1 Jɑ̂ŋ 1:4 - Kɑɑ Fí

⁴ Pɛk ŋwɑꞋnɛ yɔ nu ŋ́ɡɑ́ mbɔ̌ pʉʉ, nɛpɔ́ yi yɛcɔ́ yúu kɛ́ ɡɛ ńjɑ́k nǔu yɛ́k tsɑ́ɑtɛ pɔ́.

1 Jɑ̂ŋ 1:4 Кръстосани препратки

Jɑ̂ŋ 15:11

«N cú yɔ nu mbɔ̌ pʉʉ nɛpɔ́ yi tsɑ́ɑtɛ yí ɛ́ tsɛt tʉ́m mɔ ɡʉ ḿbɛn ḿbɔ́ tsɛt tʉ́m yʉ́ʉ, pʉʉ ɡẅɛɛ kwɑꞋ tsɑ́ɑtɛ.»

Jɑ̂ŋ 16:24

Lɑ́ ŋ́kúu ŋkɔ̂ɔnɛ, pʉʉ ŋkɑɑ zɛɛ ńdɔk lík yɑ́ɑ ńdɔ́ɔ yɛcɔ́ yúu mbɔ̌ Sɛ́ pɔ́. Pʉʉ lɔ́ɔ ɑ ɡɑ́ mbɔ̌ pʉʉ, tsɑ́ɑtɛ niitɛ ńdúu tsɛt tʉ́m yʉ́ʉ.

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

Ɛ́fɛ̂zɛ 3:19

Yɔ pɑ́Ꞌ mɔ sɛ́ ḿbɔ́ ḿbúꞋ mbɔ́ mbɔ̌ Sɛ́ pɔ́Ꞌɔ. A ɡʉ ɛ́fú nǔu pʉʉ kuꞋ nɛjí pɑ́Ꞌ ŋkɔŋɛ-Kɛlístɔ pɔ́Ꞌɔ, tɛ mbɑ pɑ́Ꞌ ɛ́ lɛɛnɛ jínu tsʉʉ. Pʉʉ ɡʉ ḿbɔ́ tɛ ńjí yîyɑ́ ŋkɔŋɛ, yúu tsʉʉ yi ɛ́ tʉ́m-Sɛ́ pɛn ḿbɔ́ tsɛt tʉ́m pʉʉ tɛ yúu pɔɔ nǔu jɑ́k.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

2 Jɑ̂ŋ 1:12

Ŋ ɡẅɛɛ mɛnu tɛ ɛ́ zɑ́ɑ zɑ́ɑnɛ mi m bɔ́ ɛ́sẅíi wʉ́ʉ, lɑ́ n jʉ́ɔ ŋɡɔ ŋ kɛ́ ŋwɑꞋnɛ ŋwɑ́Ꞌnɛ́nɛ pɔ́, mbíꞋŋɡɔ mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ, nu cẅɛt ntsu mɔ ŋ́kúu ntsu pʉʉ, ńjí ŋɡɔ tsɑ́ɑtɛ yɛkŋɛ tsuŋ ḿbuutɛ.