1 Tɛsɑlɔník 1:5 - Kɑɑ Fí

⁵ MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.

1 Tɛsɑlɔník 1:5 Кръстосани препратки

Mɑ́lɛ́kúshi 16:20

Gɑŋku-Yɛ́su fú zúꞋu, ŋ́ɡʉ, ńzɛ nɛsẅíi nu-Sɛ́ zʉꞋ tsʉʉ. Tsɑpʉɔ pɔ́ ńdíŋɛ wɔ́p, ńcẅɛ́lɛ́ wɔ́p, ńtɔ́ɔtɛ wɔ́p, pɔ́p ɡɛ mɛŋkʉꞋnɛ mɛnu, mi ɛ́ nyɛtnɛ ŋɡɔ sẅiŋɛ yɔ́p fú mbɔ̌ Sɛ́.]

Lúkɑ́shi 1:1

Nɛtʉʉndɛn Tɛɔfîl, ɔ jí ŋɡɔ pʉɔ tɛ ńzɑ́ɑ tíi mɔ́ fɑꞋ nɛcúꞋlɛ mɛnu mi ɛ́ kɑ lɛɛnɛ tsɛtsɛt pɛkŋɛ tɛ ŋ́ŋwɑꞋnɛ,

ŊwɑꞋnɛ-Gɑŋntúu Yɛ́su Kɛlístɔ 11:21

Tsɑpʉɔ pɔ́ ńtɔ́ɔtɛ wɔ́p tɔ́ɔtɛnɛ, pʉɔ tɛ ńzɑ́ɑ pɔ́ ńzɑ́p tʉ́m nǔu Tsɑpʉɔ Yɛ́su, ḿbɔ́ ɛ́shɔtnɛ ńtsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 16:14

Wɛcɔ́ tɑ́Ꞌ pɔ́ tsɛtsɛt pɔ́p, pɛ́ fúŋ wɛ́ ŋɡɔ Lítíyɑ. Mbɔ ɑ kɑ fú tʉ́sɔŋ-Tiyɑtil. A tɑ́ŋtɛ yɛcɔ́ pɛpɑŋ ndẅí ɛ́ pɔŋ tɛꞋ. Mbɔ ɑ kɑ pɛ́m nu-Sɛ́-pɑyúdɑ. Pɛk pɔ́ ńcú nu, ɑ niitɛ ńzẅíꞋlɛ kwɑꞋ sʉ́Ꞌnɛ, mbíꞌŋɡɔ Tsɑpʉɔ kɑ tsɔ́Ꞌ tʉ́m yɛ́ pɑ́Ꞌ ɑ ɡʉ ńtʉ̈ɔ́ŋɛ nɛtúutɛ nɛ́ ńniitɛ zẅíꞋlɛ nu yí Pɔ̂l sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

1 Kɔlɛ̂ŋtɛ 1:24

Lɑ́ ɛ́ ɡʉ mbɔ̌ pʉɔ pi Sɛ́ tsɔ́Ꞌnɛ wɔ́p, kɛ ɛ́ pɔ́ pɔ pɑyúdɑ ɔɔ, kɛ pʉɔ pi pɔ́p kɑ́ pɔ́ pɑyúdɑ pɔ́ ɔɔ, Kɛlístɔ lɛ́Ꞌlɛ́nɛ pɑ́Ꞌ mɛtʉʉ-Sɛ́ pɔ́nɛ, mbɑ pɑ́Ꞌ jínu-Sɛ́ pɔ́nɛ.

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

1 Kɔlɛ̂ŋtɛ 3:6

Ŋ kɑ pi tʉ́ sɛ́, Apɔlɔ́s tswɛt ŋki nǔu. Lɑ́ Sɛ́ ɡɛ ɛ́ ɡúꞋ.

1 Kɔlɛ̂ŋtɛ 4:20

MbíꞋŋɡɔ nu-nɛfɔɔ-Sɛ́, ɛ́ kɑ́ pɔ́ nɛniitɛ sẅiŋɛ pɔ́, mɛtʉʉ-Zẅikŋɛ Lɛ́ɛnɛ́nɛ fɑꞋnɛ fɑꞋ.

