1 Timɔtɛ́ɛ 1:2 - Kɑɑ Fí

² Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

1 Timɔtɛ́ɛ 1:2 Кръстосани препратки

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Ŋɡɑlɑ̂t 1:3

Pɛk sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ pɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

1 Timɔtɛ́ɛ 1:12

Ŋ ɡɑ́ pɑ́Ꞌlɑ́ mbɔ̌ Tsɑpʉɔ wɛkŋɛ Yɛ́su Kɛlístɔ pɑ́Ꞌ ɑ kɑ ɡɑ́nɛ wɑ́ɑ nɛ́ mɛtʉʉ nɛlɔk ɛ́fɑꞋ fɑꞋ yɛ́. Ŋ ɡɑ́ pɑ́Ꞌlɑ́ mbɔ̌ wɛ́ pɑ́Ꞌ ɑ kɑ jʉ́ɔnɛ ŋɡɔ ŋ kuꞋ wɛ ŋu, ńtsɔ́Ꞌ wɑ́ɑ ńdɔk ŋ́ɡɛ ŋɡɑŋfɑꞋ wɛ.

1 Timɔtɛ́ɛ 1:18

Timɔtɛ̂ɛ, ɡu mɔ́ɔ wɑ́ɑ, ŋ ɡɑ́ yɔ sẅiŋɛ mbɔ̌ ɡu, ɛ́ pɔ́ pɑ́Ꞌ pɑcẅiŋkʉʉ-Sɛ́ kɑ zɑ́Ꞌnɛ njí ńcú nǔu ɡu. Nɑ́ŋ ḿbɔ́ ŋ́kẅíitɛ mɛnu mi pɔ́p kɑ cúnɛ lɑ́, ńjí ŋɡɔ ɛ́ ɡʉ ḿbɔ́ yú yúu nɛlɔk ńdʉɔ́Ꞌ ntsɔ sʉ́Ꞌnɛ nǔu lík-Sɛ́.

1 Timɔtɛ́ɛ 6:20

Timɔtɛ̂ɛ, pɑ́ɑ nɛlɔk nu yi Sɛ́ kɑ lẅɛꞋnɛ mbɔ̌ ɡu, ńdɔk ḿmɑꞋ kwɑŋɛ. Pɑ́ɑ sẅiŋɛ yi ɛ́ kɑ́ cẅɛ́lɛ́, mbíꞋŋɡɔ ɛ́ tɔꞋ pʉɔ tɔꞋnɛ nɛzɑ́p tʉ́m nǔu Sɛ́, sẅiŋɛ yi ɛ́ ɡɛnɛ pɛ́ zɔŋ nu tɛ ŋ́kwɑŋɛ pɔ ŋɡɔ pɛ́ lɔk ńjí nu.

2 Timɔtɛ́ɛ 1:2

Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ, ɡu mɔ́ɔ wɑ́ɑ, ŋ kɔŋ wú tɛꞋ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ḿbɔ́ ńtsɑ́ɑ mɛjʉ́ŋ mú, ḿbɔ́ ńníꞋ mɔ́fíitɛ tʉ́m ɡu.

2 Timɔtɛ́ɛ 2:1

Ŋ́kɛ́ ŋ́ɡʉ nǔu ɡu mɔ́ɔ wɑɑ, nɑ́ Yɛ́su Kɛlístɔ ɡɑ́ mɛtʉʉ mbɔ̌ ɡu ńdɛɛ nǔu pɑ́Ꞌ ɑ ɡẅɛɛnɛ pɔŋtʉ́m.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Tîtɛ 2:2

ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.

Tîtɛ 3:15

Pʉɔ-Kɛlístɔ tsʉʉ pi pɛk pɛpɔ́p pɔ́nɛ, sɛ́ cɛꞋlɛ wú. CɛꞋlɛ pʉɔ-Kɛlístɔ pi pɔ́p kɔŋnɛ wûu, mbíꞌŋɡɔ pɛkŋɛ pɛpɔ́p tɛmtɛ ńzɑ́p tʉ́m nǔu Yɛ́su Kɛlístɔ. Ŋɡɔ mbɔ́tnɛ-Sɛ́ pɔ́ nɛ́ pʉʉ pɛtsʉʉ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

2 Jɑ̂ŋ 1:3

Sɛ́ Tɑ́t, mbɑ Yɛ́su Kɛlístɔ ẅí ɑ Mɔ́ɔ-Tɑ̌ɑ pɔ́ mbɔ́ nɛ́ pɛkŋɛ, ḿbɔ́ ńdikŋɛ mɛfɑɑnɛ mɛkŋɛ, ḿbɔ́ ńníꞋ mɔ́fíitɛ tʉ́m pɛkŋɛ pi pɛkŋɛ tʉ́ʉnɛ nǔu nu nɛ́nẅín ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ lɑ́.

3 Jɑ̂ŋ 1:4

Yɑ́ɑ mɑ́mɑ́ tsɑ́ɑtɛ ɛ́ pɔ́ pɔ nɛzúꞋ ŋɡɔ mbɔ́ŋkʉ̈ɔ́ pɑ́ɑ sɛ́ ńnɛn pɔ pɑ́Ꞌ nu nɛ́nẅín sɛ́ ḿbíkŋɛ.

Jẅidɛ 1:2

Sɛ́ ɡɑ́ tsɑ́ɑ mɛjʉ́ŋ mɛ́, mbɔ́tnɛ yɛ́, ŋ́ɡɛ kɔŋɛ yɛ́ mbɔ̌ pʉʉ ɛ́ zɑ́ɑ.