1 Timɔtɛ́ɛ 4:8 - Kɑɑ Fí

⁸ Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

1 Timɔtɛ́ɛ 4:8 Кръстосани препратки

Mɑtʉ̈ɔ 12:32

Ŋu lɑɑ ɛ́sẅíŋɛ kɛpɔŋ nǔu Mɔ́ɔ-Ŋu, mbɔ Sɛ́ ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́. Lɑ́ ŋu kɛ́ ɛ́sẅíŋɛ kɛpɔŋ nǔu Zẅikŋɛ Lɛ́ɛnɛ́nɛ, mbɔ pɛ́ kɛ́ likŋɛ ŋ́ɡɑ́ mbɔ̌ wɛ́ ŋkɔ̂ɔnɛ mbɑ nǔu yɛcɔ́ kɛm-ŋkɑ́ pɔ́.»

Mɑtʉ̈ɔ 19:29

Mbɑ wɔ̌ lɑ́ ẅi ɑ kɑ nɑ́nɛ mɛndɑ́, ńnɑ́ pɔ́ɔpɛ́mɑ́ pɛ́ pɛ́ mbɛ́ɛnɛ mbɑ pɛ́ pɑŋɡɛ́, kɛ pɔ tɑ́t wɛ, kɛ pɔ mɑ́ wɛ, kɛ pɔ mbɔ́ŋkʉ̈ɔ́ pɛ́, kɛ pɔ mɛŋkɑ́Ꞌ mɛ́ ɔɔ, ntɛ́ lík yɑ́ɑ, ɑ ɡʉ ńdɑ́Ꞌ ḿbɛn ŋ́ɡẅɛɛ yîyɑ́ yúu ŋkɑ́ ŋkʉ, ḿbɛn ŋ́ɡẅɛɛ luk kɛ́ mɛ.

Mɑtʉ̈ɔ 6:33

Pʉʉ luŋmbi ńzúꞋ pɔ nu-nɛfɔɔ-Sɛ́, pɔ́p yúu mi Sɛ́ sɛ́ ŋ́kɔŋ, ɑ tsʉ́Ꞌ ŋ́ɡɑ́ mîmɑ́ mɛyúu ńdɔk ŋ́kẅiꞋ kẅiꞋnɛ.

Mɑ́lɛ́kúshi 10:30

tɛ ḿbɛ́t kɛ́ zɛ pɔ ŋkɔ̂ɔnɛ nɛɡẅɛɛ yɛcɔ́ ŋkɑ́ ŋkʉ pɔ́, pɛ́ ɡʉ ŋ́kʉ́ʉnɛ wɛ́, lɑ́, Sɛ́ kɛ́ ŋ́ɡɛ ɑ fú pɔ ŋkɔ̂ɔnɛ ŋ́ɡẅɛɛ mɛndɑ́, ŋ́ɡẅɛɛ pɔ́ɔpɛ́mɑ́, ŋ́ɡẅɛɛ pɛmɑ́ pɛ́, ŋ́ɡẅɛɛ mbɔ́ŋkʉ̈ɔ́ pɛ́, ŋ́ɡẅɛɛ mɛŋkɑ́Ꞌ mɛ́, ḿbɛn ńdɑ́Ꞌ ḿbɔ́ tsɛt ŋɡɔŋ fí, ŋ́ɡẅɛɛ luk kɛ́mɛ.

Lúkɑ́shi 5:38

Ɛ́ sɛ́ ḿbíkŋɛ ŋɡɔ pɛ́ níꞋ mɛluꞋ fí pɔ tsɛt kɑ́Ꞌlɛ fí.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

1 Kɔlɛ̂ŋtɛ 3:22

A lɑɑ ḿbɔ́ pɔ Pɔ̂l, ḿbɔ́ pɔ Apɔlɔ́s, ḿbɔ́ pɔ Kɛfɑs, ḿbɔ́ pɔ ndǔmbí, ḿbɔ́ pɔ luk kɛ pɔ nɛvú ɔɔ, ḿbɔ́ pɔ yɔ kɛm-njí kɛ yi ɛ́ pɛ́t lɑ ńtɔ́ ɔɔ, mbɔ kʉ̈ɔ́ lɑ́ pɔ́ pɔ mbɔ̌ pʉʉ.

