋɛ jí ŋɡɔ pɛkŋɛ lɑt mbʉʉ yɛkŋɛ nǔu Sɛ́, Sɛ́ lɑt yɛ nǔu pɛkŋɛ ɛ́ pɑ́Ꞌ ɑ kɑ ɡɑ́nɛ Zẅikŋɛ yɛ́ mbɔ̌ pɛkŋɛ.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

1 Jɑ̂ŋ 5:2

Yúu mi pɛkŋɛ ɡʉ ɛ́fú nǔu ńjí ŋɡɔ pɛkŋɛ sɛ́ ŋ́kɔŋ pɔ́ɔ-Sɛ́, ɛ́ pɑ́Ꞌ pɛkŋɛ kɔŋnɛ Sɛ́, ḿbɛn ńtík ku nǔu mbʉ́ʉ mɛ́.

1 Jɑ̂ŋ 5:3

MbíꞋŋɡɔ nɛkɔŋ Sɛ́ ɛ́ píkŋɛ nɛtík ku nǔu mbʉ́ʉ mɛ́, nɛpʉ́ʉ nɛ́ pɛn ŋ́kɛ́ mbɔɔ tɛn ńdɛɛ wɛkŋɛ pɔ́.

Mɛnu ɛ́ ńdɑ́Ꞌ ńcẅɛt 12:17

Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.

Mɛnu ɛ́ ńdɑ́Ꞌ ńcẅɛt 14:12

Yɔ nu lɔk ńcú ŋɡɔ pʉɔ-Sɛ́, pʉɔ pí pɔ́p ɡẅɛɛnɛ nɛpʉ́ʉ-Sɛ́, ńzɑ́p tʉ́m nǔu Yɛ́su sʉk.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.