1 Tɛsɑlɔník 1:1 - Kɑɑ Fí

¹ Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ. Sɛ́ pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ ḿbɛn ḿbɔ́ ńníꞋ mɔ́fíitɛ tʉ́m pʉʉ.

1 Tɛsɑlɔník 1:1 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 15:27

Pɛk lɔk pɑ́Ꞌɑ ńtúu Jẅidɛ pɔ́p Sílɑs. Pɔ́p ɡʉ ńtʉ́ʉ mbi pʉʉ, ɛ́sẅíi wʉ́ʉ nɛ́ yúu mi pɛk ŋwɑꞋnɛnɛ tsɛt yɔ ŋwɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 15:40

Pɔ̂l tsʉ́Ꞌ ńtsɔ́Ꞌ yɛ́ Sílɑs, pɔ́pmɛ ɡɔ́ ŋ́ɡʉ, pɔ́ɔpɛ́mɑ́ fɛ́ɛ wɔ́p mbɔ̌ Tsɑpʉɔ ŋɡɔ ɑ cẅɛ́lɛ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 16:19

Pʉɔ pí pɔ́p kɑ zúunɛ wɛ́, jʉ́ɔ ŋɡɔ pɔ́p kɑ́ pɛn ŋ́kuꞋ nɛlɔk wɛ́ ńdɛp ŋkɑ́p pɔ́, ŋ́ɡɔ́ɔ ŋ́kɛ́ ŋ́ɡẅɛɛ Pɔ̂l pɔ́p Sílɑs, ɛ́shuŋ wɔ́p ńdɔk ŋ́ɡʉ ndǔ zɑ́n.

ŊwɑꞋnɛ-Gɑŋntúu Yɛ́su Kɛlístɔ 16:25

Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,

ŊwɑꞋnɛ-Gɑŋntúu Yɛ́su Kɛlístɔ 16:29

Mbyɛ́p ndɑ́tsɑ́ŋ zúꞋ ńcú pɛ́ lɔk kyɛꞌ ńtɔ́. A lɔk ŋ́kʉɔ ŋ́kúu tsɛt ndɑ́tsɑ́ŋ. Ḿbɔ́ ńcʉ̈ɔꞋ tɛ ŋ́ɡwɛt ɡwɛtnɛ, ńcúŋ ńnɔɔ mɛku-Pɔ̂l pɔ́p Sílɑs,

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

ŊwɑꞋnɛ-Gɑŋntúu Yɛ́su Kɛlístɔ 18:5

Sílɑs pɔ́p Timɔtɛ̂ɛ ɡɛ ḿbɔ́ tɛ ɛ́fú pɑk-ŋɡɔŋ-Mɑsɛ́ndwɑn ńtɔ́, Pɔ̂l tsʉ́Ꞌ ńníꞋ tú yɛ́ pɔ ndɑꞋ nɛsẅíi nu-Sɛ́, ḿbɔ́ ńniitɛ ŋ́kyɛ́Ꞌtɛ, ɛ́sẅíi pɑyúdɑ ŋɡɔ Yɛ́su pɔ́nɛ Nzɑ́Ꞌŋkʉ ẅi pɔ́p tswɛ́nɛ ḿbyɛ́p.

ŊwɑꞋnɛ-Gɑŋntúu Yɛ́su Kɛlístɔ 19:22

Ŋ́kwɑŋɛ pɔ́Ꞌɔ, ńzɑ́Ꞌ njí ńtúu Timɔtɛ̂ɛ pɔ́p Ɛlɑ̂stɛ Mɑsɛ́ndwɑn, pɔ́p pɔ́ pʉɔ pinɛ pɔ́p cẅɛ́lɛ́nɛ wɛ́. Lɑ́ kwɑꞋ jʉ́ nɛ́ tú yɛ́ pɛn ńnɑ́Ꞌ ńzɛɛ ńnɑ́ŋ tsɛt pɑk-ŋɡɔŋ-Azîi.

