1 Timɔtɛ́ɛ 6:16 - Kɑɑ Fí

¹⁶ A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

1 Timɔtɛ́ɛ 6:16 Кръстосани препратки

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Jɑ̂ŋ 6:46

Sɑ̌ɑ ŋu ŋkɑɑ mɔ Tɑ̌ɑ jʉ́ɔ, tɛ ńdíꞋ ndɑꞋ mɔ ẅí ŋ kɑ fúnɛ nɛjɔ́ŋ yɛ́. Mɔ kɑ jʉ́ɔnɛ Tɑ̌ɑ Sɛ́.

Jɑ̂ŋ 8:58

Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.

Ɛ́fɛ̂zɛ 3:21

Gúꞌlɛ pɔ́ mbɔ̌ wɛ́ tsɛt cúꞋlɛ-pʉɔ-Kɛlístɔ, ńdɛɛ nǔu Yɛ́su Kɛlístɔ, nǔu mɛŋɡuꞋ mɛŋɡuꞋ, kɛ́ nɛpɑt! Ɛ́ pɔ́Ꞌɔ.

Filipɛ 4:20

Gúꞌlɛ pɔ́ mbɔ̌ Tɑ́t wɛkŋɛ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

Ɛ́bɛlʉʉ 13:8

Yɛ́su Kɛlístɔ ŋ́kɑɑ kɑ́ kúpmɛ, ɑ kɑ́ kúpmɛ, ɑ kɛ́ lɑ́Ꞌ lɛ́Ꞌ ŋ́kúpmɛ pɔ́.

Jɑ̂k 1:17

Yúu mi ɛ́ pɔŋnɛ tɛꞋ, mbɑ tsɔ́ꞋfɑꞋ sʉ́Ꞌnɛ fú pɔ tʉ́nɛ́pú, mbɔ̌ Sɛ́ ẅi ɑ kɑ niitɛ́nɛ mɔ́nɛm pɔ́p pɛcʉ̈ɔ́Ꞌ-sɑŋ nɛfɑŋ. A kɑ́ kúpmɛ, ŋ́kɛ́ mbɔɔ nzɛ́nzʉ́ʉ ɡẅɛɛ.

1 Jɑ̂ŋ 1:5

Nu yi Yɛ́su Kɛlístɔ kɑ sẅíinɛ wɛ́k, ɛ́ yɔ yi pɛk ɡʉ ɛ́sẅíinɛ wʉ́ʉ lɑɑ. A kɑ cú ŋɡɔ: «Sɛ́ pɔ́ pɔ kyɛꞌ, mbɑ mɔ́zʉꞋ nzɛ́nzʉ́ʉ kɑ́ pɔ́ nǔu ŋɡɛnɛ mɛnu mɛ́ pɔ́.»

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

Jẅidɛ 1:25

ŋu ɛ̂wɑ́ pɔ́nɛ ndɑꞋ Sɛ́. A kɑ lɔk Tsɑpʉɔ wɛkŋɛ Yɛ́su Kɛlístɔ ŋ́ɡɛ pɛkŋɛ luk. Pɛ́ ɡúꞌlɛ pɔ wɛ́, jʉ́ ɡẅɛɛnɛ nɛɡúꞋ, jʉ́ ɡẅɛɛnɛ mɛtʉʉ, jʉ́ sɑ́Ꞌnɛ pʉɔ, pɑ́Ꞌ ɑ kɑ lɑ́Ꞌnɛ ńzɛ, ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ, nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 1:6

A kɑ lɔk wɛkŋɛ ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɛkŋɛ ŋ́ɡɛ pɑnɔŋpɔꞋ pɑ́Ꞌ pɛkŋɛ ɡʉ ɛ́fɑꞋ mbɔ̌ Tɑ̌ɑ wɛ Sɛ́. Nɛɡúꞌ mbɑ mɛtʉʉ ńdɑ́Ꞌ ḿbɔ́ pɔ mbɔ̌ jʉ́ Yɛ́su Kɛlístɔ nǔu mɛŋɡuꞋ mɛŋɡuꞋ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 1:8

Tsɑpʉɔ Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, ɑ ŋɡɑŋmɛtʉʉ tsʉʉ, ɑ sɛ́ ńcú ŋɡɔ: Mɔ Alfɑ, ḿbɔ́ Ɔmɛŋɡɑ, nduŋmbi ḿbɔ́ ndẅiknzʉʉ.

Mɛnu ɛ́ ńdɑ́Ꞌ ńcẅɛt 21:3

N zúꞋ yɛcɔ́ ŋɡi tɛnnɛ fú zʉꞋ-kɔꞋ-nɛfɔɔ ḿbɔ́ ńcú ŋɡɔ: «Ɛ́ ŋkɔ̂ɔnɛ, mbɔ zʉꞋ yí Sɛ́ nɑ́ŋnɛ zúꞋu, ɛ́ pɔ́ tsɛtsɛt pʉɔmɛsɔŋ. Pɔ́p pɛpɔ́p ɡʉnɛ ńtsʉ́Ꞌ ńnɑ́ŋ, pɔ́p pɔ́ mbɔ̌ wɛ́, ɑ pɔ́ Sɛ́ wɔp.

Mɛnu ɛ́ ńdɑ́Ꞌ ńcẅɛt 22:5

NɛtúꞋ ŋ́ɡʉ ŋ́ɡɛ ḿbɛn ḿbɔ́ ɡú pɔ́. Pɔ́p pɔɔ ŋ́ɡʉ ŋ́ɡɛ ḿbɛn ńtsɑ́ɑ kyɛꞌ yí ɛ́ fúnɛ nǔu lɑ̂m pɔ́, ŋ́kɛ́ mbɔɔ yɛ́ nɛm tsɑ́ɑ. MbíꞋŋɡɔ Tsɑpʉɔ Sɛ́ ɡʉ ŋ́ɡɛ ńdɔk yɛ́ kyɛꞌ ŋ́kyɛꞋ wɔ́p. Pɔ́p sɑ́Ꞌ mbí nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.