1 Timɔtɛ́ɛ 1:3 - Kɑɑ Fí

³ Mɔ sɛ́ ŋ́kɔŋ ŋɡɔ ɔ nɑ́ŋ Ɛ́fɛ̂zɛ, pɑ́Ꞌ ŋ kɑ pɔ́ ŋ́ɡʉ nɛ́ Mɑsɛndwɑn ńcú mbɔ̌ ɡu lɑ́, nɑ́ŋ zúꞋu, ńjí ŋɡɔ ɔ ɡʉ ńdʉꞋ mbɔ̌ pɛcɔ́ pʉɔ pi pɔ́p zúꞋu ŋɡɔ kɔɔ pɔ́p pɛn ńzíꞋ pʉɔ nɛ́ mɛnu mi ɛ́ nǔu nu-Yɛ́su Kɛlístɔ mbɔɔ nǔu sɛ̂ndúŋ pɔ́.

1 Timɔtɛ́ɛ 1:3 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 18:19

Pɔ́p ɡʉ tɛ ŋ́kúu Ɛ́fɛ̂zɛ ńcẅɛt tsɛt kɑnúꞋ, Pɔ̂l nɑ́ Pɛlɛsɛkɑ pɔ́p Akilɑs, ŋ́ɡʉ ŋ́kúu ndɑ́-cúꞋlɛ-pɑyúdɑ, nɛsẅíi pɑyúdɑ nɛ́ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

Pʉɔ-Lɔ́mɑ 15:26

MbíꞋŋɡɔ pʉɔ-Kɛlístɔ pi pɔ́p Mɑsɛndwɑn mbɑ pɛ́ Akɑ̂y kɑ jʉ́ɔnɛ ŋɡɔ pɔ́p ɡʉ ḿmɑꞋ ŋkɑ́p ńdɔk cẅɛ́lɛ́ pʉɔ-Kɛlístɔ pi pɔ́p Yɛlúsɑlɛm, ḿbɔ́ pɛpúŋ.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

2 Kɔlɛ̂ŋtɛ 11:4

N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Filipɛ 2:24

Tsɑpʉɔ pɛn ŋ́ɡɛ ńjí ŋɡɔ kwɑꞋ mɔ, ŋ ɡʉ fɛ́Ꞌnɛ ńtɔ́ ńjʉ́ɔ wʉ́ʉ.

1 Timɔtɛ́ɛ 4:11

Mɔnɛ mɛnu mi ɔ ɡʉ ńcẅi mbɔ̌ pʉɔ, ḿbɛn ḿbɔ́ ńzíꞋ wɔ́p.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

1 Timɔtɛ́ɛ 5:7

Yɔ lɔk ḿbɔ́ yúu mi ɔ ɡẅɛɛ nɛcú nu mbɔ̌ pɔ́p, ńjí ŋɡɔ pɛ́ kɛ́ kẅíi lík yɔ́p kɛpɔŋ pɔ́.

1 Timɔtɛ́ɛ 6:10

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

1 Timɔtɛ́ɛ 6:3

Ŋu lɑɑ ńzíꞋ pʉɔ nɛ́ nu ndɛꞋ ńdɔk ḿmɛꞋ sẅiŋɛ nɛ́nẅín yi ɛ́ fúnɛ mbɔ̌ Tsɑpʉɔ wɛkŋɛ Yɛ́su Kɛlístɔ, mbɑ yúu mi pɛkŋɛ zíꞋnɛ pʉɔ pɔ́p fú nǔu ńzɑ́p tʉ́m nǔu wɛ́,

2 Timɔtɛ́ɛ 1:18

Mɔ sɛ́ ḿbúꞋ mbɔ́ mbɔ̌ Tsɑpʉɔ ŋɡɔ ɑ lɑ́Ꞌ lɛ́Ꞌ nɛzɑ́Ꞌ ntsɑŋ ŋ́ɡẅɛɛ pɔŋtʉ́m nǔu wɛ́. KwɑꞋ ɡu sɛ́ ńjí pɑ́Ꞌ ŋ kɑ pɛ́t tʉ́sɔŋ-Ɛ́fɛ̂zɛ ɑ cẅɛ́lɛ́ wɑ́ɑ pɔ́Ꞌɔ.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Mɛnu ɛ́ ńdɑ́Ꞌ ńcẅɛt 2:14

Lɑ́, ŋ kɛ́ ŋ́ɡẅɛɛ yɛcɔ́ yúu mi mɔ sɛ́ ńdɑ́Ꞌ wʉ́ʉ nǔu. Pɛcɔ́ pʉɔ njɛ́Ꞌ pʉʉ ḿbɔ́ ńzɑ́p tʉ́m nǔu ndɔktɛlɛ-Mbɑlɑm. Pɛ́ lɑ́Ꞌ Mbɑlɑm wɑ́ ẅí ɑ kɑ sẅíinɛ Mbɑlɑk, pɑ́Ꞌ Mbɑlɑk ɡʉ ńdʉꞋ ɡwɑk, pɑíslɑyɛ̂l vu nǔu. A kɑ tsʉ́ʉnɛ wɔ́p pɔ́p kwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́, mbɛ́ɛnɛ pɔ́p pɑŋɡɛ́ tsɛtsɛt pɔ́p pɛn ḿbuutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ.

Mɛnu ɛ́ ńdɑ́Ꞌ ńcẅɛt 2:20

Lɑ́, ŋ kɛ́ ḿbɔ́ ńdɑ́Ꞌ wʉ́ʉ, mbíꞋŋɡɔ Jizɑbɛl nɛjɔ́ŋ pʉʉ, pʉʉ pɛ́m pɛ́mnɛ. Mɑŋɡɛ́ ɛ̂wɑ́ sɛ́ ɛ́sẅíi pʉɔ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɔ́Ꞌɔ, ɛ́fúklɛ ɡɑŋfɑꞋ pɑ́ɑ, ḿbɔ́ ńzíꞋ wɔ́p pɑ́Ꞌ mbɛ́ɛnɛ pɔ́p pɑŋɡɛ́ tsɛtsɛt pɔ́p lɑɑ ŋ́kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ nɛkwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́.