1 Tɛsɑlɔník 1:4 - Kɑɑ Fí

⁴ Pɔ́ɔpɛ́mɑ́ pɛ́k, pɛk sɛ́ ńjí ŋɡɔ Sɛ́ kɔŋ wʉ́ʉ, mbɔ ɑ kɑ tsɔ́Ꞌ wʉ́ʉ ńdɔk ŋ́ɡɛ pʉɔ pɛ́.

1 Tɛsɑlɔník 1:4 Кръстосани препратки

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Pʉɔ-Lɔ́mɑ 9:25

Ɛ́ pɔ́ kwɑꞋ yúu mi ɑ kɑ lɑ́Ꞌnɛ ńcú tsɛt ŋwɑꞋnɛ-Ɔzɛɛ ŋɡɔ: Pʉɔ pi pɔ́p ŋkɑɑ pɔ́ pʉɔ pɑ́ɑ pɔ́, ŋ ɡʉ ŋ́ɡɛ ɛ́fúŋ wɔ́p ŋɡɔ pʉɔ pɑ́ɑ. Pʉɔ-lɑ́Ꞌ pi ŋ kɑ́ pɔ́ ńnyɛt ŋɡɔ ŋ kɔŋ wɔ́p pɔ́ ŋ ɡʉ ŋ́ɡɛ ɛ́fúŋ wɔ́p ŋɡɔ pʉɔ pi ŋ kɔŋnɛ wɔ́p tɛꞋ.

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.