1 Timɔtɛ́ɛ 3:11 - Kɑɑ Fí

¹¹ Ɛ́ pɛn ḿbíkŋɛ ŋɡɔ pɛzwɛ́ pɔ́p pɛn ŋ́ɡẅɛɛ mɛkuꞋ, kɔɔ pɔ́p pɔ́ pɑzɑ́p sɔ́ɔ, kɔɔ pɔ́p ɡɛ yɛcɔ́ yúu tɛ ɛ́ lɛɛ, ḿbɔ́ pʉɔ pi ɛ́ lɑɑ ḿbɔ́ pɔ́p ɡɛ mbɑ kʉ̈ɔ́ lɑ́ yi pɛ́ níꞋnɛ mbɔ̌ pɔ́p tɛ pɛ́ pɔɔ lɔ́Ꞌ nǔu jʉ́ɔ.

1 Timɔtɛ́ɛ 3:11 Кръстосани препратки

Mɑtʉ̈ɔ 4:1

Ɛ́ ɡɛ pɔ́Ꞌɔ Zẅikŋɛ-Sɛ́ fú zúꞋu, ńdɔk Yɛ́su ŋ́ɡʉ kɔ̂ŋtɛt, pɑ́Ꞌ Sɑ́ttɑ ɡʉ ŋ́kwɑꞋnɛ wɛ́.

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Pʉɔ-Lɔ́mɑ 1:29

Mɛnu mi Sɛ́ sɛ́ ḿbɔɔ ŋ́kɔŋ pɔ́ jʉ́ wɔ́p, pɔ́p ɡɛ mɛnu kɛpɔŋ, ŋ́ɡẅɛɛ kɛ́ɡʉ̈ɔꞋ, ḿbɔ́ pʉɔ ńcʉ̈ɔ́k lɔ́ŋ, nɛjʉ́ɔ yúu-ŋu ŋ́kɔ́Ꞌ lɔ́ŋ nǔu jʉ́ wɔ́p, pɔ́p jẅítɛ pʉɔ, ńnɑ́ŋ ńtɑ́k pɔ mɛfɛꞋ, ŋ́ɡẅɛɛ fúklɛ, kʉ̈ɔ́ lɑ́ sɑ́Ꞌ tú pɔ́p ɔɔ pɔ́p ɡɛ ɡɛnɛ, ńzɑ́p mɛnu tú-pʉɔ,

1 Timɔtɛ́ɛ 1:12

Ŋ ɡɑ́ pɑ́Ꞌlɑ́ mbɔ̌ Tsɑpʉɔ wɛkŋɛ Yɛ́su Kɛlístɔ pɑ́Ꞌ ɑ kɑ ɡɑ́nɛ wɑ́ɑ nɛ́ mɛtʉʉ nɛlɔk ɛ́fɑꞋ fɑꞋ yɛ́. Ŋ ɡɑ́ pɑ́Ꞌlɑ́ mbɔ̌ wɛ́ pɑ́Ꞌ ɑ kɑ jʉ́ɔnɛ ŋɡɔ ŋ kuꞋ wɛ ŋu, ńtsɔ́Ꞌ wɑ́ɑ ńdɔk ŋ́ɡɛ ŋɡɑŋfɑꞋ wɛ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 6:2

Ɛ́ ɡʉ nǔu pɛkwɑɑ pi pʉɔ pɔ́p ɡẅɛɛnɛ wɔ́p pʉɔ-Kɛlístɔ pɔ́p pɑ́ɑ nɛkwɑŋɛ ŋɡɔ pɑ́Ꞌ pɔ́p pɛpɔ́p pɔ́ɔpɛ́mɑ́ lɑ́ ŋ́ɡwɑ́k wɔ́p. Tɛ ńtsʉ́Ꞌ pɔ́Ꞌɔ, pɔ́p fɑꞋ fɑꞋ yɔ́p ɛ́ pɔŋ ńdɛɛ pɑ́Ꞌ pɔ́p kɑ zɛɛ ḿbɔ́ ɛ́fɑꞋ, mbíꞋŋɡɔ pʉɔ pi pɔ́p fɑꞋnɛ mbɔ̌ pɔ́p zɑ́p tʉ́m nǔu Kɛlístɔ Sɛ́ kɔŋ wɔ́p pɔ́p pɔ́ ńjʉ́ pii-fɑꞋ-pɛkwɑɑ pɔ́p. Yúu mi ɔ ɡʉ ḿbɔ́ ńzíꞋ pʉɔ, ɛ́ pɛn ḿbɔ́ ńníꞋ mɛtʉʉ mɔ́p nɛɡɛ pɔ́Ꞌɔ, pʉ́ɔ lɑɑ:

2 Timɔtɛ́ɛ 3:3

Tʉ́m yɔ́p ŋ́ɡɛ ńtɛn pɑ́Ꞌ ŋɡɔꞋ lɑ́, pɔ́p pɔ́ pɑkɛ́tsɑ́ɑ mɛjʉ́ŋ, ńcɔt nu nǔu pʉɔ, ḿbɔ́ pʉɔ ɡɑ́Ꞌlɛ́nɛ. Ḿbɔ́ pɛfút, ḿbɔ́ ɡɑŋmbuu-nu sʉ́Ꞌnɛ,

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Tîtɛ 2:3

Ɛ́ ndʉ́ŋndʉŋ pɑ́Ꞌ ɔ ɡʉ ńzíꞋ mbɔ̌ pɛlʉ́m pɑŋɡɛ́ ŋɡɔ pɔ́p ɡẅɛɛ mɑt ẅi ɛ́ pɔŋnɛ Sɛ́, ŋɡɔ kɔɔ pɔ́p sẅíitɛ nǔu mɛlík-pʉɔ, ŋɡɔ kɔɔ pɔ́p mɑꞋ mbʉʉ yɔp nǔu mɛluꞋ. Ɛ́ píkŋɛ ŋɡɔ pɔ́p zíꞋ pʉɔ nɛ́ mɑt sʉ́Ꞌnɛ,

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.