1 Kɔlɛ̂ŋtɛ 8:8

Jínɛ ŋɡɔ yúupɛ́jʉ́ kɑ́ pɔ́nɛ ŋ́ɡɛ lɑ́ Sɛ́ kẅiꞋ ŋ́kɔŋ wɛkŋɛ pɔ́. Pɛkŋɛ lɑɑ mbɔɔ ŋ́kwɛ́t, mbɔ pɛkŋɛ kɑ́ pɛ́ yɛcɔ́ yúu pɔ́, ŋ́kwɛ́t, mbɔ yɛcɔ́ yúu kɑ́ kẅiꞋ nǔu pɛkŋɛ pɔ́.

1 Timɔtɛ́ɛ 4:7

Kɛ́ ḿbɑ́ɑ mɛnu mɑ́pítsɔꞋ mi ɛ́ kɛ́ cẅɛ́lɛ́ pɔ́, tɛ ńtsʉ́Ꞌ pɔ́Ꞌɔ, ɛ́ tɔꞋ pɔ pʉɔ nɛzɑ́p tʉ́m nǔu Yɛ́su. Kɛ́ ḿbɔ́ ńzíꞋ pɔ nɛɡɛ yúu mi ɛ́ ḿbɔŋ Sɛ́.

1 Timɔtɛ́ɛ 6:3

Ŋu lɑɑ ńzíꞋ pʉɔ nɛ́ nu ndɛꞋ ńdɔk ḿmɛꞋ sẅiŋɛ nɛ́nẅín yi ɛ́ fúnɛ mbɔ̌ Tsɑpʉɔ wɛkŋɛ Yɛ́su Kɛlístɔ, mbɑ yúu mi pɛkŋɛ zíꞋnɛ pʉɔ pɔ́p fú nǔu ńzɑ́p tʉ́m nǔu wɛ́,

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

1 Timɔtɛ́ɛ 6:6

Ɛ́ kɛ́ ńzɛɛ ḿbɔ́ nɛ́nẅín ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɑ pɔ́ttú pɑ́Ꞌ nu lɑɑ ḿbɔŋ wɛ́ nǔu yúu mi Sɛ́ ɡɑ́nɛ mbɔ̌ wɛ́.

2 Timɔtɛ́ɛ 3:5

ḿbɔ́ pʉɔ-Sɛ́ pɔ nzɛmpíi, ńdʉꞋ mɛtʉʉ-Sɛ́. Timɔtɛ̂ɛ lʉ́ɔꞋ ntɛ́ pʉɔ ɛ̂pɑ́!

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

1 Jɑ̂ŋ 2:25

Kɛlístɔ kɑ kɑꞋ mbɔ̌ pɛkŋɛ ŋɡɔ, pɛkŋɛ pɛ Sɛ́ ɡʉ ńdɑ́Ꞌ ḿbɔ́ pɔ ŋkɑ́ tsʉʉ.

Mɛnu ɛ́ ńdɑ́Ꞌ ńcẅɛt 3:12

Ŋu ẅí ɑ ɡʉ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ŋ ɡʉ ŋ́ɡɛ ńdɔk ŋɡɑŋ tík ntɔ́ɔ nǔu zʉꞋ-nɔŋpɔꞋ-Sɛ́ wɑɑ, ŋɡɑŋ pɔɔ lɑ́Ꞌ ɛ́fú zúꞋu, ŋ́ɡʉ nǔu yɛcɔ́ zʉꞋ pɔ́. Ŋ ɡʉ ŋ́ɡɛ ŋ́ŋwɑꞋnɛ lík-Sɛ́ wɑɑ nǔu ŋɡɑŋ, ḿbɛn ŋ́ŋwɑꞋnɛ lík-tʉ́sɔŋ-Sɛ́ wɑɑ nǔu ŋɡɑŋ. Yîyɑ́ tʉ́sɔŋ pɔ́ Yɛlúsɑlɛm yɛ fí yi ɛ́ fúnɛ tʉ́nɛ́pú, nɛjɔ́ŋ Sɛ́ wɑɑ, ńcúŋ. Ŋ ɡʉ ḿbɛn ŋ́ŋwɑꞋnɛ mbɑ lík yɑ́ɑ yi fí nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.