1 Timɔtɛ́ɛ 5:22 - Kɑɑ Fí

²² Kɔɔ ɡwɛtnɛ nɛzɑ́p mbɔ́ tú-ŋu, níꞋ fɑꞋ-cúꞋlɛ-pʉɔ-Kɛlístɔ mbɔ̌ wɛ́. Zɛɛ ḿbiitɛ ńtsɑꞋ wɛ́ sʉ́Ꞌnɛ, ḿbɔ́k ŋɡɑŋ nɛɡɛ nu kɛpɔŋ, ɛ́ tsʉ́Ꞌ yú. Pɑ́ɑ mbɑ kʉ̈ɔ́ lɑ́ yi mbɔ ɛ́ pʉ́ʉpɛ wú.

1 Timɔtɛ́ɛ 5:22 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 13:3

Pɔ́p zúꞋ pɔ́Ꞌɔ ŋ́kɔŋ ńnɑ́ŋ njí, ńcɛꞋlɛ Sɛ́ tɛ ḿbɔ́tnɛ ńnɑ́ŋ, ńzɑ́p mbɔ́ tú pɔ́p, ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 20:26

Ɛ́ pɔ́Ꞌɔ, lɑ́ mɔ sɛ́ ńniitɛ ɛ́sẅíi wʉ́ʉ ŋɡɔ ŋ kɑ ɡɛ mbɑ kʉ̈ɔ́ lɑ́ yi ŋ kɑ kuꞋnɛ nɛɡɛ ńdɔk ńcẅɛ́lɛ́ wʉ́ʉ. Ŋu wʉʉ lɑɑ ḿbɛ́, mbɔ yɑ́ɑ pɔ́ kɑ́ pɔ́ nǔu pɔ́.

ŊwɑꞋnɛ-Gɑŋntúu Yɛ́su Kɛlístɔ 6:6

Pɔ́p kɑ tsɔ́Ꞌ pʉɔ pɔnɛ, ńdɔk wɔ́p ńtɔ́ ńnyɛt mbɔ̌ ɡɑŋntúu. Gɑŋntúu cɛꞋlɛ Sɛ́, ńzɑ́p mbɔ́ tú pɔ́p.

Ɛ́fɛ̂zɛ 5:11

Kɔɔ pʉʉ kúu tsɛtsɛt pʉɔ pi pɔ́p fɑꞋ pɔ mɛfɑꞋ mi ɛ́ kɑ́ pɔ́ ńcẅɛ́lɛ́ pɔ́, mɛfɑꞋ-nzɛnzʉ́ʉ. Pʉʉ sɑ́ɑnɛ sɑ́ɑnɛ́nɛ ŋ́kyɛ́Ꞌ ntsɛm yɔp kíɛꞋnɛ.

1 Timɔtɛ́ɛ 3:10

Ɛ́ píkŋɛ ŋɡɔ pɛ́ zɛɛ ḿbiitɛ ńtsɑꞋ wɔ́p sʉ́Ꞌnɛ, ḿbɔ́ yi pɛ́ lɑɑ ḿbɔɔ lɔ́Ꞌ yɔ́p jʉ́ɔ, pɛ́ lɔk wɔ́p ŋ́ɡɛ pɑfɑꞋ tsɛt cúꞋlɛ-pʉɔ-Kɛlístɔ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 3:6

Ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ pɔ́ ŋu ẅí ɑ kɑ pɛ́t lɑ ḿbɔ́ ŋu-Kɛlístɔ pɔ́, mbɔ ḿbɔ́ ɑ tɔ́ nɛŋɑ́Ꞌlɛ mbʉʉ, ɛ́fɑɑnɛ nu, ḿvu ntsɑŋ pɑ́Ꞌ Sɑ́ttɑ.

