1 Tɛsɑlɔník 4:11 - Kɑɑ Fí

¹¹ Pʉʉ sɑ́Ꞌ tʉʉ, ńnɑ́ŋ kɛ́ cʉ́ɔk tsɛtsɛt pʉʉ, ŋu wʉ́ʉ cú nu pɔ nǔu nu yí ɛ́ sɛ́ ńdíŋɛ wɛ́. Pʉʉ lɔk mɛlɑ́ɑ-mbɔ́ mʉ́ʉ ɛ́fɑꞋ lɑ ńjʉ́ pɑ́Ꞌ pɛk kɑ cúnɛ ŋɡɔ pʉʉ ɡɛ lɑ́,

1 Tɛsɑlɔník 4:11 Кръстосани препратки

Mɑ́lɛ́kúshi 13:34

Mɛnu ŋkɑ́ ɛ̂yɑ́ ɡʉ ŋ́ɡɛ ḿbɔ́ pɑꞋ nu-ŋu ẅí ɑ tsʉꞋ nɛɡʉ nɛnɛn, fɛ́ɛ ndɑ́ yɛ mbɔ̌ ŋɡɑŋfɑꞋ wɛ́, ŋ́ɡɑ́ fɑꞋ yí ẅîwɑ́ ŋu ɡʉ ńtsʉ́ꞌ ḿbɔ́ ɛ́fɑꞋ, ńcú mbɔ̌ ŋu ẅí ɑ pyɛ́pnɛ ntsuŋkɑ́Ꞌ ŋɡɔ kɔɔ ɑ fʉ̈ɔ́nɛ ńdɛ́.

ŊwɑꞋnɛ-Gɑŋntúu Yɛ́su Kɛlístɔ 18:3

Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.

ŊwɑꞋnɛ-Gɑŋntúu Yɛ́su Kɛlístɔ 20:35

Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»

Pʉɔ-Lɔ́mɑ 12:11

Kɔɔ pʉʉ pɔ́ pɛlɔ́ŋ, pʉʉ pɔ́ pɔ ɡɑŋfɑꞋ. Pʉʉ lɔk tʉ́m yʉ́ʉ tsʉʉ ɛ́fɑꞋ mbɔ̌ Tsɑpʉɔ.

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

1 Kɔlɛ̂ŋtɛ 4:12

KwɑꞋ pɛk lɔk mbɔ́ mɛ́k ɛ́fɑꞋ fɑꞋ tɛ ńziꞋnɛ lɑ ŋ́ɡẅɛɛ yɛ́k yúu. Pɛ́ zɔɔtɛ wɛ́k lɑ́ pɛk tsɑ́ɑ pɔ nu sʉ́Ꞌnɛ nǔu pʉɔ. Pɛ́ kʉʉnɛ wɛ́k pɛk pɔɔ zɔŋ.

2 Kɔlɛ̂ŋtɛ 5:9

Ɛ́ lɛɛ pɔ́Ꞌɔ, yúu mi pɛk sɛ́ ńtsɑ́ɑ nɛɡɛ tɛꞋ, ɛ́ nɛɡɛ yúu mi ɛ́ pɔŋnɛ wɛ́. Kɛ pɔ pɑ́Ꞌ pɛk tsɛt yɔ mbʉʉ ɔɔ, kɛ pɔ pɑ́Ꞌ pɛk cẅɛtnɛ tsɛtú ɔɔ,

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,

1 Timɔtɛ́ɛ 2:2

Pɛ́ sɛ́ ḿbúꞋ mbɔ́ mbɔ̌ Sɛ́ nǔu tú-pɛfɔɔ, tɛ mbɑ nǔu tú pɛcɔ́ pʉɔ pi pɔ́p sɑ́Ꞌnɛ lɑ́Ꞌ. Nɛpɔ́ yi pɛkŋɛ ɡʉ ńnɑ́ŋ sʉ́Ꞌnɛ, lɑ́Ꞌ yɛkŋɛ pɔ́ lɑ́Ꞌ mbɔ́tnɛ. Pɛkŋɛ pɔ́ pʉɔ pi pɔ́p ɡɛnɛ yúu mi ɛ́ pɔŋnɛ Sɛ́, ŋ́ɡẅɛɛ tsẅɛ́ ẅi ɛ́ ɡẅɛɛnɛ mɛkuꞋ.

1 Timɔtɛ́ɛ 5:13

Pɔ́p lɑɑ mbɔɔ ɡẅɛɛ yúu pɔ́p ŋ́ɡɛ pɔ́, pɔ́p tsʉ́Ꞌ pɛlɔ́ŋ, ḿbɔ́ ŋ́kɑ́t tsɛt mɛndɑ́, ɛ́ ɡɔ́ mɛkŋɛ ḿbʉ́k pɔ́p mɛꞋ ńtíi mɛlík-pʉɔ, ŋ́kɑ́t ŋ́kíɛꞋ mɛnu mi pɛ́ lɔɔ ŋ́kíɛꞋ pɔ́, ńcú nu nǔu mɛnu mi ɛ́ kɑ́ pɔ́ ńdíŋɛ wɔ́p pɔ́.

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

1 Pyɛ̂ 3:4

Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.

1 Pyɛ̂ 4:15

ḿbɑ́ɑ ŋu wʉʉ nɛɡɔ́ ńjʉ́ɔ ŋɡʉ̈ɔ́Ꞌ ɛ́ pɔ́ ŋɡɔ ɑ jẅí ŋu, ŋɡɔ ɑ jʉ̈ɔ, kɛ pɔ ŋɡɔ ɑ ɡɛ nu kɛpɔŋ ɔɔ, kɛ pɔ ŋɡɔ ɑ jʉ́ɔ nu-ŋu ŋ́kúu nǔu ɔɔ.