1 Timɔtɛ́ɛ 4:1 - Kɑɑ Fí

¹ Zẅikŋɛ Lɛ́ɛnɛ́nɛ sɛ́ ńniitɛ ńcú ŋɡɔ: Pɛcɔ́ pʉɔ ɡʉ ńdɑ́Ꞌ ḿbɔ́ nǔu mɛndẅiknzʉʉ mɛlɛ́Ꞌlɑ́Ꞌ mbɔɔ pɛn ńzɑ́p tʉ́m nǔu Sɛ́ ẅi pɛkŋɛ sɛ́ ńzɑ́p tʉ́m nǔu wɛ́ lɑɑ pɔ́, jínu yɔ́p tsʉ́Ꞌ ńtʉ́ʉ pɔ nǔu mɛzẅikŋɛ kɛpɔŋ mi ɛ́ fúklɛ́nɛ pʉɔ, ḿbɛn ńtʉ́ʉ pɔ nǔu mɛnu mi mɛzẅikŋɛ kɛpɔŋ zíꞋnɛ pʉɔ.

1 Timɔtɛ́ɛ 4:1 Кръстосани препратки

Mɑtʉ̈ɔ 18:7

Ndɔɔ tú-pʉɔ pínɛ pɔ́p ndǔ yɔ mbí, ŋ́ɡɛ pʉɔ fɑɑnɛ mɛnu! Ɛ́ nɛ́nẅín mɛnu ɛ̂mɑ́ ńdɑ́Ꞌ ńjɑ́k pɔ́. Lɑ́ pʉ́ktú kɛ́ ḿbɔ́ ŋu ẅí ɑ ɡʉ ŋ́ɡɛ ŋɡɔ ŋu fɑɑnɛ sɛ̂ndúŋ!

Lúkɑ́shi 17:1

Yɛ́su pɛn ńcú mbɔ̌ ɡɑŋku pɛ́ ŋɡɔ: «Yúu mi ḿbɔ́ pɛ́ fú nǔu ɛ́fɑɑnɛ nu, ɛ́ lɑɑ ḿbɔ́ ɛ́ pɔɔ zɑ́k. Lɑ́, pɛ́ktú ŋu ẅí ɑ ɡɛ ŋ́ɡɛ ŋu fɑɑnɛ nu.»

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 20:23

Lɑ́ mɔ ḿbɔ́ ŋ́kúu tsɛt yɛ́tɛ́ tʉ́sɔŋ lɑ́, Zẅikŋɛ Lɛ́ɛnɛ́nɛ sẅíi wɑ́ɑ ŋɡɔ ŋ ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ mbɑ tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 21:11

ńtɔ́ pɔ́Ꞌɔ, nɛjʉ́ɔ wɛ́k, ńtɔ́ ḿbɛ́ɛ ŋkʉ-ndẅí ẅi Pɔ̂l lɔknɛ ńtsɔ́ ndẅí yɛ, ńdɔk shɔtnɛ ŋ́kút mɛku mɛ́ pɔ́p mbɔ́ mɛ́ ńcú ŋɡɔ: «Nu yi Zẅikŋɛ-Sɛ́ cúnɛ pʉ̈ɔ́lɑɑ: “Pɛ́ ɡʉ ŋ́kúu Yɛlúsɑlɛm, pɑyúdɑ ɡẅɛɛ ŋɡɑŋ-ŋkʉ-ndẅí wɔ, ŋ́kút wɛ́ pɑ́Ꞌɑ, ŋ́ɡɑ́ wɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́.”»

ŊwɑꞋnɛ-Gɑŋntúu Yɛ́su Kɛlístɔ 28:25

Pɔ́p tsʉ́Ꞌ nɛɡʉ, mbɔɔ pɛn ɛ́sẅíŋɛ ńzúꞋnɛ pɔ́. Pɔ̂l tsʉ́Ꞌ ńcú mbɔ̌ pɔ́p pɔ ŋɡɔ: «Zẅikŋɛ-Sɛ́ kɑ pɔ́ ńcú sẅíinu. A kɑ lɔk ntsu-Ŋɡɛ́mdʉ̈ɔ́Ꞌ-Sɛ́ Ɛsɑ̌yɑ ńcú mbɔ̌ pɛtɑ́t pʉʉ ŋɡɔ:

1 Kɔlɛ̂ŋtɛ 10:20

Ŋɡɑ́ŋ! Ɛ́ ɡú pɔ́. Ŋ ɡʉ ńcú pɔ ŋɡɔ pʉɔ pi pɔ́p nɔŋnɛ pɔꞋ nɔŋ pɔ mbɔ̌ mɛzẅikŋɛ kɛpɔŋ. Pɔ́p kɑ́ pɔ́ ńnɔŋ pɔꞋ mbɔ̌ Sɛ́ pɔ́. Ŋ kɑ́ pɔ́ ŋ́kɔŋ ŋɡɔ pʉʉ pɛ́ mɛzẅikŋɛ kɛpɔŋ tɛmtɛ pɔ́.

