1 Timɔtɛ́ɛ 4:2 - Kɑɑ Fí

² Ɛ́ lɔk ḿbɔ́ ŋɡɔ mîmɑ́ mɛnu ɡʉ ńdɑ́Ꞌ cẅɛt ntsu-pʉɔ pi pɔ́p cɔtnɛ nu, ḿbɔ́ pɛŋkɔŋmík, mbɔ pɔ́p kɑ sʉk mɔ́ tɛ mbʉʉ yɔp pɔ ńtswɑ́ɑ wɔ́p pɔ́p pɔɔ ŋkii ńzúꞋ pɔ́.

1 Timɔtɛ́ɛ 4:2 Кръстосани препратки

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

ŊwɑꞋnɛ-Gɑŋntúu Yɛ́su Kɛlístɔ 20:30

Pʉɔ ńcẅɛt mbɑ tsɛtsɛt pʉʉ ńtʉ́ʉ, ńzɛ nɛzíꞋ cɔtnu ńdɔk shuŋ pʉɔ-Kɛlístɔ pɔ́p tsʉ́Ꞌ ńnɛn pɔ nzʉʉ pɔ́p.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́fɛ̂zɛ 4:19

Pɔ́p kɑ tsʉ́Ꞌmɔ́ pɑkɛ́ kɔ́sʉ́ʉ, ḿmɛꞋ mbʉʉ yɔp, ḿbɔ́ nǔu nu-mpfuꞋ, ḿbɔ́ ŋ́kẅiꞋ ŋ́ɡɛ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛ mbʉʉ yɔp.

2 Timɔtɛ́ɛ 3:5

ḿbɔ́ pʉɔ-Sɛ́ pɔ nzɛmpíi, ńdʉꞋ mɛtʉʉ-Sɛ́. Timɔtɛ̂ɛ lʉ́ɔꞋ ntɛ́ pʉɔ ɛ̂pɑ́!

Mɛnu ɛ́ ńdɑ́Ꞌ ńcẅɛt 16:14

ɛ́ pɔ́ pɔ́Ꞌɔ, ḿbɔ́ mɛzẅikŋɛ kɛpɔŋ mí ɛ́ ŋ́ɡɛ mɛnu mɑɑ mɑɑnɛ. Pɔ́p ɡɛ ŋ́ɡʉ ńjʉ́ɔ pɛfɔɔ pi ɛ́ ndǔ tsɛ́tsɑ́Ꞌ tsʉʉ, nɛpɔ́ yi pɔ́p ɡʉ ńcúꞋlɛ wɔ́p ńdɔk ńzẅíꞋlɛ ntsɔ ẅí ɛ́ ɡʉ ńdɑ́Ꞌ ḿbɔ́ nǔu mɑ́mɑ́ lɛ́Ꞌlɑ́Ꞌ yi, Sɛ́ ŋɡɑŋmɛtʉʉ tsʉʉ ɡʉ ńdɑ́Ꞌ ŋ́ŋɑk pʉɔ pʉɔmɛsɔŋ.