1 Timɔtɛ́ɛ 6:20 - Kɑɑ Fí

²⁰ Timɔtɛ̂ɛ, pɑ́ɑ nɛlɔk nu yi Sɛ́ kɑ lẅɛꞋnɛ mbɔ̌ ɡu, ńdɔk ḿmɑꞋ kwɑŋɛ. Pɑ́ɑ sẅiŋɛ yi ɛ́ kɑ́ cẅɛ́lɛ́, mbíꞋŋɡɔ ɛ́ tɔꞋ pʉɔ tɔꞋnɛ nɛzɑ́p tʉ́m nǔu Sɛ́, sẅiŋɛ yi ɛ́ ɡɛnɛ pɛ́ zɔŋ nu tɛ ŋ́kwɑŋɛ pɔ ŋɡɔ pɛ́ lɔk ńjí nu.

1 Timɔtɛ́ɛ 6:20 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:21

Ɛ́ kɑ ɡɔ́ ḿbɔ́ pɔ́Ꞌɔ, mbíꞌŋɡɔ pʉɔ pi pɔ́p tʉ́sɔŋ-Atɛ̂n mbɑ pʉɔ pi pɔ́p fúnɛ túu ńtɔ́ ńtswɛ́ zúꞋu, kɑ pɔ́ ŋkɑ́ tsʉʉ ńjúk yɔ́p pɔ nɛzúꞋ ḿbɛn ńcú mɛnu fí mi ɛ́ pɛ́t lɑ́ ńcẅɛt.

Pʉɔ-Lɔ́mɑ 1:22

Pɔ́p tɔ́ pɔ nɛsɑ́Ꞌ ŋɡɔ pɔ́p jí nu, ńtsʉ́Ꞌ pɛpɑ́lɛ́.

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.

2 Tɛsɑlɔník 2:15

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, kɔɔ pʉʉ kɑ́ɑ. Yúu mi pɛk kɑ zíꞋnɛ wʉ́ʉ, kɛ nɛ́ ntsu ɔɔ, kɛ ŋ́ŋwɑꞋnɛ pɔ tsɛt ŋwɑꞋnɛ ɔɔ, pʉʉ ɡẅɛɛ sʉ́Ꞌnɛ.

1 Timɔtɛ́ɛ 1:11

Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

1 Timɔtɛ́ɛ 1:4

Cú mbɔ̌ pɔ́p ŋɡɔ pɔ́p nɑ́ mɛnu-mɑ́pitsɔꞋ, pɔ́p mɛlík pɛmɑ̂ɑŋɡɑpnjẅɛt pɔ́p pi pɔ́p sɑ́ŋnɛ ɛ́ pɔɔ ḿmɛ. Yîyɑ́ ntɛ́ mɛnu ɡɛ pɛ́ zɔŋ nu pɔ níinɛ, ɛ́ pɔɔ cẅɛ́lɛ́ nɛjí yúu mi Sɛ́ kɑ kwɑŋɛ́nɛ nɛɡɛ ŋumɛsɔŋ luk pɔ́. Pɛ́ lɔk pɔ nɛzɑ́p tʉ́m nǔu Sɛ́ lɑ ńjí yîyɑ́ yúu.

1 Timɔtɛ́ɛ 1:6

Pɛcɔ́ pʉɔ nɑ́ mɔ́ mɔnɛ mɛnu, ŋ́kúu pɛ́, ńtsʉ́Ꞌ ńjúk ńzɔŋ pɔ mɛnu mi ɛ́ kɑ́ tʉ́ʉ.

1 Timɔtɛ́ɛ 1:9

Pɛkŋɛ pɛn ḿbɔ́ ńjí ŋɡɔ Sɛ́ ŋ́kɑɑ ḿbɔ́ ńtík nɛpʉ́ʉ mbíꞋ pʉɔ pi pɔ́p ɡɛnɛ nu yi ɛ́ tʉ́ʉnɛ pɔ́, ɑ kɑ pɔ́ ńtík nɛpʉ́ʉ mbíꞋ pɑfʉꞋ mɛnu, pɔ́p pɑtʉʉtú, mbíꞋ pɑɡwɑ́k Sɛ́, pɔ́p pɑɡɛ mɛnu kɛpɔŋ, ḿbɛn mbíꞋ mbɑ pʉɔ pi pɔ́p kɑ́ zúꞋ ntsu-Sɛ́ pɔ́, ŋ́kɛ́ mbɔɔ lɔk yɛcɔ́ yúu mi ɛ́ fúnɛ mbɔ̌ wɛ́ ɛ́fúŋ yɛcɔ́ yúu pɔ́. Sɛ́ kɑ pɔ́ ḿbɛn ńtík nɛpʉ́ʉ mbíꞋ pʉɔ pi pɔ́p jẅítɛ pɛtɑ́t pɔ́p pɔ́p pɛmɑ́ pɔ́p, mbíꞋ pɛfút.