ŊwɑꞋnɛ-Gɑŋntúu Yɛ́su Kɛlístɔ 20:4

Mɛlík-pʉɔ pi pɔ́p pɛ́ Pɔ̂l kɑ pɔ́ ńnɛn nǔu yɔ ku-nɛnɛn pʉ́ɔlɑɑnɛ: Yɔ ḿbɔ́ Sɔpɑtɛɛ, mɔ́ɔ-Pẅilẅis ḿbɔ́ mɔ́ɔ tʉ́sɔŋ-Mbɛlɛ, ŋ́ɡɛ Alistɑk pɔ́p Sɛkɔndus, pɔ́p pɔ́ pʉɔ-Tɛsɑlɔ́ník, ḿbɛn ŋ́ɡɛ Ŋɡɑẅîs ẅi ɑ kɑ fúnɛ Ndɛlbɛ, ŋ́ɡɛ Timɔtɛ̂ɛ, ḿbɛn ŋ́ɡɛ Tishik pɔ́p Tɔlɔfinɛ pɔ́p pɔ́ pʉɔ-pɑk-ŋɡɔŋ-Azîi.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 1:19

N cú pɑ́Ꞌɑ mbíꞋŋɡɔ Yɛ́su Kɛlístɔ, mɔ́ɔ-Sɛ́ ẅi pɛk Sílɑs, ŋ́ɡɛ Timɔtɛ̂ɛ kɑ cúnɛ nu yɛ́ mbɔ̌ pʉʉ, ɑ ŋ́kɑɑ ḿbɔ́ ńtɔ́ ḿbɔ́ ŋu ẅi mbɔ ɑ cú nu, ḿbɛn ŋ́kúpmɛ pɔ́. A kɑ tɔ́ ḿbɔ́ pɔ ŋu ẅí ɑ cúnɛ nu, mbɔɔ kúpmɛ.

Ŋɡɑlɑ̂t 1:2

Pɛk pɛ́ pɔ́ɔpɛ́mɑ́ pi pɛk pɛ́pɔ́p zɑꞋnɛ tɛmtɛ́nɛ ŋ́ɡɑ́ yɔ ŋwɑꞋnɛ mbɔ̌ mɛcúꞌlɛ-pʉɔ-kɛlístɔ mi ɛ́ tsɛt ŋɡɔŋ-Ŋɡɑlɑsîi.

Ŋɡɑlɑ̂t 1:22

ŋ́ɡɔ ḿbɔ́ ńnɛn ɛ́fɑꞋ pɔ́Ꞌɔ, mbɔ pʉɔ-Kɛlístɔ pi pɔ́p Judɛ̂ ŋkɑɑ mɔ́ jʉ́ɔ nɛzíi nɑ́ɑ pɔ́.

Ɛ́fɛ̂zɛ 1:2

Lɑ́ wɛkŋɛ Sɛ́ mbɑ Tsɑpʉɔ Yɛ́su Kɛlístɔ sɛ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Kɔlɔsíyɛ̂ŋ 1:1

Yɔ ŋwɑꞋnɛ fú mbɔ̌ mɔ Pɔ̂l, Sɛ́ kɑ kɔŋ ŋɡɔ m bɔ́ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ɡɑ́nɛ

2 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

2 Timɔtɛ́ɛ 1:2

Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ, ɡu mɔ́ɔ wɑ́ɑ, ŋ kɔŋ wú tɛꞋ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ḿbɔ́ ńtsɑ́ɑ mɛjʉ́ŋ mú, ḿbɔ́ ńníꞋ mɔ́fíitɛ tʉ́m ɡu.

Ɛ́bɛlʉʉ 13:23

Pʉʉ jí ŋɡɔ pɛ́ tsɔ́Ꞌ mbɔ́ nǔu mɔ́ɔmɑ́ wɛkŋɛ Timɔtɛ̂ɛ. A lɑɑ fɛ́Ꞌnɛ ńtɔ́, mbɔ mɔ ŋ́ɡɛ ŋ́ɡɔ ńtɔ́ jʉ́ɔ wʉ́ʉ pɛknɛ́ pɔ́nɛ.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.