1 Timɔtɛ́ɛ 1:19 - Kɑɑ Fí

¹⁹ Ɔ lɑɑ ńtsʉ́Ꞌ nɛlʉ́ɔꞋ ẅîwɑ́ ntsɔ, ɔ lɔk pɔ nɛzɑ́p tʉ́m nǔu Sɛ́, ḿbɛn ḿbɑ́ɑ nɛɡɛ yúu mi mbʉʉ yu ɡʉ ńtswɑ́ɑ wú nǔu. Mbʉʉ-pɛcɔ́ nɛlʉ́m pʉɔ kɑ tswɑ́ɑ wɔ́p, pɔ́p lʉꞋ nɛzúꞋ, wɔp nɛzɑ́p tʉ́m nǔu Sɛ́ kúu pɛ́.

1 Timɔtɛ́ɛ 1:19 Кръстосани препратки

Mɑtʉ̈ɔ 6:27

A wɔ̌ ɑ nǔu pʉʉ ẅí ḿbɔ́ ɑ sǐi ńdɔk pɔ pɑ́Ꞌ ɑ púꞋnɛ mbʉʉ yɛ, ŋ́kuꞋ nɛkẅiꞋ tɑ́Ꞌ lɛ́Ꞌ nǔu mɛlɛ́Ꞌlɑ́Ꞌ mɛ́?

1 Kɔlɛ̂ŋtɛ 11:19

Ɛ́ nɛ́nẅín ŋɡɔ pʉʉ pɔ́ tɛ fɑkŋɛ mɛnɔɔ mɛnɔɔ, pɛ́ fú nǔu ńjʉ́ɔ pʉɔ pi pɔ́p kɑ́ kɔŋ fɑkŋɛ pɔ́.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Timɔtɛ́ɛ 3:9

Ɛ́ píkŋɛ ŋɡɔ pɔ́p kúꞋlɛ nu nɛ́nẅín yi ɛ́ kɑ pɔ́ yi lʉɔmɛ́nɛ, Sɛ́ nyɛt wɛkŋɛ, ŋ́kúꞋlɛ nǔu ntɛ́ yi mbʉʉ yɔp kɛ́ tswɑ́ɑ wɔ́p pɔ́.

1 Timɔtɛ́ɛ 6:12

Kɛ́ ḿbɔ́ ḿmɑꞋ yú pɔ ntsɔ sʉ́Ꞌnɛ wɛ́ pɑzɑ́ptʉ́m nǔu Sɛ́. KúꞋlɛ luk kɛ́mɛ sʉ́Ꞌnɛ, mbíꞋŋɡɔ Sɛ́ kɑ fúŋ wú, ntɛ́ pɔ wɛ́tɛ́. Ɔ kɑ pɛn ńtʉ́ʉ mbi pʉɔ tɛ ńzɑ́ɑ ḿbɛ́m nu sʉ́Ꞌnɛ yi ɔ zɑ́pnɛ tʉ́m yú nǔu.

1 Timɔtɛ́ɛ 6:21

Pɛcɔ́ pʉɔ kɑ ɡɔ́ ɛ́fɑɑnɛ sɛ̂ndúŋ ńzɛɛ ńcú pɔ ŋɡɔ pɔ́p jí tɛꞋ, pɔ́p pɛn ḿbɔɔ ńzɑ́p tʉ́m nǔu Sɛ́ pɔ́. Mɔ tsʉ́Ꞌ nɛlẅiklɛ, ḿbúꞋ mbɔ́ mbɔ̌ Sɛ́ ŋɡɔ mbɔ́tnɛ yɛ́ pɔ́ nɛ́ pʉʉ pɛtsʉʉ.

1 Timɔtɛ́ɛ 6:9

Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

2 Timɔtɛ́ɛ 2:18

Pɔ́p ḿmɛꞋ sɛ̂ndúŋ-nu nɛ́nẅín. Pɔ́p sɛ́ ńjúk ńcú ŋɡɔ Sɛ́ kɑ kɛ́mɔ́ ńdɑ́Ꞌ ŋ́ɡɛ pʉɔ zẅíimɛ nǔu nɛvú. Pɔ́p ɡɛ mɔ́ pɔ́Ꞌɔ, tɛ pʉɔ tɛ ńzɑ́ɑ pi pɔ́p zɑ́pnɛ tʉ́m nǔu Sɛ́ fú nzʉʉ yɛ́ ŋ́kʉɔ.

2 Timɔtɛ́ɛ 4:4

Pɔ́Ꞌɔ lɑ́, pɔ́p zʉʉnɛ mɛtúutɛ́ mɔ́p, ńtsʉ́Ꞌ ńzẅíꞋlɛ pɔ mɛnu-mɑ́pitsɔ́Ꞌ.»

Tîtɛ 1:9

Ɛ́ píkŋɛ ŋɡɔ ɑ niitɛ ŋ́ɡẅɛɛ Ŋkʉʉ ẅí ɛ́ ẅi ḿbɔ́ pɛ́ zɑ́p tʉ́m nǔu, ɛ́ pɔ́ ẅi ɛ́ cẅɛ́Ꞌnɛ́nɛ nǔu ẅi pɛk zíꞋnɛ pʉɔ. Ɛ́ lɛɛ pɔ́Ꞌɔ, ɑ kuꞋ nɛlɔk sẅiŋɛ yi ɛ́ nɛ́nẅín, ńníꞋ mɛtʉʉ-pɛcɔ́ pʉɔ, ŋ́kuꞋ nɛnyɛt mɛlɔꞋ-pʉɔ pi pɔ́p lʉꞋnɛ nu yi ɑ cúnɛ kwɑꞋ mbɔ̌ pɔ́p.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.

Mɛnu ɛ́ ńdɑ́Ꞌ ńcẅɛt 3:8

Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pʉʉ kɑ́ ɡẅɛɛ mbɔŋ mɛtʉʉ pɔ́ lɑ́ mbɔ pʉʉ kɑ kɛ́ ŋ́ɡẅɛɛ sẅiŋɛ yɑ́ɑ tɛ ḿbɔɔ wɑ́ɑ muŋɛ. Ɛ́ pʉɔlɑ́, mbɔ n tsɔ́Ꞌ ntsundɑ́ ŋ́ɡɑ́ mbɔ̌ pʉʉ. Wɛcɔ́ ŋu ẅí ɑ pɛn ŋ́kuꞋ nɛjɔ́Ꞌ pɔɔ ɡú pɔ́.