1 Timɔtɛ́ɛ 6:9 - Kɑɑ Fí

⁹ Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

1 Timɔtɛ́ɛ 6:9 Кръстосани препратки

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 19:22

Mɔ́ɔsuu zúꞋ yɔ sẅiŋɛ, shʉ́ wɛ́ pfúu, ɑ tɛ́m ŋkwɛn yɛ́ ŋ́ɡʉ, mbíꞋŋɡɔ ɑ kɑ ɡẅɛɛ yúu tʉʉndɛn tɛꞋ.

Mɑtʉ̈ɔ 26:15

ńcú mbɔ̌ pɔ́p ŋɡɔ: «N dɑɑ ńnyɛt wʉ́ʉ pɑ́Ꞌ pʉʉ ɡʉ ŋ́ɡɛ lɑ ŋ́ɡẅɛɛ Yɛ́su, pʉʉ ɡɑ́ kʉ̈ɔ́ mbɔ̌ mɔ?» Ɛ́ ɡɛ pɔ́Ꞌɔ, pɔ́p ɡɑ́ ŋkɑ́p pɑk mɛɡɛ́mɛ́ntɑ́t mbɔ̌ wɛ́.

Mɑtʉ̈ɔ 6:19

Kɔɔ pʉʉ cúꞋlɛ yúu tʉʉndɛn yʉ́ʉ ndǔ tsɛ́tsɑ́Ꞌ. ZʉꞋ yí sɑɑ pɔ́p ɡwɛ́tkɑ́ɑ ɡʉ ŋ́kwɛ́t tsʉʉ, ŋ́kɛ́ ḿbɔɔ pɔ́Ꞌɔ pɔ́, pɛtsɔ́ŋ pʉ̈ɔ́Ꞌ ndɑ́, ńtíi.

Mɑ́lɛ́kúshi 4:19

ŋ́ɡɛ ńzɛ nɛmʉk mɛnu ndǔ mbí, ŋkɑ́p zɛ nɛfʉ́klɛ wɔ́p, pɔ́p pɔ́ ńtsɑ́ɑ mɛcɔ́ mɛyúu tɛ ńzɑ́ɑ, yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ zɛ́m ntɑ́ɑ.

Lúkɑ́shi 12:21

Yɛ́su cɔ́kŋɛ ńcú ŋɡɔ: «Yɔ nu yi ɛ́ ɡɛnɛ ŋu ẅi ɑ lɑknɛ fuꞋ ńcúꞋlɛ nɛ́ fúꞋlɔ́ŋ lɑ́, lɑ́ ḿbɛn ḿbɔ́ nǔu mík-Sɛ́ ḿbɔɔ ŋɡɑŋyúu pɔ́.»

Lúkɑ́shi 21:35

Ɛ́ pɔ́ mbɔ̌ pʉʉ pɑꞋ ɡwɑk lɑ́. Pʉʉ jí ŋɡɔ mɛnu-yîyɑ́ lɛ́Ꞌ ɡʉ ńdɑ́Ꞌ ḿvukŋɛ vukŋɛnɛ ŋ́ɡẅɛɛ pʉɔ tsʉʉ ndǔ tsɛ́tsɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 8:20

Lɑ́ Pyɛ̂ cú mbɔ̌ wɛ́ ŋɡɔ: «Tɛ pʉʉ ŋkɑ́p yu yîyɑ́ lɑkŋɛ, mbíꞋŋɡɔ ɔ pɑꞋnɛ ŋ́kwɑŋɛ ŋɡɔ ɛ́ lɑɑ ḿbɔ́ ɔ lɔk ŋkɑ́p ńzúu yúu mi Sɛ́ ɡɑ́nɛ mbɔ̌ pʉɔ níinɛ.

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

1 Timɔtɛ́ɛ 1:9

Pɛkŋɛ pɛn ḿbɔ́ ńjí ŋɡɔ Sɛ́ ŋ́kɑɑ ḿbɔ́ ńtík nɛpʉ́ʉ mbíꞋ pʉɔ pi pɔ́p ɡɛnɛ nu yi ɛ́ tʉ́ʉnɛ pɔ́, ɑ kɑ pɔ́ ńtík nɛpʉ́ʉ mbíꞋ pɑfʉꞋ mɛnu, pɔ́p pɑtʉʉtú, mbíꞋ pɑɡwɑ́k Sɛ́, pɔ́p pɑɡɛ mɛnu kɛpɔŋ, ḿbɛn mbíꞋ mbɑ pʉɔ pi pɔ́p kɑ́ zúꞋ ntsu-Sɛ́ pɔ́, ŋ́kɛ́ mbɔɔ lɔk yɛcɔ́ yúu mi ɛ́ fúnɛ mbɔ̌ wɛ́ ɛ́fúŋ yɛcɔ́ yúu pɔ́. Sɛ́ kɑ pɔ́ ḿbɛn ńtík nɛpʉ́ʉ mbíꞋ pʉɔ pi pɔ́p jẅítɛ pɛtɑ́t pɔ́p pɔ́p pɛmɑ́ pɔ́p, mbíꞋ pɛfút.

1 Timɔtɛ́ɛ 3:7

Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

1 Timɔtɛ́ɛ 6:10

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

2 Timɔtɛ́ɛ 2:26

ḿbɛn ŋ́kwɑŋɛ nu pɑ́Ꞌ ɛ́ sɛ́ ḿbíkŋɛ ŋɡɔ pɔ́p kwɑŋɛ, ŋ́ɡɔ́ɔ ŋ́kɛ́ ɛ́fú tsɛt mɛɡwɑk mi Sɑ́ttɑ kɑ lɔknɛ ŋ́ɡẅɛɛ wɔ́p ńcẅɛt. Mbɔ pɔ́p kɑ pɔ́ tsɛtú ńtsʉ́Ꞌ ḿbɔ́ pɔ ɡɑŋtsɑ́ŋ, ŋ́ɡɛ pɔ yúu mi Sɑ́ttɑ sɛ́ ŋ́kɔŋ.

Tîtɛ 2:12

Yîyɑ́ ntɛ́ pɔŋtʉ́m sɛ́ ńzíꞋ wɛkŋɛ nɛmɛꞋ mɑt ẅí ɛ́ kɑ́ pɔŋ Sɛ́ pɔ́, mbɑ pɑ́Ꞌ pɛkŋɛ kɛ́ pɛn ŋ́ɡɛ yúu mi mbʉʉ yɛkŋɛ tsʉ́ʉnɛ́nɛ wɛkŋɛ ŋɡɔ pɛkŋɛ ɡɛ pɔ́. Pɛkŋɛ pɔ́ ndǔ yɔ mbí, ḿbɔ́ pʉɔ pí pɔ́p sɑ́ŋnɛ nu lɑ ŋ́ɡɛ, ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ńzúꞋ pɔ ndɑꞋ ntsu-Sɛ́.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.