1 Timɔtɛ́ɛ 1:17 - Kɑɑ Fí

¹⁷ MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

1 Timɔtɛ́ɛ 1:17 Кръстосани препратки

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 5:44

Mbɔ pʉʉ zɑ́p tʉ́m nǔu mɔ ŋɡɔ́ku? Pʉʉ lɔɔ pɔ ŋɡɔ ŋumɛsɔŋ ɡɑ́nɛ nɛŋwɑ́ŋɛ wɛcɔ́, pʉʉ kɑ́ lɔɔ ŋɡɔ Sɛ́ zɛ́nɛ́jʉ́ ɡɑ́nɛ nɛŋwɑ́ŋɛ wʉʉ pɔ́, ɑ ndɑꞋ jʉ́ ḿbɔ́ Sɛ́.

Pʉɔ-Lɔ́mɑ 1:20

Ɛ́ zɛɛ ŋ́ɡɔ́ ḿbɔ́, mbɔ tɛ fúnɛ pɑ́Ꞌ Sɛ́ kɑ niitɛ́nɛ ndǔmbí, pɛ́ fú pɔ nǔu yúu mi ɑ kɑ niitɛ́nɛ, ńjí ŋɡɔ ɑ Sɛ́, tɛ mbɑ pɑ́Ꞌ pɛ́ kɑ́ pɔ́ ńjʉ́ɔ wɛ́ nɛ́ mík pɔ́. Pɛ́ jí mɛtʉʉ mɛ́ mi ɛ́ ŋ́ɡʉ ńdɑ́Ꞌ ḿmɛ pɔ́. Ɛ́ lɛɛ pɔ́Ꞌɔ, mbɔ pʉɔmɛsɔŋ pɔɔ lɑ́Ꞌ ńcú ŋɡɔ pɔ́p ŋkɑɑ ḿbɔ́ ńjí Sɛ́ pɔ́ pɔ́.

Pʉɔ-Lɔ́mɑ 1:23

Pɔ́p nɑ́ nɛɡúꞋlɛ Sɛ́ ẅí ɑ ɡẅɛɛnɛ nɛɡúꞋ, ḿbɔ́ kɛ́ pfú, ńtsʉ́Ꞌ ŋ́ɡúꞋlɛ pɔ yúu níinɛ, mɛyúu mi ɛ́ fínɛ ŋumɛsɔŋ ẅí ɑ ḿpfú, fí pɛshʉ́ŋ, pɛcɔ́ fí mɛyúumɛku mi ɛ́ ɡẅɛɛnɛ mɛku mɛ́nɛ́kwɑ, pɛcɔ́ fí mɛyúumɛku mi ɛ́ shuŋnɛ nɛpɛm nɔ́p pɔ sɛ́.

Pʉɔ-Lɔ́mɑ 11:36

Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 16:27

Sɛ́ jínɛ nu zɛ́nɛ jʉ́. Pɛkŋɛ lɛɛ nǔu Yɛ́su Kɛlístɔ ŋ́ɡúꞋlɛ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 2:10

Ŋ́kɛ́ ŋ́ɡʉ nǔu ŋu ẅí ɑ ɡɛnɛ nu sʉ́Ꞌnɛ, mbɔ Sɛ́ ŋ́ɡɑ́ nɛɡúꞋ mbɔ̌ wɛ́, ŋ́ɡɑ́ mɛkuꞋ mbɔ̌ wɛ́, ḿbɛn ŋ́ɡɑ́ mbɔ́tnɛ, ńtsʉ́Ꞌ nɛɡɑ́, ńzɛ nǔu ŋu-Pɑyúdɑ ḿbɑ́ɑtɛ ŋ́ɡɑ́ mbɔ̌ ŋu ẅí ɑ kɑ́ pɔ́ ŋu-Pɑyúdɑ pɔ́,

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

Ɛ́bɛlʉʉ 11:27

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ́ fɔɔ Ɛ́ɡíptɔ zɛ nɛzɑ́ŋ lɔ́ŋ, ɑ fú zúꞋu ńcẅɛt ŋ́ɡʉ kɛ́ pɔ́k yúu mi ḿbɔ́ ɑ ɡɛ nǔu wɛ́. Tʉ́m yɛ́ tɛntɛ tɛntɛnɛ, mbíꞋŋɡɔ ɛ́ kɑ pɔ́ ŋkɑ́ yi ɑ sɛ́ ńdɔk mík ńjʉ́ɔ Sɛ́ ẅi ḿbɔ́ ŋu pɔɔ wɛ́ jʉ́ɔ.

