1 Tɛsɑlɔník 3:13 - Kɑɑ Fí

¹³ ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

1 Tɛsɑlɔník 3:13 Кръстосани препратки

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Pʉɔ-Lɔ́mɑ 14:4

Ɔ wɔ̌ tɛ ńtɔ́ lɔ́Ꞌ ŋɡɑŋfɑꞋ-ŋu ndɛꞋ? A lɑɑ ɛ́fɑɑnɛ nu, kɛ mbɔɔ fɑɑnɛ ɔɔ, mbɔ tɑ́t-fɑꞋ wɛ ɡẅɛɛnɛ nɛcú. Jʉ́ Tsɑpʉɔ zɛɛnɛ ŋ́kuꞋ nɛcú ŋɡɔ ŋɡɑŋ kɑ́ fɑɑnɛ nu pɔ́.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

Kɔlɔsíyɛ̂ŋ 1:22

Lɑ́ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ ɛ́ kɑ fú nǔu pɑ́Ꞌ Mɔ́ɔ nɛ kɑ tsʉ́Ꞌnɛ ŋumɛsɔŋ, ḿpfú, ɛ́shuŋ wʉ́ʉ ḿbɛn ńtík nɛjɔ́ŋ wɛ́, ɛ́shuŋ wʉ́ʉ pɔ́Ꞌɔ, nɛpɔ́ yi pʉʉ ɡʉ ḿbɔ́ Ndɛ́ɛnɛ Lɛ́ɛnɛ́nɛ, ḿbɔ́ pɑkɛ́fɑɑnnɛ, ḿbɔ́ pɛkɛ́lɔ́Ꞌ.

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Tɛsɑlɔník 3:11

Pɔ́Ꞌɔ, pɛk sɛ́ ńdɔ́ɔ ŋɡɔ jʉ́ Sɛ́ ɛ̂wɑ́, ẅí ɑ Tɑ̌ɑ wɛkŋɛ, mbɑ Yɛ́su ẅi ɑ Tsɑpʉɔ wɛkŋɛ tsɔ́Ꞌ sɛ̂ndúŋ pɛk tɔ́ tɛ ńjʉ́ɔ wʉ́ʉ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

1 Tɛsɑlɔník 4:15

Pʉʉ zɛɛ ńzúꞋ yɔ nu yi pɛk ɡʉnɛ nɛcú, ɛ́ pɔ́ yɛcɔ́ tɑ́Ꞌ nu yi Tsɑpʉɔ kɑ sẅíinɛ wɛkŋɛ ŋɡɔ: Pʉɔ pɛkŋɛ pi Tsɑpʉɔ ɡʉ ńdɑ́Ꞌ ŋ́ɡɔ ńtɔ́, pɔ́p pɛ́t pɔ ntʉʉ kɛ́ ɡʉ ńdɑ́Ꞌ ńduŋmbi lɑ pʉɔ pi pɔ́p kɑ pfúnɛ pɑ́ɑtɛ pɔ́.

1 Tɛsɑlɔník 4:17

Pɛkŋɛ pi pɛkŋɛ ɡʉ ńdɑ́Ꞌ ḿbɛ́t ntʉʉ, Sɛ́ pɑ́ɑtɛ ńtíi wɔ́p pɛpɔ́p nǔu mɛlɑ́ɑ, pɔ́p pɛpɔ́p pɛ́tsʉʉ ɡʉ ŋ́kẅɛ́ɛtɛ Tsɑpʉɔ wɛkŋɛ tʉ́. Pɛkŋɛ pɛ Tsɑpʉɔ lɑ́Ꞌnɛ ńtsʉ́Ꞌ ḿbɔ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

2 Tɛsɑlɔník 1:10

Ɛ́ ɡʉ ńdɑ́Ꞌ ḿbɔ́ pɔ́Ꞌɔ, nǔu lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, ɛ́ pɔ́ nǔu yîyɑ́ lɛ́Ꞌ ɡwɛ́, pʉɔ pɛ́ pɔ́ ŋ́ɡɑ́ mɛkuꞋ mɛ́, pʉɔ pi pɔ́p zɑ́pnɛ tʉ́m nǔu wɛ́ tsʉʉ pɔ́ ŋ́ɡúꞋlɛ wɛ́. Pʉʉ pɔ́ yʉ́ʉ tsɛtsɛt pɔ́p, mbíꞋŋɡɔ pʉʉ kɑ pɛ́m nu yɛ́ yi pɛk kɑ sẅíinɛ wʉ́ʉ.

2 Tɛsɑlɔník 1:7

ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.

2 Tɛsɑlɔník 2:1

Pɔ́ɔpɛ́mɑ́, ɛ́ ɡʉ nǔu nu yi ɛ́ sɛ́ ńdíŋɛ lɛ́Ꞌlɑ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ḿbɛn ńtɔ́, pɛkŋɛ cúꞋlɛ mbi yɛ́ lɑ́, pɛk sɛ́ ḿbúꞋ mbɔ́ mbɔ̌ pʉ́ʉ ŋɡɔ:

Jɑ̂k 5:8

Mbɑ pʉʉ yʉ́ʉ, pʉʉ lɔk kɔkmbʉʉ ńzẅíꞋlɛ, kɔɔ pʉʉ citɛ mbʉʉ mbíꞋŋɡɔ ɛ́ tsʉ́Ꞌ pɔ mɔ́zʉꞋ, Tsɑpʉɔ tɔ́.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Jẅidɛ 1:14

Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,