1 Timɔtɛ́ɛ 6:14 - Kɑɑ Fí

¹⁴ Mɔ sɛ́ ńcú mbɔ̌ ɡu ŋɡɔ ɔ ɡɛ yúu mi Sɛ́ cúnɛ mbɔ̌ ɡu. Kɔɔ ɡʉ nǔu ḿmɛꞋ yɛcɔ́. Kɔɔ ɡɛ pɛ́ tɔ́ lɔ́Ꞌ nǔu, kɛ́ ḿbɔ́ ŋ́ɡɛ pɔ pɔ́Ꞌɔ, tɛ ŋ́kúu lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ḿbɛn ńtɔ́.

1 Timɔtɛ́ɛ 6:14 Кръстосани препратки

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

Filipɛ 1:6

N jí ŋɡɔ jʉ́ Sɛ́ ẅí ɑ kɑ zɛnɛ mɛfɑꞋ sʉ́Ꞌnɛ tsɛt tʉ́m pʉʉ, ɡʉ ńdɔk ŋ́ɡʉ pɔ nɛ́ mbi tɛ ńdɑ́Ꞌ ŋ́kúu lɛ́Ꞌ yi Yɛ́su Kɛlístɔ ɡʉ ńdɑ́Ꞌ ḿbɛn ńtɔ́.

Filipɛ 2:15

nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

Kɔlɔsíyɛ̂ŋ 1:22

Lɑ́ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ ɛ́ kɑ fú nǔu pɑ́Ꞌ Mɔ́ɔ nɛ kɑ tsʉ́Ꞌnɛ ŋumɛsɔŋ, ḿpfú, ɛ́shuŋ wʉ́ʉ ḿbɛn ńtík nɛjɔ́ŋ wɛ́, ɛ́shuŋ wʉ́ʉ pɔ́Ꞌɔ, nɛpɔ́ yi pʉʉ ɡʉ ḿbɔ́ Ndɛ́ɛnɛ Lɛ́ɛnɛ́nɛ, ḿbɔ́ pɑkɛ́fɑɑnnɛ, ḿbɔ́ pɛkɛ́lɔ́Ꞌ.

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

2 Tɛsɑlɔník 2:1

Pɔ́ɔpɛ́mɑ́, ɛ́ ɡʉ nǔu nu yi ɛ́ sɛ́ ńdíŋɛ lɛ́Ꞌlɑ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ḿbɛn ńtɔ́, pɛkŋɛ cúꞋlɛ mbi yɛ́ lɑ́, pɛk sɛ́ ḿbúꞋ mbɔ́ mbɔ̌ pʉ́ʉ ŋɡɔ:

2 Tɛsɑlɔník 2:8

Jʉ́ fɔɔ-mɛnu kɛpɔŋ ɡɔ́ɔ ŋ́kɛ́ ńcẅɛt. A jʉ́ ẅi Tsɑpʉɔ Yɛ́su ɡʉ ńdɑ́ fɑ́k zwɛ́t-ntsu wɛ́ nǔu wɛ́ ɑ pfú, ntɛ́ yi Yɛ́su lɔknɛ ńtɔ́, ɡɛ ɑ mɛ.

1 Timɔtɛ́ɛ 6:20

Timɔtɛ̂ɛ, pɑ́ɑ nɛlɔk nu yi Sɛ́ kɑ lẅɛꞋnɛ mbɔ̌ ɡu, ńdɔk ḿmɑꞋ kwɑŋɛ. Pɑ́ɑ sẅiŋɛ yi ɛ́ kɑ́ cẅɛ́lɛ́, mbíꞋŋɡɔ ɛ́ tɔꞋ pʉɔ tɔꞋnɛ nɛzɑ́p tʉ́m nǔu Sɛ́, sẅiŋɛ yi ɛ́ ɡɛnɛ pɛ́ zɔŋ nu tɛ ŋ́kwɑŋɛ pɔ ŋɡɔ pɛ́ lɔk ńjí nu.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

1 Pyɛ̂ 1:19

A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

2 Pyɛ̂ 2:21

Mbii kɑ pɔ́ pɑ́Ꞌ ɛ́ lɑɑ ḿbɔ́ pɔ́p pɔɔ jí sɛ̂ndúŋ ndʉ́ŋndʉŋ pɔ́, ńtsɑ pɑ́Ꞌ pɔ́p ɡʉ ńjí nɛpʉ́ʉ-Sɛ́ ni n zíꞋnɛ wɔ́p ḿbɛn ḿmɛꞋ.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.