1 Timɔtɛ́ɛ 5:14 - Kɑɑ Fí

¹⁴ Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

1 Timɔtɛ́ɛ 5:14 Кръстосани препратки

Pʉɔ-Lɔ́mɑ 14:13

Pɔ́Ꞌɔ, kɔɔ pɛkŋɛ pɛn ŋ́ŋɑk mɛmbʉʉ mɛkŋɛ. Yúu mi pʉʉ ɡẅɛɛnɛ nɛɡɛ ɛ́ pɔ pɑ́Ꞌ pʉʉ ɡʉ ḿbɑ́ɑ nɛɡɛ yɛcɔ́ yúu mi mɔ́ɔmɑ́ wʉ́ʉ ɡʉ ŋ́kɔɔtɛ nǔu ɛ́ tsʉ́ʉnɛ wɛ́ ɑ ɡɛ nu kɛpɔŋ.

2 Kɔlɛ̂ŋtɛ 11:12

Ɛ́ yúu mi mɔ sɛ́ ŋ́ɡɛ, ŋ ɡʉ ḿbɛn ŋ́kẅiꞋ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi, ńjí ŋɡɔ ŋ ɡʉ ńdɔk ńzɑ́Ꞌ mɛku-pʉɔ pi pɔ́p sɛ́ ńdɔɔ mbɛ̌tntɑ́ŋ nɛlɔk ŋ́kɑꞋmɛ ńcú ŋɡɔ pɛkŋɛ pɛ́pɔ́p fɑꞋ pɔ tɑ́Ꞌ ntɛ́.

1 Timɔtɛ́ɛ 2:8

Ɛ́ ɡʉ nǔu nu nɛcɛꞋlɛ Sɛ́ mɔ sɛ́ ŋ́kɔŋ ŋɡɔ mbɑ ɡɔ́ lɑ́ yi pʉɔ-Kɛlístɔ cúꞋlɛ́nɛ zúꞋu, mbɛ́ɛnɛ cɛꞋlɛ Sɛ́, ŋ́ɡɔ ńcɛꞋlɛ, ḿbɔ́ pʉɔ pi pɔ́p kɑ́ zɑ́p mbɔ́ nǔu yúu kɛpɔŋ lɑ ḿbɛn ŋ́kɑꞋ ŋ́ɡɑ́ tʉ́ ŋkɑ́ nɛcɛꞋlɛ Sɛ́ pɔ́. Pɔ́p pɛn ḿbɔ́ pʉɔ pi pɔ́p kɑ́ pɔ́ pɑzɑ́ŋlɔ́ŋ pɔ́, ŋ́kɛ́ mbɔɔ lɔɔ fɛꞋ pɔ́.

1 Timɔtɛ́ɛ 4:3

Pîpɑ́ pʉɔ sɛ́ ńzíꞋ pʉɔ ŋɡɔ kɔɔ pɔ́p zɔ́Ꞌ, ŋɡɔ kɔɔ pɔ́p kwɛ́t yɛcɔ́ yúupɛ́jʉ́, lɑ mbɔ Sɛ́ kɑ niitɛ́nɛ mîmɑ́ mɛyúu nɛpɔ́ yi pʉɔ pi pɔ́p zɑ́pnɛ tʉ́m nǔu wɛ́, ḿbɔ́ ńjí nu yi ɛ́ nɛ́nẅín, ɡʉ ḿbɛ́ɛ, ŋ́ɡɑ́ pɑ́Ꞌlɑ́ mbɔ̌ wɛ́ nǔu, ńjʉ́.

1 Timɔtɛ́ɛ 5:11

Kɔɔ kɛ́ ŋ́ŋwɑꞋnɛ mɛlík-pɛpfúk pi pɔ́p pɛ́t ḿbɔ́ pɔ mbɔ́ŋkʉ̈ɔ́ tsɛt ŋwɑꞋnɛ-pɛpfúk. Ɔ lɑɑ ŋ́ɡɛ pɔ́Ꞌɔ, mbɔ pɔ́p ɡʉ ńnɑ́ŋ tɛ nu-nɛzɔ́Ꞌ lɔ sɛ́ tú pɔ́p, pɔ́p ḿmɛ fɑꞋ yi pɔ́p kɑ́ pɔ́ ɛ́fɑꞋ nzʉʉ Kɛlístɔ, ŋ́ɡʉ ńzɔ́Ꞌ,

1 Timɔtɛ́ɛ 6:1

Ɛ́ ɡʉ nǔu pʉɔ pi pɔ́p ndɑ́-kwɑɑ, mbɔ ɛ́ sɛ́ ḿbíkŋɛ ŋɡɔ pɔ́p jí ŋɡɔ pɔ́p ɡẅɛɛ nɛɡɛ mɛkuꞋ pʉɔ pi pɔ́p ɡẅɛɛnɛ wɔ́p, ńjí ŋɡɔ pɛ́ kɛ́ ɡɛ ŋ́kẅíi lík-zẅikŋɛ kɛpɔŋ pɔ́, ŋ́kɛ́ mbɔɔ ɡwɑ́k nu yi pɛ́ zíꞋnɛ pʉɔ nǔu Yɛ́su Kɛlístɔ pɔ́.

Tîtɛ 2:5

ḿbɔ́ mɑŋɡɛ́ ẅí ɑ sɑ́ŋnɛ nu lɑ ŋ́ɡɛ, ḿbɔ́ mɑŋɡɛ́ ẅí ɑ jínɛ pɔ ndɑꞋ ndúu mɛ, ɛ́fɑꞋ mɛfɑꞋ-ndɑ́ mɛ́ sʉ́Ꞌnɛ, ɑ pɔ́ mɑŋɡɛ́ ẅi pɛ́ kɔŋ nu yɛ́, ɑ pɔ́ mɑŋɡɛ́ ẅi ɑ zúꞋnɛ ntsu-ndúu mɛ. Pɔ́p lɑɑ ŋ́ɡɛ pɔ́Ꞌɔ, ŋu pɔɔ sẅiŋɛ kɛpɔŋ nǔu nu-Sɛ́ pɔ́.

Tîtɛ 2:8

Cú nu ɛ́ tʉ́ʉ ndʉ́ŋndʉŋ, yi ɛ́ lɑɑ ḿbɔ́ pɛ́ pɔɔ zɔŋ, ńjí ŋɡɔ pʉɔ pi pɔ́p lʉꞋnɛ nu-Sɛ́, ɡʉ ńjɑ́k nu kɛpɔŋ yi pɔ́p ɡʉ ńcú nǔu pɛkŋɛ, sʉ́ʉ kɔ́ wɔ́p.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.