1 Timɔtɛ́ɛ 5:23 - Kɑɑ Fí

²³ Kɔɔ pɛn ńnɔ́ pɔ ndɑꞋ ŋki. Nɔ́ mɔ́zʉꞋ mɛluꞋ, mbíꞋ nɛpɛm nú ni ɛ́ júknɛ ŋ́ɡɑ́ɑnɛ wú lɑ́.

1 Timɔtɛ́ɛ 5:23 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 18:5

Sílɑs pɔ́p Timɔtɛ̂ɛ ɡɛ ḿbɔ́ tɛ ɛ́fú pɑk-ŋɡɔŋ-Mɑsɛ́ndwɑn ńtɔ́, Pɔ̂l tsʉ́Ꞌ ńníꞋ tú yɛ́ pɔ ndɑꞋ nɛsẅíi nu-Sɛ́, ḿbɔ́ ńniitɛ ŋ́kyɛ́Ꞌtɛ, ɛ́sẅíi pɑyúdɑ ŋɡɔ Yɛ́su pɔ́nɛ Nzɑ́Ꞌŋkʉ ẅi pɔ́p tswɛ́nɛ ḿbyɛ́p.

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

1 Timɔtɛ́ɛ 3:3

Ɛ́ kɑ́ píkŋɛ ŋɡɔ ɑ pɔ́ ŋu ẅí ɑ mɑꞋnɛ mbʉʉ yɛ nǔu mɛluꞋ pɔ́, ŋɡɔ ɑ sɑ́Ꞌ mbʉꞋ pɔ́. Ɛ́ píkŋɛ ŋɡɔ ɑ pɔ́ ŋu ẅí ɑ pɔ́tnɛnɛ, ŋu ẅí ɑ kɑ́ lɔɔ fɛꞋ pɔ́. Kɔɔ ɑ pɔ́ ŋu ẅí ɑ zɑ́pnɛ tʉ́m yɛ́ nǔu ŋkɑ́p.

1 Timɔtɛ́ɛ 3:8

Ɛ́ pɛn ḿbíkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ pɔ́ yɔ́p pʉɔ pi pɔ́p ɡẅɛɛnɛ mɛkuꞋ, ḿbɔ́ pɑsẅíi nu nɛ́nẅín, ḿbɔ́ pʉɔ pi pɔ́p kɛ́ mɑꞋ mbʉʉ yɔp nǔu mɛluꞋ pɔ́, ŋ́kɛ́ ḿbɔɔ pʉɔ pi pɔ́p kɔŋnɛ ŋkɑ́p ɡɑ́tɛ́ ɡɑ́tɛ́nɛ pɔ́.

1 Timɔtɛ́ɛ 4:4

Ɛ́ zɛɛ ŋ́ɡɔ ḿbɔ́, mbɑ kʉ̈ɔ́ lɑ́ yi Sɛ́ kɑ niitɛ́nɛ pɔ́ pɔ sʉ́Ꞌnɛ. Yɛcɔ́ yi ḿbɔ́ pɛ́ ḿmɛꞋ nǔu ɛ́ kɑ́ pɔ́ ɡú pɔ́. Lɑ́ ɛ́ kɛ́ ḿbíkŋɛ ŋɡɔ pɛ́ ɡɔ́ ḿbɔ́ ńjʉ́ mîmɑ́ mɛyúu, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

Tîtɛ 2:3

Ɛ́ ndʉ́ŋndʉŋ pɑ́Ꞌ ɔ ɡʉ ńzíꞋ mbɔ̌ pɛlʉ́m pɑŋɡɛ́ ŋɡɔ pɔ́p ɡẅɛɛ mɑt ẅi ɛ́ pɔŋnɛ Sɛ́, ŋɡɔ kɔɔ pɔ́p sẅíitɛ nǔu mɛlík-pʉɔ, ŋɡɔ kɔɔ pɔ́p mɑꞋ mbʉʉ yɔp nǔu mɛluꞋ. Ɛ́ píkŋɛ ŋɡɔ pɔ́p zíꞋ pʉɔ nɛ́ mɑt sʉ́Ꞌnɛ,