1 Timɔtɛ́ɛ 4:12

Pɛ́ ŋ́ɡʉ ŋ́ɡwɑ́k wú mbíꞋŋɡɔ ɔ mɔ́ɔ pɔ́. Sɑ́Ꞌ tʉʉ tɛ pʉɔ-Kɛlístɔ pɛ́ɛ fʉꞋ nǔu ɡu. Ɛ́ lɛɛ nǔu sẅiŋɛ yú, nǔu nɛnnɛ mú, nǔu yú ntɛ́ nɛkɔŋ ŋumɛsɔŋ, nǔu yú ntɛ́ nɛzɑ́p tʉ́m nǔu Sɛ́, nǔu wu nɛpɑ́ɑ kwɑŋɛ yi ḿbɔ́ ɛ́ pʉ́ʉpɛ wú.

1 Timɔtɛ́ɛ 4:14

Kɔɔ lɔk yúu mi Sɛ́ kɑ lɔknɛ ŋ́ɡɑ́ fuꞋ yú, ḿmɑꞋ kwɑŋɛ. Nɑ́ŋ ḿbɔ́ ŋ́kẅíitɛ pɑ́Ꞌ pɛ́ kɑ ɡɑ́nɛ yɔ fuꞋ mbɔ̌ ɡu ńdɛɛtɛ nǔu sẅiŋɛ-Sɛ́ yi ɛ́ fúnɛ mbɔ̌ pɛŋɡɛ́mndʉ̈ɔ́Ꞌ, mbɑ pɑ́Ꞌ pɑcẅɛ́ɛmbi tsɛt cúꞋlɛ-pʉɔ-Kɛlístɔ kɑ zɑ́pnɛ mbɔ́ mɔ́p tú ɡu.

2 Timɔtɛ́ɛ 1:6

Ɛ́ yúu mi ɛ́ ɡɛnɛ m bɔ́ ŋ́kẅíitɛ wú ŋɡɔ, yúu mi ŋ kɑ zɑ́pnɛ mbɔ́ mɑ́ɑ tú ɡu, Sɛ́ ɡɑ́ fuꞋ fɛ̌ɛ yú, ɔ kuꞋ nɛɡɛ, kɔɔ nɑ́ ɛ́ lɛ́.

2 Timɔtɛ́ɛ 2:2

Nu yi ɔ kɑ pɔ́ ńzúꞋ n zíꞋ mbi pʉɔ tɛ ńzɑ́ɑ, kɛ́ ńzíꞋ pɔ yɛ́tɛ́ mbɔ̌ pʉɔ pi mbɔ ɔ tɛ́m ŋkwɛn ŋ́ɡɑ́ mbɔ̌ pɔ́p, lɑ pɔ́p kuꞋ yɔ́p nɛzíꞋ pɛcɔ́ pʉɔ.

Ɛ́bɛlʉʉ 6:2

pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

2 Jɑ̂ŋ 1:11

Ŋu lɑɑ ḿbúꞋ mbɔ́ mbɔ̌ wɛ́, mbɔ pɔ́p ŋɡɑŋ lɔk ḿbɔ́ tɑ́Ꞌ ntsu nǔu mɛfɑꞋ kɛpɔŋ mi ɑ sɛ́ ɛ́fɑꞋ.

Mɛnu ɛ́ ńdɑ́Ꞌ ńcẅɛt 18:4

N zúꞋ yɛcɔ́ ŋɡi fú tʉ́nɛ́pú ḿbɔ́ ńcú ŋɡɔ: «Pʉɔ pɑ́ɑ, pʉʉ fú tsɛt wɔ tʉ́sɔŋ ńcẅɛt, ḿbɔ́k wʉ́ʉ nɛɡɛ mɛnu kɛpɔŋ pɑ́Ꞌ jʉ́, ńjí ŋɡɔ ŋɡʉ̈ɔ́Ꞌ ntɛ́ nɛ́ ntɛ́ yi ɛ́ ɡʉ ŋ́kúu nǔu wɛ́ ɛ́ kɛ́ kúu wʉ́ʉ pɔ́.»