1 Tɛsɑlɔník 5:21 - Kɑɑ Fí

²¹ ŋ́ɡʉ nǔu kʉ̈ɔ́ lɑ́, ńtsɑꞋ ḿbɛ́ɛ pɔ yɛ sʉ́Ꞌnɛ,

1 Tɛsɑlɔník 5:21 Кръстосани препратки

Lúkɑ́shi 12:57

Mɛlɑ́Ꞌkʉ̈ɔ́ pʉʉ pɔɔ jí nɛjʉ́ɔ yúu mi pɛ́ lɑɑ ŋ́ɡɛ ɛ́ pɔ́ sʉ́Ꞌnɛ pɔ́ ɔɔ?

Jɑ̂ŋ 15:4

«Pʉʉ lɑtnɛ nǔu mɔ, pɑ́Ꞌ n dɑtnɛ́nɛ yɑ́ɑ nǔu pʉʉ! Pɔ́tʉ́ lɑɑ mbɔɔ lɑtnɛ nǔu nɛtsɛ́n-tʉ́ pɔ́, mbɔ ɛ́ kɛ́ kuꞋ nɛzɛ́m mɛntɑ́ɑ pɔ́. Ɛ́ ndʉ́ŋndʉŋ pɑ́Ꞌ pʉʉ lɑɑ mbɔɔ tɛmtɛ nǔu mɔ pɔ́, pʉʉ pɔɔ kuꞋ nɛɡɛ yɛcɔ́ yúu tɛ ɛ́ pɔŋ pɔ́.»

Jɑ̂ŋ 8:31

Yɛ́su cú mbɔ̌ pɑyúdɑ pínɛ pɔ́p zɑ́pnɛ tʉ́m nǔu wɛ́ ŋɡɔ: «Pʉʉ lɑɑ ŋ́kúꞋlɛ sẅiŋɛ yɑ́ɑ, mbɔ pʉʉ ɡʉ ḿbɔ́ kwɑꞋ ɡɑŋku pɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 12:9

Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 2:11

Mbɔ wɔ̌ jí nu yi ŋumɛsɔŋ sɛ́ ŋ́kwɑŋɛ tʉ́m yɛ́ kɛ́ pɔ́ pɔ ŋɡɑŋ? Ɛ́ pɛn ḿbɔ́ ndʉ́ŋndʉŋ pɑ́Ꞌ wɛcɔ́ ŋu lɑɑ ḿbɔ́ ɑ pɔɔ jí nu yi Sɛ́ sɛ́ ŋ́kwɑŋɛ kɛ́ pɔ́ pɔ Zẅikŋɛ-Sɛ́ pɔ́.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Ɛ́fɛ̂zɛ 5:10

Pʉʉ ɡɔ́ ŋ́ɡɛ mbɑ kʉ̈ɔ́ lɑ́, ńtɑꞋ mɛnu, nɛjí mi ɛ́ pɔŋnɛ Tsɑpʉɔ.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

Filipɛ 3:16

Nu ɡwɛ́ pɔ ŋɡɔ, zʉꞋ yi pɛkŋɛ ɡʉ tɛ ŋ́kúu zúꞋu lɑɑ, pɛkŋɛ tɛmtɛ kɛ́ ŋ́ɡʉ pɔ nɛ́ mbi.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

1 Tɛsɑlɔník 5:15

Pʉʉ pɑ́ɑ nɛlɔk nu kɛpɔŋ ḿbɑꞋ nu kɛpɔŋ. Pʉʉ ɡɛ pɔ nu sʉ́Ꞌnɛ tsɛtsɛt pʉʉ kɛ́ tɔŋ.

1 Tɛsɑlɔník 5:22

mbuu ŋ́kʉɔ nu kɛpɔŋ tsʉʉ.

2 Tɛsɑlɔník 2:15

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, kɔɔ pʉʉ kɑ́ɑ. Yúu mi pɛk kɑ zíꞋnɛ wʉ́ʉ, kɛ nɛ́ ntsu ɔɔ, kɛ ŋ́ŋwɑꞋnɛ pɔ tsɛt ŋwɑꞋnɛ ɔɔ, pʉʉ ɡẅɛɛ sʉ́Ꞌnɛ.

