1 Tɛsɑlɔník 5:25 - Kɑɑ Fí

²⁵ Pɔ́ɔpɛ́mɑ́, pʉʉ púꞋ mbɔ́ mbɔ̌ Sɛ́ mbɑ nǔu yɛ́k tú.

1 Tɛsɑlɔník 5:25 Кръстосани препратки

Pʉɔ-Lɔ́mɑ 15:30

Pɔ́ɔpɛ́mɑ́ pɑ́ɑ, ɛ́ lɛɛ nǔu Tsɑpʉɔ wɛkŋɛ Yɛ́su Kɛlístɔ mbɑ nǔu pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pɛkŋɛ ɡẅɛɛ ŋkɔŋɛ tsɛtsɛt pɛkŋɛ lɑ́, mɔ ḿbúꞋ mbɔ́ mbɔ̌ pʉʉ ŋɡɔ pʉʉ lɔk nɛcɛꞋlɛ Sɛ́ ńcẅɛ́lɛ́ wɑ́ɑ. Pʉʉ cɛꞋlɛ Sɛ́ nǔu tú yɑ́ɑ, ńtsʉ́Ꞌ nɛcɛꞋlɛ, ḿbúꞋ mbɔ́ nɛ́ ŋɡɔŋ tʉ́m yʉ́ʉ tsʉʉ,

2 Kɔlɛ̂ŋtɛ 1:11

ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.

Filipɛ 1:19

N zɛɛ ḿbɔ́ ńjí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ ɡʉ ńtɔ́ ńtsʉ́Ꞌ ŋ́ɡɛ n duk luknɛ. N duk pɔ́Ꞌɔ, ńdúꞋnɛ ntɛ́ yi pʉʉ sɛ́ ńdɔk ḿbúꞋ mbɔ́ mbɔ̌ Sɛ́, ḿbɛn ńdúꞋnɛ Zẅikŋɛ-Yɛ́su Kɛlístɔ yi ɛ́ sɛ́ ńtɔ́ɔtɛ wɑ́ɑ.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.