1 Timɔtɛ́ɛ 5:3 - Kɑɑ Fí

³ Lɔk mɛkuꞋ ńcẅɛ́lɛ pɛpfúk pi ŋu kɑ́ pɔ́ nzʉʉ pɔ́p pɔ́.

1 Timɔtɛ́ɛ 5:3 Кръстосани препратки

Mɑtʉ̈ɔ 15:6

Ŋu piitɛ tɛ ńcú pɔ́Ꞌɔ, mbɔ ɑ kɛ́ pɛn ńdɔk yúu pɛ́ ŋ́ɡúꞋlɛ tɑ́t wɛ pɔ́ ɔɔ? Pɔ́Ꞌɔ, pʉʉ lɔk mɑt-lɑ́Ꞌ wʉʉ ŋ́ɡwɑ́k sẅíŋɛ-Sɛ́.»

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Lúkɑ́shi 2:37

A kɑ tsʉ́Ꞌ mpfúk pɔ́Ꞌɔ, ŋ́kɛ́ ḿbɔɔ ńtẅí ndɑ́-nɛnɔŋpɔꞋ pɔ́, ńdɛn tɛ ńtsʉ́Ꞌ ŋ́kɔŋ kɔŋnɛ ńnɑ́ŋ ńji ŋki, ŋ́ɡúꞋlɛ Sɛ́, ńtswɛ́ ŋ́ɡúꞋlɛ wɛ́ nɛnɛm mbɑ nɛtúꞋ,tɛ ńdɑ́Ꞌ ŋ́ɡẅɛɛ ŋɡuꞋ ntsɔ̌pɛ́nɛ́kwɑ mɛɡɛ́mɛ́nɛ́fɔ́m.

Lúkɑ́shi 7:12

Pɔ́p ɡʉ tɛ ńtsʉ́Ꞌ nɛkúu tʉ́sɔŋ, ńjʉ́ɔ, mbɔ pɛ́ tíi pfú-wɛcɔ́ mɔ́ɔ mbɛ́ɛnɛ, ńdɔk ŋ́ɡʉ nɛtẅíi. Mbɔ ɑ ḿbɔ́ ndɑꞋ mɔ́ɔ mbɔ̌ mɑ́ wɛ, ɑ pɔ́ mpfúk. Lɑ́Ꞌ pɔ́ nzʉʉ yɛ́ tɛ ńzɑ́ɑ.

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 6:1

Ɛ́ kɑ pɔ́ nǔu yîyɑ́ ŋkɑ́, nɔɔ-pɑpɛ́m Kɛlístɔ pɔ́ ŋ́kẅiꞋ tɛꞋ. Yɛcɔ́ ɡúŋ pɔ́ pɑyúdɑ pi pɔ́p sẅiŋɛnɛ Ŋɡɛlɛ́k, yɛcɔ́ pɔ́ yi pɑsẅíŋɛ sẅiŋɛ-Hɛbɛlʉʉ. Pɑsẅíŋɛ Ŋɡɛlɛ́k zɛ nɛcútɛ nǔu pɑsẅíŋɛ sẅiŋɛ-Hɛbɛlʉʉ ŋɡɔ: «Pɔ́p lɔ ŋ́ɡɑp yúujʉ́ lɛ́Ꞌ tsʉʉ, ḿbɔɔ ŋ́ɡɑ́ yɛ́ pɛpfúk pɔ́p pɔ́.»

ŊwɑꞋnɛ-Gɑŋntúu Yɛ́su Kɛlístɔ 9:39

Pyɛ̂ ɡɔ́ɔ ńzúꞋ, pɔ́p pɛ́pɔ́p cʉ́ɔ sɛ̂ndúŋ kɛ́ lɑ́ɑtɛ, ŋ́ɡʉ tɛ ŋ́kúu zúꞋu, pɛ́ lɔk wɛ́ ŋ́ɡʉ tsɛt lûmndɑ́ ẅi ɛ́ ndǔ ndɛ̂k wɛ tʉ́. A kúu tsɛtú, pɛpfúk pɑŋɡɛ́ tsʉʉ tɔ́ ńcúꞋlɛ nɛjɔ́ŋ wɛ́, ḿbɔ́ ńdɑɑ, ḿbɔ́ ḿmɑꞋ mɛjʉ́ŋ ńnyɛt wɛ́ nɛ́ mɛkɛm-ndẅí nɛ́ mɛcɔ́ mɛndẅí mi Tɑpítɑ kɑ pɛ́tnɛ ntʉʉ, ńtɛ́m ŋ́ɡɑ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 9:41

Pyɛ̂ ɡẅɛɛ pɔ́ yɛ́, ŋ́ɡɛ ɑ lɔ sɛ́. A ɛ́fúŋ pɑpɛ́m Yɛ́su pɔ́p pɛpfúk, ńnyɛt Tɑpítɑ mbɔ̌ pɔ́p, ɑ pɔ́ sʉ́Ꞌnɛ.

1 Tɛsɑlɔník 2:6

Pɛk ŋ́kɑɑ píkŋɛ ŋɡɔ pɛ́ ɡɑ́ mɛkuꞋ mɛ́k pɔ́, kɛ pɔ pʉʉ nɛɡɑ́ pɔ́, kɛ pɔ pɛcɔ́ pʉɔ pɔ́.

1 Timɔtɛ́ɛ 5:2

ńdíŋɛ pɛlɛn pɑŋɡɛ́ pɑ́Ꞌ pɛmɑ́ pú, ńdíŋɛ ŋɡwɑŋɡɔɔ pɑ́Ꞌ pɔ́ɔpɛ́mɑ́ pú pɛ́ pɑŋɡɛ́, kɛ́ ɡẅɛɛ yɛcɔ́ kwɑŋɛ ndɛꞋ tʉ́m ɡu.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.

1 Pyɛ̂ 2:17

Pʉʉ ɡɑ́ mɛkuꞋ pʉɔtsʉʉ, ŋ́kɔŋ pɔ́ɔpɛ́mɑ́ pʉʉ pʉɔ-Kɛlístɔ, ḿbɔ́k Sɛ́, ŋ́ɡɑ́ mɛkuꞋ-fɔɔ.

1 Pyɛ̂ 3:7

Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.