Ɛ́bɛlʉʉ 2:7

Ɔ kɑ ɡʉ nǔu pɑ́Ꞌ pɛcʉ̈ɔ́Ꞌ-Sɛ́ pɔ́nɛ, ŋ́kɔk wɛ́ ŋ́ɡɑ́ sɛ́ pɔ mɔ́zʉꞋ ŋ́ɡɑ́ fuꞋ níinɛ yɛ́, ńtɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ.

1 Pyɛ̂ 5:11

Jʉ́ ɡẅɛɛnɛ nɛsɑ́Ꞌ mbí nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

Jẅidɛ 1:25

ŋu ɛ̂wɑ́ pɔ́nɛ ndɑꞋ Sɛ́. A kɑ lɔk Tsɑpʉɔ wɛkŋɛ Yɛ́su Kɛlístɔ ŋ́ɡɛ pɛkŋɛ luk. Pɛ́ ɡúꞌlɛ pɔ wɛ́, jʉ́ ɡẅɛɛnɛ nɛɡúꞋ, jʉ́ ɡẅɛɛnɛ mɛtʉʉ, jʉ́ sɑ́Ꞌnɛ pʉɔ, pɑ́Ꞌ ɑ kɑ lɑ́Ꞌnɛ ńzɛ, ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ, nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 15:3

Pɔ́p pɔ́ ńzɔp mɛzɔpŋki mi Mɔ̌sɛ̂ɛ ŋɡɑŋfɑꞋ-Sɛ́ kɑ zɔpnɛ, ḿbɛn ḿbɔ́ ńzɔp mi Mɔ́ɔ-Njinjɔ kɑ zɔpnɛ, ḿbɔ́ ńcú tsɛt mîmɑ́ mɛzɔp ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, mɛfɑꞋ mú ɡúꞋ tɛꞋ, pɛ́ jʉ́ɔ ḿvukŋɛ vukŋɛnɛ. Gu Fɔɔ ẅí ɔ sɑ́Ꞌnɛ ŋɡɔŋ nɛ́ ŋɡɔŋ. Yúu mi ɔ kɑꞋnɛ nɛɡɛ ɛ́ ndʉ́ŋndʉŋ, ḿbɔ́ nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 17:14

Pɔ́p ɡʉ ḿmɑꞋ Mɔ́ɔ-Njinjɔ nɛ́ ntsɔ, lɑ́ ɑ kɛ́ ńdɛɛ wɔ́p, mbíꞋŋɡɔ ɑ Tsɑpʉɔ pɛtsɑpʉɔ, ḿbɔ́ Fɔɔ pɛfɔɔ. Pʉɔ pí ɑ kɑ fúŋnɛ wɔ́p, ńtsɔ́Ꞌ wɔ́p, pɔ́p jí pɔ́ ndɑꞋ wɛ́, pɔ́p pɛpɔ́p lɛɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 19:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ńzúꞋ yɛcɔ́ ŋɡi tɛnnɛ ɛ́ pɔ́ pɔ pɑ́Ꞌ ŋɡi mɑ́mɑ́ nɔɔ lɑ́Ꞌ lɑ́, ɛ́ pɔ́ tʉ́nɛ́pú ḿbɔ́ ńcú ŋɡɔ: «Alɛlúyɑ, luk ŋ́ɡɛ nɛɡúꞋ mbɑ mɛtʉʉ mbɔ̌ Sɛ́ wɛkŋɛ,

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»

Mɛnu ɛ́ ńdɑ́Ꞌ ńcẅɛt 19:6

N zúꞋ ŋɡi-nɔɔ-lɑ́Ꞌ zɔt pɑ́Ꞌ nɛpíi ni ɛ́ jɛ́Ꞌnɛ lɑ́, ḿbɛn ḿbɔ́ pɑ́Ꞌ ntʉʉ nɛfɑŋ ni ɛ́ kwɛnɛ́nɛ lɑ́, ḿbɔ́ ńcú ŋɡɔ: Alɛlúyɑ. MbíꞋŋɡɔ Tsɑpʉɔ Sɛ́ wɛkŋɛ, ḿbɔ́ Ŋɡɑŋmɛtʉʉ tsʉʉ, nɔŋ nɛfɔɔ nɛ́.

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.