2 Timɔtɛ́ɛ 1:15

Ɔ sɛ́ ńjí pɑ́Ꞌ pʉɔtsʉʉ tsɛt pɑk-ŋɡɔŋ-Azîi mɛꞋ mɔ́ wɑ́ɑ tɛ mbɑ Fijɛ̂l pɔ́p Ɛlmɔjɛ̂l ɡúu.

2 Timɔtɛ́ɛ 3:6

Pɛcɔ́ pʉɔ tsɛtsɛt pɔ́p, ńjúk sɔ́ ŋ́kúu mɛndɑ́-pʉɔ, ɛ́shɔt mík-pɑŋɡɛ́ pi pɔ́p pɛ́mpɛ́mnɛ, ḿbɔ́ pi pɔ́p ɡɛnɛ mɛnu kɛpɔŋ tɛꞋ, mbʉʉ yɔp tsʉ́ʉnɛ wɔ́p nɛɡɛ yúu ntɛ́ nɛ́ ntɛ́.

2 Timɔtɛ́ɛ 4:14

Jí ŋɡɔ Alɛkzɑ̂ŋndɛlɛ ẅi ɑ tɑ̌ɑlɑɑ lɑ́, kɑ ɡɛ nu kɛpɔŋ nǔu mɔ tɛꞋ. Tsɑpʉɔ ɡʉ ńdɑ́Ꞌ ńtsɔ́Ꞌ fɑꞋ yɛ́ nǔu mɛnu mi ɑ kɑ ɡɛnɛ.

Ɛ́bɛlʉʉ 10:23

Sɛ́ kɑ kɑꞋnɛ yúu mbɔ̌ pɛkŋɛ. A pɛn ŋ́kɑꞋ yúu, ŋ́ɡɛ pɔ yîyɑ́. Pɔ́Ꞌɔ lɑ́, pɛkŋɛ kɛ́ ḿbɔ́ ŋ́kẅiꞋ ɛ́sɑ́ɑnɛ sɑ́ɑnɛ ńcú ŋɡɔ, pɛkŋɛ sɛ́ ńzẅíꞋlɛ yúu mi ɑ kɑ kɑꞋnɛ tɛ pɛkŋɛ pɔɔ ḿbɔ́ ḿmʉꞋlɛ pɔ́.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

Mɛnu ɛ́ ńdɑ́Ꞌ ńcẅɛt 2:2

Mɔ sɛ́ ńjí mɛfɑꞋ mʉ́ʉ, ḿbɔ́ ńjí wʉʉ nɛkiɛ ziꞋnɛ, ńjí pɑ́Ꞌ pʉʉ sɑ́Ꞌnɛ tʉʉ pɔ́Ꞌɔ, ńjí pɑ́Ꞌ pʉʉ kɑ́ kɔŋ nɛpɔ́ yi pʉʉ pɛ́ pʉɔ pi pɔ́p ɡẅɛɛnɛ shíshí tʉ́m ńtɛmtɛ ku pɔ́, ḿbɔ́ ńjí pɑ́Ꞌ pʉʉ kɑ kɛ́ ŋ́kwɑꞋlɛ pʉɔ pi pɔ́p cúnɛ ŋɡɔ pɔ́p ɡɑŋntúu-Yɛ́su lɑ́ ḿbɔ́ pɔ pɑɡwɑtŋkúu, tɛ ńjí ŋɡɔ pɔ́p pɔ́ pɔ ɡɑŋcɔtnu.

Mɛnu ɛ́ ńdɑ́Ꞌ ńcẅɛt 2:25

Mɔ sɛ́ ḿbíkŋɛ pɔ ndɑꞋ ŋɡɔ, yúu mi pʉʉ ɡẅɛɛnɛ, pʉʉ niitɛ ŋ́ɡẅɛɛ sʉ́Ꞌnɛ tɛ ŋ́kúu ŋkɑ́ yi ŋ ɡʉ ŋ́ɡɛ ńtɔ́.

Mɛnu ɛ́ ńdɑ́Ꞌ ńcẅɛt 3:11

Ŋ ɡʉ fɛ́Ꞌnɛ ńtɔ́. Pʉʉ ɡẅɛɛ yúu mi ɛ́ mbɔ̌ pʉʉ tɛ ɛ́ tɛn ńjí ŋɡɔ wɛcɔ́ ŋu kɛ́ cẅɛ́ɛ yʉʉ ŋɡúꞋ pɔ́.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.