1 Timɔtɛ́ɛ 5:8 - Kɑɑ Fí

⁸ Ɛ́ ɡʉ nǔu mbɔ́ŋkʉ̈ɔ́, mbɔ ŋu wɔp lɑɑ ḿmɛꞋ pʉɔ tsɛ́nndɑ́ yɔ́p, pɛ́ lɑ́Ꞌ pʉɔ pi pɔ́p pɛpɔ́p tsẅɛ́nɛ, mbɔ ɑ lɔk pɔ́Ꞌɔ, ńdʉꞋ nu-Yɛ́su yi pɛkŋɛ pɛ́mnɛ. Ŋɡɑŋ lɔk pɔ́Ꞌɔ, ḿbʉ́k ńdɛɛ ŋu ẅí ɑ kɑ́ zɑ́p tʉ́m yɛ́ nǔu Yɛ́su pɔ́.

1 Timɔtɛ́ɛ 5:8 Кръстосани препратки

Mɑtʉ̈ɔ 18:17

Lɑ́ ɑ kɛ́ ńdʉꞋ nɛzúꞋ nu yi pɔ́p cúnɛ, ɔ lɔk yɔ nu ŋ́ɡʉ cúꞋlɛ-pʉɔ-Sɛ́. A pɛn ńdʉꞋ nɛzúꞋ nu yí cúꞋlɛ cúnɛ, ɔ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ kɑ́ Jí Sɛ́ pɔ́, kɛ pɔ pɑ́Ꞌ pɛ́ líŋɛ́nɛ ńcẅɛ́ɛntsup-Pɑlɔ́mɑ ɔɔ.

Mɑtʉ̈ɔ 7:11

Pʉʉ ẅí pʉʉ fʉꞋnɛ́nɛ nu tɛꞋ jí nɛɡɑ́ yúu sʉ́Ꞌnɛ mbɔ̌ mbɔ́ŋkʉ̈ɔ́ pʉ́ʉ, tɛ ŋkɑ́ yɛsʉ́Ꞌʉ́ nǔu Tɑ̌ɑ wʉʉ ẅí ɑ tʉ́nɛ́pú? A ɡʉ ŋ́ɡɑ́ yúu sʉ́Ꞌnɛ mbɔ̌ pʉɔ pi pɔ́p lɔ́ɔnɛ mbɔ̌ wɛ́.

Jɑ̂ŋ 15:22

«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»

1 Kɔlɛ̂ŋtɛ 6:6

Lɑ́ ɛ́ tsɛtsɛt pʉʉ, ŋu-Kɛlístɔ lɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, tɛ ɛ́ zɛɛ ḿbɔ́ pɔ mbi pʉɔ pi pɔ́p kɑ́ zɑ́p tʉ́m nǔu Kɛlístɔ pɔ́.

2 Kɔlɛ̂ŋtɛ 12:14

Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.

2 Kɔlɛ̂ŋtɛ 6:15

Tɛ ɛ́ lɑɑ ḿbɔ́ Kɛlístɔ pɔ́p Bɛliɑl pɔ́ tɑ́Ꞌ ntsu? Tɛ ɑ lɑɑ ḿbɔ́ ŋu ẅí ɑ zɑ́pnɛ tʉ́m nǔu Kɛlístɔ pɔ́p ŋu ẅí ɑ kɑ́ zɑ́p tʉ́m nǔu wɛ́ pɔ́ ŋ́ɡẅɛɛ tɑ́Ꞌ kwɑŋɛ?

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

2 Timɔtɛ́ɛ 3:5

ḿbɔ́ pʉɔ-Sɛ́ pɔ nzɛmpíi, ńdʉꞋ mɛtʉʉ-Sɛ́. Timɔtɛ̂ɛ lʉ́ɔꞋ ntɛ́ pʉɔ ɛ̂pɑ́!

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 3:8

Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pʉʉ kɑ́ ɡẅɛɛ mbɔŋ mɛtʉʉ pɔ́ lɑ́ mbɔ pʉʉ kɑ kɛ́ ŋ́ɡẅɛɛ sẅiŋɛ yɑ́ɑ tɛ ḿbɔɔ wɑ́ɑ muŋɛ. Ɛ́ pʉɔlɑ́, mbɔ n tsɔ́Ꞌ ntsundɑ́ ŋ́ɡɑ́ mbɔ̌ pʉʉ. Wɛcɔ́ ŋu ẅí ɑ pɛn ŋ́kuꞋ nɛjɔ́Ꞌ pɔɔ ɡú pɔ́.