1 Timɔtɛ́ɛ 6:6 - Kɑɑ Fí

⁶ Ɛ́ kɛ́ ńzɛɛ ḿbɔ́ nɛ́nẅín ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɑ pɔ́ttú pɑ́Ꞌ nu lɑɑ ḿbɔŋ wɛ́ nǔu yúu mi Sɛ́ ɡɑ́nɛ mbɔ̌ wɛ́.

1 Timɔtɛ́ɛ 6:6 Кръстосани препратки

Lúkɑ́shi 12:15

Ḿbɛn ńcú mbɔ̌ pʉɔ tsʉʉ ŋɡɔ: «Pʉʉ lɑk tú yʉ́ʉ! Pʉʉ pɑ́ɑ nɛcúꞋlɛ yúu, ŋ́kɛ́ ŋ́kẅiꞋ kẅiꞋnɛ. Nɛpɔŋ wɛ ŋu kɑ́ ɡẅɛɛ yɛcɔ́ nu nǔu yúu mi ŋɡɑŋ ɡẅɛɛnɛ pɔ́, tɛ mbɑ pɑ́Ꞌ ɑ ńzɛnɛ ŋ́ɡẅɛɛ pɔ kʉ̈ɔ́ lɑ́!»

Lúkɑ́shi 3:14

Pɑlʉ̈ɔ́Ꞌntsɔ pɛn ḿbíkŋɛ yɔ́p ŋɡɔ: «Ŋ́ɡʉ nǔu pɛk, pɛk ŋ́ɡɛ pɑ́Ꞌɑ?» A pʉ̈ɔt ŋɡɔ: «Kɔɔ pʉʉ lɔk mɛtʉʉ mbɑ cɔtnu ɛ́fyɛ́t ŋu ńcẅɛ́ɛ ŋkɑ́p yɛ. Pʉʉ zẅiꞋlɛ pɔ ndɑꞋ ŋkɑ́p-fɑꞋ yʉʉ.»

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

Filipɛ 1:21

Kɛlístɔ zɛɛ ḿbɔ́ yɑ́ɑ nu tsʉʉ. N dɑɑ ḿbɔ́ ɡú, mbɔ mɔ ɡú mbíꞋ Kɛlístɔ, ŋ́kɛ́ ḿpfú, mbɔ n jʉ́ pii nzʉʉ yɛ́.

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

1 Timɔtɛ́ɛ 6:8

Pɔ́Ꞌɔ lɑ́, ḿbɔ́ yi pɛkŋɛ lɑɑ ŋ́ɡẅɛɛ yúupɛjʉ́ mbɑ ndẅí mɑꞋnɛ, mbɔ ẅîwɑ́ ndɛn kɑ́ kʉ̈ɔ́k.

Ɛ́bɛlʉʉ 13:5

Kɔɔ pʉʉ kɔŋ ŋkɑ́p kɔŋnɛ tɛ ɛ́ tsʉ́Ꞌ ɛ́sɑ́Ꞌ wʉ́ʉ ɛ́sɑ́nɛ, pʉʉ tsɑ́ɑtɛ tsɑ́ɑtɛ́nɛ nǔu kʉ̈ɔ́ lɑ́ yi pʉʉ ɡẅɛɛnɛ, mbíꞋŋɡɔ Sɛ́ kɑ cú mbɔ̌ ŋumɛsɔŋ ŋɡɔ: «Ŋ kɛ́ lɑ́Ꞌ ḿmɛꞋ wú pɔ́, ŋ́kɛ́ ḿbɔɔ ńnɑ́ kɛ́ pɔ́ ńdíŋɛ wú pɔ́».