1 Tɛsɑlɔník 3:10 - Kɑɑ Fí

¹⁰ Ɛ́ ɡʉ nǔu ŋkɑ́ yi pɛk sɛ́ ḿbúꞋ mbɔ́ mbɔ̌ Sɛ́, nɛnɛm, kɛ nɛtúꞋ ɔɔ, pɛk lɑɑ mbɔ̌ wɛ́ tɛꞋ, ŋɡɔ ɑ ɡɛ pɛk pɛn ńjʉ́ɔ mɛshʉ́ mʉ́ʉ, pɛk pɛn ŋ́ɡɑ́ wʉ́ʉ nɛ́ yúu mi ɛ́ sɛ́ ńjɑ́k nǔu wʉʉ nɛzɑ́p tʉ́m nǔu wɛ́.

1 Tɛsɑlɔník 3:10 Кръстосани препратки

Lúkɑ́shi 2:37

A kɑ tsʉ́Ꞌ mpfúk pɔ́Ꞌɔ, ŋ́kɛ́ ḿbɔɔ ńtẅí ndɑ́-nɛnɔŋpɔꞋ pɔ́, ńdɛn tɛ ńtsʉ́Ꞌ ŋ́kɔŋ kɔŋnɛ ńnɑ́ŋ ńji ŋki, ŋ́ɡúꞋlɛ Sɛ́, ńtswɛ́ ŋ́ɡúꞋlɛ wɛ́ nɛnɛm mbɑ nɛtúꞋ,tɛ ńdɑ́Ꞌ ŋ́ɡẅɛɛ ŋɡuꞋ ntsɔ̌pɛ́nɛ́kwɑ mɛɡɛ́mɛ́nɛ́fɔ́m.

ŊwɑꞋnɛ-Gɑŋntúu Yɛ́su Kɛlístɔ 26:7

Mɛnjẅɛtndɑ́ mɛkŋɛ ntsɔ̌ppɑ́ nɛ́ nɛɡɛ́m sɛ́ ńzẅíꞋlɛ yɔ́p pɔ lɛ́Ꞌ yi Sɛ́ ɡʉ ŋ́ɡɛ yîyɑ́ nu puutɛ. Tɛ ḿbɔ́ nɛnɛm mbɑ nɛtúꞋ, ḿbɔ́ ńcɛꞋlɛ Sɛ́, ŋ́kɛ́ ńzẅíꞋlɛ pɔ yɛ́tɛ́. Zɑɑ ŋɡɔ́mɑ́kɔp, pɑyúdɑ fɛn wɑ́ɑ pɑ́Ꞌɑ ntɛ́ pɔ ŋɡɔ mɔ sɛ́ ńzẅíꞋlɛ yîyɑ́ yúu.

2 Kɔlɛ̂ŋtɛ 1:15

Ŋ kɑ pɔ́ ńjí ŋɡɔ ɛ́ ɡʉ ḿbɔ́ pɔ pɔ́Ꞌɔ. Ɛ́ yúu mi ɛ́ kɑ ɡɛnɛ lɑ́ n dɔɔ nɛpiitɛ ńdɛɛ njɛ́Ꞌ pʉʉ, lɑ ŋ́ɡɛ ḿbɛn ńdɛɛ, ńjí ŋɡɔ ŋ ɡʉ ŋ́ɡɛ pʉʉ tsɑ́ɑtɛ tsɑ́ɑtɛ́nɛ ŋkɑ́ yɛ́pɑ́.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

Filipɛ 1:25

Mɔ sɛ́ ńniitɛ ńjí pɔ́Ꞌɔ. Ŋ ɡʉ ḿbɛn ńnɑ́ŋ ḿbɔ́ ńcẅɛ́lɛ wʉ́ʉ pɛ́tsʉʉ nɛtsuŋ ḿbɛ́m nu-Yɛ́su, ŋ́ɡẅɛɛ tsɑ́ɑtɛ.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 3:11

Pɔ́Ꞌɔ, pɛk sɛ́ ńdɔ́ɔ ŋɡɔ jʉ́ Sɛ́ ɛ̂wɑ́, ẅí ɑ Tɑ̌ɑ wɛkŋɛ, mbɑ Yɛ́su ẅi ɑ Tsɑpʉɔ wɛkŋɛ tsɔ́Ꞌ sɛ̂ndúŋ pɛk tɔ́ tɛ ńjʉ́ɔ wʉ́ʉ.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.

Mɛnu ɛ́ ńdɑ́Ꞌ ńcẅɛt 4:8

Mbɑ wɛ́tɛ́ lɑ́ nǔu mɛyúumɛku ɛ̂mɑ́ mɛ́nɛ́kwɑ kɑ ɡẅɛɛ mɛpɑp mɛ́ mɛ́nɛ́ntúkú, mík pɔ́ nǔu zʉꞋ tsʉʉ, nzɛmpíi mbɑ nzɛm tsɛtú. Pɔ́p pɔ́ ńzɔp kɛ́ kɑ́ɑ nɛnɛm mbɑ nɛtúꞋ, ńcú ŋɡɔ: Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, ɑ Tsɑpʉɔ Sɛ́ Ŋɡɑŋmɛtʉʉ tsʉʉ, jʉ́ ẅi ɑ ḿbɔ́nɛ ɡú, ɑ ɡú, ɑ pɛn ḿbɔ́ ńtɔ́.

Mɛnu ɛ́ ńdɑ́Ꞌ ńcẅɛt 7:15

Ɛ́ yúu mi ɛ́ ɡɛnɛ pɔ́p tʉ́ʉ mbi kɔꞋ-nɛfɔɔ-Sɛ́, ḿbɔ́ tsɛt zʉꞋ-nɔŋpɔꞋ, ḿbɔ́ ŋ́ɡúꞋlɛ wɛ́ nɛnɛm mbɑ nɛtúꞋ. Ŋu ẅí ɑ nɑ́ŋnɛ ndǔ kɔꞋ-nɛfɔɔ, ɑ ɡʉ ɛ́fii ntɑp wɛ́ ńdɔk ŋ́kẅíitɛ wɔ́p.