1 Kɔlɛ̂ŋtɛ 9:14

Ɛ́ ndʉ́ŋndʉŋ pɑ́Ꞌ Tsɑpʉɔ kɑ zɑ́pnɛ ŋɡɔ pʉɔ pi pɔ́p sɛ́ ńcẅi Ŋkʉʉ Sʉ́Ꞌnɛ, pɔ́p ɡʉ ḿbɔ́ ńjʉ́ yúu mi ɛ́ fúnɛ nǔu fɑꞋ-nɛcẅi Ŋkʉʉ Sʉ́Ꞌnɛ.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Ŋɡɑlɑ̂t 2:2

Ŋ kɑ pɔ́ ŋ́ɡʉ zúꞋu, mbíꞋŋɡɔ Sɛ́ kɑ cúnɛ ŋɡɔ ŋ ɡʉ zúꞋu. Ŋ kɑ tɔ́ zúꞋu, ŋ́kyɛ́Ꞌtɛ Ŋkʉʉ Sʉ́Ꞌnɛ ẅí n cẅinɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi pʉɔ pi pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m. Pɛk pɛpɔ́p nɑ́ŋ pɔ zʉꞋ tsʉʉ lɑ ŋ kyɛ́Ꞌtɛ ɛ́sẅíi wɔ́p. Pɔ́Ꞌɔ, mbíꞋŋɡɔ ŋ kɑ kɛ́ ḿbɔɔ ŋ́kɔŋ ŋɡɔ fɑꞋ yi ŋ kɑ fɑꞋnɛ mbɑ yi mɔ ḿbɔ́ ɛ́fɑꞋ lɛɛ níinɛ pɔ́.

Ŋɡɑlɑ̂t 5:5

Ɛ́ ɡʉ nǔu pɛk pi pɛk zɑ́pnɛ tʉ́m nǔu Kɛlístɔ, pɛk sɛ́ ńzúꞋ nu pɔ mbɔ̌ Zẅikŋɛ Lɛ́ɛnɛ́nɛ, ɛ́ sɛ́ ŋ́ɡɛ pɛk pɔ́ ńzẅíꞋlɛ ŋɡɔ Sɛ́ ŋ́ɡɛ ŋ́ɡɛ pɛk pɔ́ pʉɔ pi pɔ́p mbi yɛ́ ḿbɔ́ ndʉ́ŋndʉŋ.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ɛ́fɛ̂zɛ 3:20

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Filipɛ 4:9

Kʉ̈ɔ́ lɑ́ yi ŋ kɑ zíꞋnɛ wʉ́ʉ, kʉ̈ɔ́ lɑ́ yi pʉʉ kɑ zúꞋnɛ ntsu mɔ, kʉ̈ɔ́ lɑ́ yi pʉʉ kɑ jʉ́ɔnɛ ŋ ɡɛ, pʉʉ ɡɛ pɔ́Ꞌɔ pɛ́ jʉ́ɔ. Sɛ́ ẅí ɑ ɡɑ́nɛ mɔ́fíitɛ pɔ́ mbɔ̌ pʉʉ.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

2 Tɛsɑlɔník 2:14

Mɔnɛ mɛnu mi ɛ́ kɑ ɡɛnɛ Sɛ́ lɔk Ŋkʉʉ Sʉ́Ꞌnɛ ẅi pɛk kɑ cẅinɛ mbɔ̌ pʉʉ, ɛ́fúŋ wʉ́ʉ, nɛpɔ́ yi pʉʉ ɡʉ ŋ́kúu tsɛt nɛɡúꞋ-Tsɑpʉɔ wɛkŋɛ Yɛ́su Kɛlístɔ.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

2 Timɔtɛ́ɛ 2:8

Kẅíitɛ Yɛ́su Kɛlístɔ, pɑ́Ꞌ ɑ kɑ zẅíimɛ́nɛ nǔu nɛvú, ɑ kɑ fú nǔu njẅɛt-fɔɔ Ndɑvît, ɛ́ pɑ́Ꞌ Ŋkʉʉ sʉ́Ꞌnɛ ẅi mɔ sɛ́ ńcẅi ńcúnɛ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

2 Pyɛ̂ 1:19

Ɛ́ kɑ́ pɔ́ ndɑꞋ pɔ́Ꞌɔ pɔ́ pɛkŋɛ pɛn ŋ́ɡẅɛɛ sẅiŋɛ-pɑcẅiŋkʉʉ-Sɛ́ yi ɛ́ lɑɑ ḿbɔ́ pɛ́ pɔɔ zúꞋ ḿmʉ́Ꞌlɛ pɔ́. Ɛ́ pɔ́ŋ ŋɡɔ pʉʉ tsuŋ ńzúꞋ yîyɑ́ sẅiŋɛ. Ɛ́ pɑ́Ꞌ lɑ̂m ẅí ɛ́ kyɛꞋnɛ zʉꞋ yi ɛ́ sɛ́ sʉ́ʉnɛ lɑ́. Pʉʉ tsuŋ ḿbɔ́ ńzúꞋ ńdɔk ńzẅíꞋlɛ lɛ́Ꞌ yi Yɛ́su ɡʉ ńdɑ́Ꞌ ḿbɛn ńtɔ́. Pɑ́Ꞌ cʉ̈ɔ́Ꞌ-sɑŋ ẅí ɑ kɔ́Ꞌ, njí ɡɔ́ɔ ŋ́kiɛ. A ɡʉ ńtɔ́ ŋ́kyɛꞋ zʉꞋ mbɔ̌ mɛtʉ́m mʉ́ʉ.