1 Kɔlɛ̂ŋtɛ 11:19

Ɛ́ nɛ́nẅín ŋɡɔ pʉʉ pɔ́ tɛ fɑkŋɛ mɛnɔɔ mɛnɔɔ, pɛ́ fú nǔu ńjʉ́ɔ pʉɔ pi pɔ́p kɑ́ kɔŋ fɑkŋɛ pɔ́.

1 Kɔlɛ̂ŋtɛ 12:11

Tɑ́Ꞌ Zẅikŋɛ Lɛ́ɛnɛ́nɛ, pɔ yɛ́tɛ́ ɡɛnɛ mîmɑ́ mɛnu, ḿbɔ́ ŋ́ɡɑ́ fuꞋ níinɛ mbɑ wɛ́tɛ́ ŋu pɑ́Ꞌ Zẅikŋɛ kɔŋnɛ.

1 Kɔlɛ̂ŋtɛ 2:10

Sɛ́ kɑ pɛn ŋ́ɡɛ Zẅikŋɛ Lɛ́ɛnɛ́nɛ ɡɛ pɛkŋɛ jínɛ yîyɑ́ nu yi ɛ́ kɑ pɔ́ yɛ lʉɔmɛ́nɛ. Zẅikŋɛ Lɛ́ɛnɛ́nɛ zɛɛ ńtuŋtɛ́ nu tsʉʉ, tɛ mbɑ mɛnu mi Sɛ́ pɛ́tnɛ ŋ́ɡẅɛɛ pɔ tsɛt mvuꞋ-tʉ́m yɛ́.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

2 Timɔtɛ́ɛ 4:4

Pɔ́Ꞌɔ lɑ́, pɔ́p zʉʉnɛ mɛtúutɛ́ mɔ́p, ńtsʉ́Ꞌ ńzẅíꞋlɛ pɔ mɛnu-mɑ́pitsɔ́Ꞌ.»

Jɑ̂k 3:15

Yîyɑ́ ntɛ́ jínu kɑ́ pɔ́ ɛ́fú tʉ́nɛ́pú pɔ́. Ɛ́ pɔ́ pɔ yɛ́ ndǔ tsɛ́tsɑ́Ꞌ yɔ, ḿbɔ́ pɔ yɛ́ pʉɔmɛsɔŋ, ɛ́fú mbɔ̌ mɛzẅikŋɛ kɛpɔŋ.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

1 Jɑ̂ŋ 4:6

Ɛ́ ɡʉ nǔu pɛkŋɛ, mbɔ pɛkŋɛ nǔu ɡúŋ-Sɛ́. Ŋu ẅí ɑ sɛ́ ńjí Sɛ́ ɑ sɛ́ ńzẅíꞋlɛ nu yi pɛkŋɛ cúnɛ. Ŋu ẅí ɑ kɑ́ pɔ́ nǔu ɡúŋ-Sɛ́ pɔ́, ɑ pɔɔ yɛkŋɛ nu zẅíꞋlɛ. Pɛkŋɛ fú pɔ pɔ́Ꞌɔ, lɑ́ ńjí nu nɛ́nẅín, ńjí cɔtnu.

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Mɛnu ɛ́ ńdɑ́Ꞌ ńcẅɛt 13:14

A kɑ lẅɑklɛ pʉɔmɛsɔŋ ndǔ tsɛ́tsɑ́Ꞌ nɛ́ ŋkʉꞋnɛ nu yi ɑ kɑ ɡɛnɛ mbi nduŋmbi nɑɑ. A kɑ píkŋɛ mbɔ̌ pʉɔ ndǔ tsɛtsɑ́Ꞌ ŋɡɔ pɔ́p ɡɛ tɛ́tɔ́k-nduŋmbi nɑɑ wɑ́, nduŋmbi nɑɑ ɛ̂wɑ́ kɑ lʉ́ɔ fʉ́ŋ lɑ́ ŋ́kɛ́ mbɔɔ pfú.

Mɛnu ɛ́ ńdɑ́Ꞌ ńcẅɛt 16:14

ɛ́ pɔ́ pɔ́Ꞌɔ, ḿbɔ́ mɛzẅikŋɛ kɛpɔŋ mí ɛ́ ŋ́ɡɛ mɛnu mɑɑ mɑɑnɛ. Pɔ́p ɡɛ ŋ́ɡʉ ńjʉ́ɔ pɛfɔɔ pi ɛ́ ndǔ tsɛ́tsɑ́Ꞌ tsʉʉ, nɛpɔ́ yi pɔ́p ɡʉ ńcúꞋlɛ wɔ́p ńdɔk ńzẅíꞋlɛ ntsɔ ẅí ɛ́ ɡʉ ńdɑ́Ꞌ ḿbɔ́ nǔu mɑ́mɑ́ lɛ́Ꞌlɑ́Ꞌ yi, Sɛ́ ŋɡɑŋmɛtʉʉ tsʉʉ ɡʉ ńdɑ́Ꞌ ŋ́ŋɑk pʉɔ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 18:2

