1 Tɛsɑlɔník 5:2 - Kɑɑ Fí

² ɛ́ mbíꞋŋɡɔ pʉʉ sɛ́ ńtsuŋ ńjí yʉ́ʉ ŋɡɔ lɛ́Ꞌlɑ́Ꞌ-Tsɑpʉɔ ɡʉ ńdɑ́Ꞌ ḿvukŋɛ vukŋɛ́nɛ ńtɔ́ pɑ́Ꞌ ntsɔ́ŋ ẅi ɑ tɔ́nɛ nɛtúꞋ lɑ́.

1 Tɛsɑlɔník 5:2 Кръстосани препратки

Mɑtʉ̈ɔ 25:13

Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

1 Tɛsɑlɔník 5:4

Lɑ́ ŋ́ɡʉ nǔu pʉʉ pɔ́ɔpɛ́mɑ́, mbɔ pʉʉ kɑ́ pɛ́t ḿbɔ́ pɔ tsɛt nzɛ́nzʉ́ʉ pɔ́, nǔu ntɛ́ yi yîyɑ́ lɛ́Ꞌlɑ́Ꞌ ɡʉ ńtɔ́ nǔu pʉʉ pɔ pɑ́Ꞌ ntsɔ́ŋ pɔ́.

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

2 Pyɛ̂ 3:10

Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.

Mɛnu ɛ́ ńdɑ́Ꞌ ńcẅɛt 16:15

Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.