1 Timɔtɛ́ɛ 1:11 - Kɑɑ Fí

¹¹ Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

1 Timɔtɛ́ɛ 1:11 Кръстосани препратки

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ŋɡɑlɑ̂t 2:7

Tɛ ńtsʉ́Ꞌ pɔ́Ꞌɔ, mbɔ pɔ́p kɑ jʉ́ɔ pɔ ŋɡɔ Sɛ́ kɑ fɛ́ɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ mbɔ̌ mɔ, ndʉ́ŋndʉŋ pɑ́Ꞌ ɑ kɑ ɡɑ́nɛ nɛcú nu mbɔ̌ pʉɔ pi pɔ́p pɑyúdɑ mbɔ̌ Pyɛ̂.

Ɛ́fɛ̂zɛ 1:12

A kɑ pɔ́ ńtsɔ́Ꞌ wɛkŋɛ pɔ́Ꞌɔ, luk yi pɛk pi pɛk kɑ piitɛ́nɛ nɛzɑ́p tʉ́m nǔu Kɛlístɔ, pɛk ɡʉ ŋ́ɡúꞋlɛ jʉ́ Sɛ́ mbíꞋŋɡɔ ɑ ɡúꞋ tɛꞋ.

Ɛ́fɛ̂zɛ 1:6

A kɑ lɔk wɛkŋɛ ŋ́ɡɛ pʉɔ pɛ́ nɛpɔ́ yi pɛkŋɛ ɡʉ ŋ́ɡúꞋlɛ wɛ́ nǔu mɑ́mɑ́ nu kɛ́ fʉꞋ yi ɑ kɑ ɡɛnɛ. Ɛ́ kɑ lɛɛ nǔu pɑ́Ꞌ ɑ kɑ tɛmtɛ́nɛ wɛkŋɛ pɛ́ Mɔ́ɔ nɛ ẅi ɑ kɔŋnɛ wɛ́ tɛꞋ, ŋ́ɡɑ́ fuꞋ fɛ̌ɛ yɛkŋɛ, pɔ́Ꞌɔ ɛ́ pɔ́ kwɑꞋ mɑ́mɑ́ nu tɛꞋ.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Kɔlɔsíyɛ̂ŋ 1:25

Ŋ kɑ ńtsʉ́Ꞌ mɔ́ ŋɡɑŋfɑꞋ-cúꞋlɛ-pʉɔ-Kɛlístɔ, pɔ́Ꞌɔ, ɛ́ nɛfɑꞋ fɑꞋ yi Sɛ́ kɑ ɡɑ́nɛ mbɔ̌ mɔ mbíꞋ wʉ́ʉ. Yîyɑ́ fɑꞋ pɔ́ nɛcú sẅiŋɛ-sɛ́ mbɔ̌ pʉʉ pɔ tsʉʉ:

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

1 Timɔtɛ́ɛ 2:7

Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.

1 Timɔtɛ́ɛ 6:15

A ɡʉ ŋ́ɡɛ ńtɔ́ nǔu ŋkɑ́ yi Sɛ́ kɑ zɑ́pnɛ. Jʉ́ Sɛ́ ẅí ɑ ɡẅɛɛnɛ mɛtʉʉ tsʉʉ. Jʉ́ pɔ́nɛ ndɑꞋ Sɛ́, ńnɑ́ŋ pɔ tsɛt tsɑ́ɑtɛ, ḿbɔ́ Fɔɔ ńdɛɛ pɛfɔɔ, ḿbɔ́ Tsɑpʉɔ pɛtsɑpʉɔ,

1 Timɔtɛ́ɛ 6:20

Timɔtɛ̂ɛ, pɑ́ɑ nɛlɔk nu yi Sɛ́ kɑ lẅɛꞋnɛ mbɔ̌ ɡu, ńdɔk ḿmɑꞋ kwɑŋɛ. Pɑ́ɑ sẅiŋɛ yi ɛ́ kɑ́ cẅɛ́lɛ́, mbíꞋŋɡɔ ɛ́ tɔꞋ pʉɔ tɔꞋnɛ nɛzɑ́p tʉ́m nǔu Sɛ́, sẅiŋɛ yi ɛ́ ɡɛnɛ pɛ́ zɔŋ nu tɛ ŋ́kwɑŋɛ pɔ ŋɡɔ pɛ́ lɔk ńjí nu.

2 Timɔtɛ́ɛ 1:11

Sɛ́ kɑ tsɔ́Ꞌ wɑ́ɑ ŋɡɔ m bɔ́ ŋɡɑŋntúu ńcẅi wɔ Ŋkʉʉ sʉ́Ꞌnɛ, ḿbɛn ḿbɔ́ ńdɛꞋlɛ nu mbɔ̌ pʉɔ.

2 Timɔtɛ́ɛ 1:14

Zẅikŋɛ Lɛ́ɛnɛ́nɛ pɑ́Ꞌ ɛ́ nǔu pɛkŋɛ lɑ́ cẅɛ́lɛ́ wú. Ɔ pɔɔ pɛ́m yɛcɔ́ yúu kúpmɛ nǔu nu Sʉ́Ꞌnɛ yi pɛ́ kɑ lẅɛꞋnɛ mbɔ̌ ɡu pɔ́.

2 Timɔtɛ́ɛ 2:2

Nu yi ɔ kɑ pɔ́ ńzúꞋ n zíꞋ mbi pʉɔ tɛ ńzɑ́ɑ, kɛ́ ńzíꞋ pɔ yɛ́tɛ́ mbɔ̌ pʉɔ pi mbɔ ɔ tɛ́m ŋkwɛn ŋ́ɡɑ́ mbɔ̌ pɔ́p, lɑ pɔ́p kuꞋ yɔ́p nɛzíꞋ pɛcɔ́ pʉɔ.

Tîtɛ 1:3

A kɑ ńnɑ́ŋ tɛ ŋkɑ́ kuꞋ, ɑ ɡɛ pɛ́ jí sẅiŋɛ yɛ́, ńdɛɛ nǔu ŋkʉʉ ɑ kɑ níꞋnɛ mbɔ̌ mɔ. Mɔ sɛ́ ńcẅi ẅîwɑ́ ŋkʉʉ mbɔ̌ lɑ́Ꞌ mbíꞋŋɡɔ Sɛ́ ẅi ɑ ɡɛnɛ pɛkŋɛ luk kɑ cúnɛ ŋɡɔ ɛ sɑ́Ꞌ.