A lɔk ŋɡi tɛnnɛ ńcú ŋɡɔ: «A vu sɛ́. N cú ŋɡɔ ɑ vu sɛ́. N dɑꞋ mɑ́mɑ́ tʉ́sɔŋ-Mbɑbilɔ̂nɛ. Mbɑbilɔ̂nɛ tsʉ́Ꞌ lɑ́ njɛ́Ꞌ-mɛzẅikŋɛ kɛpɔŋ, ńtsʉ́Ꞌ ŋkɑɑ-mɛzẅikŋɛ kɛpɔŋ tsʉʉ, mbɑ yɛ́ pɛshʉ́ŋ pi nji nǔu pɔ́p nɛkwɛ́t, pɛ́ pɛn mbɔɔ wɔ́p kɔŋ,

Mɛnu ɛ́ ńdɑ́Ꞌ ńcẅɛt 18:23

Kyɛꞌ yi ɛ́ fúnɛ nǔu lɑ̂m ɛ́ ńdɑ́ꞌ ḿbɛn ŋ́kyɛꞋ zʉꞋ njɛ́Ꞌ ɡu pɔ́. Pɛ́ kɛ́ ḿbɔɔ pɛn ńzúꞋ ŋɡi ndúu-nzwɛ́ŋɡʉʉ pɔ́, ŋ́kɛ́ ḿbɔɔ yɛ́ nzwɛ́ŋɡʉʉ zúꞋ. Pɛ́ pɔɔ zúꞋ pɔ́ꞌɔ pɔ́, mbíꞋŋɡɔ pʉɔ pí pɔ́p kɑ pɔ́ ńtɑ́ŋ mɛntɑ́ɑ ɡu, pɔ́p kɑ pɔ́nɛ pɛmɑ́pʉɔ ndǔ tsɛ́tsɑ́Ꞌ. Ɔ lɔk mɛkɑŋ mú ńdẅɑklɛ mɛŋɡɔŋ tsʉʉ.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.

Mɛnu ɛ́ ńdɑ́Ꞌ ńcẅɛt 2:11

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, nɛpfú nǔu mbɑ́ɑtɛ yɛ́pɑ́ kɛ́ lɑ́Ꞌ ŋ́ɡẅɛɛ wɛ́ pɔ́.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:29

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 20:8

A cẅɛt, nɛjúk ɛ́fúklɛ pʉɔ pí pɔ́p tsɛt mɛŋɡɔŋ mɛŋɡɔŋ, ndǔ mbí mɛsɑ́k mɛ́nɛ́kwɑ. Pɛ́ fúŋ mɔnɛ mɛŋɡɔŋ ŋɡɔ Ŋɡɔ́k ḿbɛn ɛ́fúŋ ŋɡɔ Mɑŋɡɔ́k, ɛ́fúklɛ wɔ́p pɔ́Ꞌɔ, ńcúꞋlɛ wɔ́p nɛlɔk ŋ́ɡʉ ḿmɑꞋ ntsɔ. Pɔ́p zɑ́ɑ pɑ́Ꞌ mɛmbɑŋ-sɑŋsɑ́ŋ mi ɛ́ mbʉʉ-ŋki kɛ́ nɛpɑt lɑ́.

Mɛnu ɛ́ ńdɑ́Ꞌ ńcẅɛt 3:13

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zú nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ!

Mɛnu ɛ́ ńdɑ́Ꞌ ńcẅɛt 3:22

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 3:6

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 9:20

Ɛ́ ɡʉ nǔu pfuꞋ pʉɔ pí sɑ̌ɑ yúu mi ɛ́ ɡɑ́nɛ ŋɡʉ̈ɔ́Ꞌ ŋkɑɑ wɔ́p jẅí, pɔ́p kɛ́ ḿbɔɔ kúpmɛ mɑt wɔ́p ḿmɛꞋ mɛfɑꞋ kɛpɔŋ mí pɔ́p lɔɔnɛ pɔ́. Pɔ́p ŋkɑɑ nɑ́ nɛɡúꞋlɛ mɛzẅikŋɛ kɛpɔŋ pɔ́. Pɔ́p pɔɔ nɑ́ nɛɡúꞋlɛ yúu mi pɛ́ ɡúꞋlɛ́nɛ ŋɡɔ ɛ́ mɛsɛ́ pɔ́, mi pɛ́ kɑ lɔknɛ tʉ́n-ŋɡɔ̂l ńniitɛ, kɛ pɔ́ mi pɛ́ kɑ lɔknɛ tʉ́n-ŋkɑ́p ńniitɛ pɔ́, kɛ mi pɛ́ kɑ lɔknɛ tʉ́n-Mbɛlɔŋzɛ ńniitɛ pɔ́, kɛ mi pɛ́ kɑ lɔknɛ ŋɡɔꞋ ńniitɛ pɔ́, kɛ mi pɛ́ kɑ lɔknɛ kɛm tʉ́ ńniitɛ pɔ́, mɛyúu mi ɛ́ kɑ́ kuꞋ nɛjʉ́ɔ zʉꞋ pɔ́, ŋ́kɛ́ mbɔɔ kuꞋ nɛzúꞋ nu pɔ́, ŋ́kɛ́ mbɔɔ kuꞋ nɛnɛn pɔ́.