1 Tɛsɑlɔník 2:19 - Kɑɑ Fí

¹⁹ Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Tɛsɑlɔník 2:19 Кръстосани препратки

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Jɑ̂ŋ 21:22

Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Filipɛ 4:1

Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

1 Tɛsɑlɔník 2:20

Ɔ́ɔŋ pʉʉ wɛk nɛɡúꞋ, ḿbɔ́ yɛ́k tsɑ́ɑtɛ.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

1 Tɛsɑlɔník 4:15

Pʉʉ zɛɛ ńzúꞋ yɔ nu yi pɛk ɡʉnɛ nɛcú, ɛ́ pɔ́ yɛcɔ́ tɑ́Ꞌ nu yi Tsɑpʉɔ kɑ sẅíinɛ wɛkŋɛ ŋɡɔ: Pʉɔ pɛkŋɛ pi Tsɑpʉɔ ɡʉ ńdɑ́Ꞌ ŋ́ɡɔ ńtɔ́, pɔ́p pɛ́t pɔ ntʉʉ kɛ́ ɡʉ ńdɑ́Ꞌ ńduŋmbi lɑ pʉɔ pi pɔ́p kɑ pfúnɛ pɑ́ɑtɛ pɔ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.

2 Tɛsɑlɔník 1:7

ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.

2 Tɛsɑlɔník 2:1

Pɔ́ɔpɛ́mɑ́, ɛ́ ɡʉ nǔu nu yi ɛ́ sɛ́ ńdíŋɛ lɛ́Ꞌlɑ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ḿbɛn ńtɔ́, pɛkŋɛ cúꞋlɛ mbi yɛ́ lɑ́, pɛk sɛ́ ḿbúꞋ mbɔ́ mbɔ̌ pʉ́ʉ ŋɡɔ:

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Jɑ̂k 5:7

Pɔ́ɔpɛ́mɑ́ pɑ́ɑ, pɔ́Ꞌɔ lɑ́ pʉʉ lɔk kɔk mbʉʉ ńzẅíꞋlɛ tɛ ŋ́kúu ŋkɑ́ yi Tsɑpʉɔ ɡʉ ńtɔ́. Pʉʉ jʉ́ɔ pɑ́Ꞌ nzʉ́Ꞌnɑŋ kɑ lɑ́Ꞌ ńdɔk pɔ kɔkmbʉʉ ńzẅíꞋlɛ ŋɡɔ tsɛ́tsɑ́Ꞌ zɛ́m yúu sʉ́Ꞌnɛ, ɛ́ zɛ́m, ɑ kɑ́p ntú, ńzẅíꞋlɛ tɛ ńtɑ́ɑ ḿbɛn ŋ́kɑ́p nzʉʉ.

Jɑ̂k 5:8

Mbɑ pʉʉ yʉ́ʉ, pʉʉ lɔk kɔkmbʉʉ ńzẅíꞋlɛ, kɔɔ pʉʉ citɛ mbʉʉ mbíꞋŋɡɔ ɛ́ tsʉ́Ꞌ pɔ mɔ́zʉꞋ, Tsɑpʉɔ tɔ́.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

2 Pyɛ̂ 1:16

Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.

2 Pyɛ̂ 3:4

ńcú ŋɡɔ: Yɛ́su ŋkɑɑ cú ŋɡɔ ɑ ɡʉ ńtɔ́ pɔ́ɔ? Tɛ ɑ pɔ ɡɔ́? Pɛtɑ́t pɛk kɑ lɑ́Ꞌ mɔ́ ḿpfútɛ, yɛcɔ́ yúu ŋ́kɛ́ mbɔɔ kúpmɛ, mbɑ kʉ̈ɔ́ lɑ́ kɛ́ ḿbɔ́ pɔ pɑ́Ꞌ ɛ́ kɑ pɔ́nɛ tɛ ɛ́fúnɛ pɑ́Ꞌ pɛ́ kɑ niitɛ́nɛ ndǔmbí.

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 22:12

Ɛ́ pʉ́ɔ, Yɛ́su kɛ́ ḿbɔ́ ńcú ŋɡɔ: Ŋ ɡʉ fɛ́Ꞌnɛ ńtɔ́, ŋ ɡẅɛɛ yúu mi ŋ ɡʉ ńdɔk ńtsɔ́Ꞌ fɑꞋ-pʉɔ, ɛ́ pɔ́ ŋ́ɡɑ́ yɛ́ mbɑ wɔ̌ lɑ́ pɔ pɑ́Ꞌ mɛfɑꞋ mɛ́ pɔ́nɛ.