1 Tɛsɑlɔník 2:18 - Kɑɑ Fí

¹⁸ Ɛ́ nɛ́nẅín ŋɡɔ pɛk kɑ kɔŋ nɛpɛn ńtɔ́ lɑ́Ꞌ pʉʉ, kwɑꞋ mɔ Pɔ̂l, n dɔɔ mɛshʉ́ mɛku tɛ ńzɑ́ɑ lɑ́ Sɑ́ttɑ kɛ́ ńtɑɑtɛ wɛ́k tɑɑtɛ́nɛ.

1 Tɛsɑlɔník 2:18 Кръстосани препратки

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 15:22

Nɛkɑ́t ńnɛn ńcẅi Ŋkʉʉ Sʉ́Ꞌnɛ ɛ́ yúu mi ɛ́ kɑ tɔꞋnɛ wɑ́ɑ mɛku tɛ ńzɑ́ɑ nɛtɔ́ ńjʉ́ɔ wʉ́ʉ.

1 Kɔlɛ̂ŋtɛ 16:21

KwɑꞋ mɔ Pɔ̂l, n dɔk pɔ́ yɑ́ɑ, ŋ́ŋwɑꞋnɛ yɔ ńcɛꞋlɛ.

Filipɛ 4:16

Ŋ kɑ pɔ́ tɛ ŋ́kúu Tɛsɑlɔnik, pʉʉ túu yúu mi ɛ́ kɑ pɔ́ ńjɑ́k mbɔ̌ mɔ. Pʉʉ kɑ túu mɛŋkɑ́ tɛ ńzɑ́ɑ.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

2 Tɛsɑlɔník 3:17

KwɑꞋ mɔ Pɔ̂l, n cɛꞋlɛ wʉ́ʉ. N dɔk pɔ kwɑꞋ pɔ́ yɑ́ɑ, ŋ́ŋwɑꞋnɛ yɔ cɛꞋlɛ. Ɛ́ pɑ́Ꞌ mɔ ńzɛɛ ŋ́ŋwɑꞋnɛ nǔu yɛ́tɛ́ ŋwɑꞋnɛ lɑ́ yi mɔ ńtúu. Pʉʉ ɡʉ ńdii pɔ́-ŋwɑꞋnɛ yɑ́ɑ.

Filɛmɔ̂ŋ 1:9

n jʉ́ɔ ŋɡɔ ŋ ɡʉ ńdɛɛ nǔu ŋkɔŋɛ yúu, ḿbúꞋ mbɔ́ mbɔ̌ ɡu púꞋnɛ. Tɛ mbɑ pɑ́Ꞌ mɔ Pɔ̂l, n tsʉ́Ꞌ pɔ ndwɛn ndʉ́m, ḿbɛn ŋ́ɡɔ́ ḿbɔ́ ŋkɔ̂ɔnɛ, ḿbɔ́ ndɑ́tsɑ́ŋ ntɛ́ Yɛ́su Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.