1 Timɔtɛ́ɛ 4:7

Kɛ́ ḿbɑ́ɑ mɛnu mɑ́pítsɔꞋ mi ɛ́ kɛ́ cẅɛ́lɛ́ pɔ́, tɛ ńtsʉ́Ꞌ pɔ́Ꞌɔ, ɛ́ tɔꞋ pɔ pʉɔ nɛzɑ́p tʉ́m nǔu Yɛ́su. Kɛ́ ḿbɔ́ ńzíꞋ pɔ nɛɡɛ yúu mi ɛ́ ḿbɔŋ Sɛ́.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

1 Timɔtɛ́ɛ 6:14

Mɔ sɛ́ ńcú mbɔ̌ ɡu ŋɡɔ ɔ ɡɛ yúu mi Sɛ́ cúnɛ mbɔ̌ ɡu. Kɔɔ ɡʉ nǔu ḿmɛꞋ yɛcɔ́. Kɔɔ ɡɛ pɛ́ tɔ́ lɔ́Ꞌ nǔu, kɛ́ ḿbɔ́ ŋ́ɡɛ pɔ pɔ́Ꞌɔ, tɛ ŋ́kúu lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ḿbɛn ńtɔ́.

2 Timɔtɛ́ɛ 2:1

Ŋ́kɛ́ ŋ́ɡʉ nǔu ɡu mɔ́ɔ wɑɑ, nɑ́ Yɛ́su Kɛlístɔ ɡɑ́ mɛtʉʉ mbɔ̌ ɡu ńdɛɛ nǔu pɑ́Ꞌ ɑ ɡẅɛɛnɛ pɔŋtʉ́m.

2 Timɔtɛ́ɛ 2:16

Pɑ́ɑ nɛzɑ́p wú ntsu nǔu wɛ pɑzɔŋ mɛsẅíŋɛ mi ɛ́ pɔ́ pɔ níinɛ, mɛsẅíŋɛ mi ɛ́ tɑ́ɑtɛ ŋu tɑ́tɛ́nɛ nɛzɑ́p tʉ́m nǔu Sɛ́. Pʉɔ pi pɔ́p zɔŋnɛ mîmɑ́ mɛsẅíŋɛ kɛ́ ḿbɔ́ ɛ́fú nɛjɔ́ŋ Sɛ́ ŋ́kẅiꞋ ŋ́kʉɔ kʉɔnɛ.

Tîtɛ 1:14

pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Tîtɛ 1:9

Ɛ́ píkŋɛ ŋɡɔ ɑ niitɛ ŋ́ɡẅɛɛ Ŋkʉʉ ẅí ɛ́ ẅi ḿbɔ́ pɛ́ zɑ́p tʉ́m nǔu, ɛ́ pɔ́ ẅi ɛ́ cẅɛ́Ꞌnɛ́nɛ nǔu ẅi pɛk zíꞋnɛ pʉɔ. Ɛ́ lɛɛ pɔ́Ꞌɔ, ɑ kuꞋ nɛlɔk sẅiŋɛ yi ɛ́ nɛ́nẅín, ńníꞋ mɛtʉʉ-pɛcɔ́ pʉɔ, ŋ́kuꞋ nɛnyɛt mɛlɔꞋ-pʉɔ pi pɔ́p lʉꞋnɛ nu yi ɑ cúnɛ kwɑꞋ mbɔ̌ pɔ́p.

Tîtɛ 3:9

Lɑ́ pɑ́ɑ nɛzɔŋ mɛnu kɛ́ tú, ḿbɑ́ɑ mɛnu nǔu mɛlík-pɛmɑ̂ŋɡɑpnjẅɛt, ḿbɑ́ɑ nɛzɔŋ nu ńdɔk ɛ́shɔt shʉ́-nɛpʉ́ʉ-Mɔ̌sɛ̂ɛ, ɛ́ mɛnu kɛ́ tú mi mbɔ ɛ́ pɔɔ cẅɛ́lɛ́.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.